atatv.az
atatv.az

Niyazi Bayramov sakinlərlə görüşüb

8-10-2019, 12:41

Niyazi Bayramov sakinlərlə görüşüb

Gəncə Şəhər İcra Hakimiyyətinin başçısı Niyazi Bayramov sakinlərlə görüşüb. Görüşdə Kəpəz Rayon İcra Hakimiyyətinin başçısı Eldəniz Xudiyev, Nizami Rayon İcra Hakimiyyətinin başçısı Nizami Hacıyev, həmçinin idarə, müəssisə və təşkilat rəhbərləri iştirak ediblər. Görüşdə sakinlərin şikayət və təklifləri dinlənilib, onları narahat edən problemlərin aradan qaldırılması üçün müvafiq təbirlər görülüb.

İşlə təminat, ara küçələrin asfaltlanması, səkilərin səligəyə salınması, şəhərin müəyyən yerlərində dayanacaqların quraşdırılması, zibil qutularının qoyulması müraciətlərin əsasını təşkil edib.

Görüşdə iştirak edən M.Ə.Sabir adına 5 nömrəli tam orta məktəbin müəllimi kollektiv və valideynlər adından çıxış edərək, səhər və günorta saatlarında təhsil müəssisəsinin giriş qapısı önündə yaranan sıxlığın aradan qaldırılması istiqamətində müvafiq tədbirin görülməsini xahiş edib. O, bildirib ki, sıxlığa məktəbin yaxınlığında avtomobillər üçün dayanacağın olmaması, habelə ictimai nəqliyyat vasitələrinin məktəb binası önündə dayanması səbəb olur.

Bunlarla yanaşı şəhərin bəzi ərazilərində mavi yanacağın təzyiqindən şikayətlənənlər olub. Sakinlərə bildirilib ki, buna səbəb magistral xəttlərin köhnə olmasıdır. Hazırda bu istiqamətdə iş aparılır və həmin xəttlər yenilənir. Yaxın zamanda mövcud problem aradan qaldırılacaq.

Çoxmənzilli binaların həyətlərində uşaqlar üçün oyun meydançalarının olmamasından şıkayətlənən sakinlərə bildirilib ki, həyətlərin abadlaşdırılması məsələsi gündəmdədir.

Görüşdə sakinlərin fərdi müraciətləri də dinlənilib. Səsləndirilən problemlərin bir çoxu yerindəcə öz həllini tapıb, digərlərinin araşdırılaraq aradan qaldırılması üçün müvafiq tapşırıqlar verilib.

AtaTv.az
Niyazi Bayramov sakinlərlə görüşüb
Niyazi Bayramov sakinlərlə görüşüb






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930