atatv.az
atatv.az

İnternet kəsintisi dünya iqtisadiyyatına milyardlarla dollar zərər vurub

10-01-2020, 12:58

İnternet kəsintisi dünya iqtisadiyyatına milyardlarla dollar zərər vurub

Ötən il müxtəlif ölkə hökumətləri tərəfindən internetin qəsdən kəsilməsi səbəbindən dünya iqtisadiyyatı 8,05 mlrd. ABŞ dolları dəyərində itki ilə üzləşib.
"Top10VPN" şirkətinin yaydığı məlumata istinadən xəbər verir ki, il ərzində internet kəsintisi 21 ölkədə qeydə alınıb. Kəsintilərin sayı 122, ümumi müddəti isə 18 min saatdan çox təşkil edib.

2016-cı illə müqayisədə ötən il qlobal iqtisadiyyat üçün internet kəsintisi nəticəsində dəyən zərər 235% artıb ki, bu da rekord göstərici kimi qeydə alınıb.

Ölkələr arasında kəsintinin dəyərinə görə lider İraq olub. Bu ölkənin iqtisadiyyatına dəyən zərər 2,3 mlrd. dollar təşkil edib. Sudanda bu rəqəm 1,9 mlrd. dollara, Hindistanda – 1,3 mlrd. dollara, Venesuelada – 1,1 mlrd. dollara, İranda isə 0,6 mlrd. dollara bərabər olub. Əksər hallarda internetin kəsilməsi etiraz və iğtişaşlara cavab olaraq baş verib.

Dünya iqtisadiyyatına, insan haqlarına və demokratik proseslərə mənfi təsir göstərməsinə baxmayaraq, bu il ərzində də internet kəsintilərinin davam edəcəyi gözlənilir. Qlobal iqtisadiyyat üçün itkilərin də artacağı ehtimal olunur.(apa)






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930