atatv.az
atatv.az

Azərbaycan əhalisi maaşının neçə faizini qidaya xərcləyir?

5-02-2020, 20:58

Azərbaycan əhalisi maaşının neçə faizini qidaya xərcləyir?

Azərbaycan əhalisi əməkhaqlarının 43,3 faizini əsas qida məhsullarının alınmasına xərcləyir.

“Report”un məlumatına görə, qardaş Türkiyədə bu rəqəm 19,1% təşkil edir.

Keçmiş sovet respublikaları arasında Estoniyada bu rəqəm 14,6%, Litvada 17,7%, Latviyada 25,6%, Ukraynada 42,1%, Belarusda 43,9%, Rusiyada 44,8%, Moldovada 50,1%, Qazaxıstanda 58,7%, Ermənistanda 61,8%, Türkmənistanda 67,3% təşkil edir.

Bu sahədə ən acınacaqlı vəziyyət Özbəkistandadır. Bu ölkədə əhali aylıq qazancının 253,8%-ni əsas qida məhsullarına xərcləyir. Özbəkistan sakinləri bütün əsas qida məhsullarını alınması üçün ən azı 2,5 ay çalışmalıdırlar.

Dünyada əsas qida məhsullarına ən az vəsait xərcləyən əhali isə Avstraliyadır. Bu ölkədə əhali aylıq minimal maaşlarının cəmi 7%-ni əsas qida məhsullarına xərcləyirlər. Bu isə olduqca yüksək əməkhaqqı məbləği və qida məhsullarının ucuz olması ilə bağlıdır. Belə ki, bu ölkədə hər bir işçi işlədiyi hər bir saat üçün 13 ABŞ dolları əməkhaqqı alır.

İlk onluğa isə Avstraliyadan sonra Böyük Britaniya (7,3%), İrlandiya (7,3%), Niderland (8,6%) Səudiyyə Ərəbistanı (9%), İspaniya (9,2%), Almaniya (9,3%), Lüksemburq (9,5%), Kanada (11,9%), Belçika (11,9%) və Fransa (12,7%) daxildir.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Mart 2020    »
BeÇaÇCaCŞB
 1
2345678
9101112131415
16171819202122
23242526272829
3031