atatv.az
atatv.az

SON DƏQİQƏ: Ərdoğan bütün dünyaya ELAN ETDİ - Müharibə hər an başlaya bilər

19-02-2020, 14:45

SON DƏQİQƏ: Ərdoğan bütün dünyaya ELAN ETDİ - Müharibə hər an başlaya bilər

"İdlib hərəkatı artıq an məsələsidir”.

Publika.az xəbər verir ki, bunu Türkiyə prezidenti Rəcəb Tayyib Ərdoğan Böyük Millət Məclisinin qrup toplantısındakı çıxışında qeyd edib.

Ərdoğan bildirib ki, İdlibi Türkiyənin anti-terror əməliyyatlarındakı qətiyyətini anlamayan rejimə və onu cəsarətləndirənlərə verməyəcək: "Sadəcə sərhəd təhlükəsizliyimiz deyil, eyni zamanda, 83 milyon vətəndaşımızın hər birinin evində rahat yata bilməsi üçün kritik əhəmiyyətə sahib Suriyada, həqiqətən, dastanlara layiq mübarizə aparırıq.

Hərəkat bölgəmizə doğru müdaxilələrə ən sərt formada cavab veririk. Bu bölgələrə cavabdeh ölkələr Türkiyənin qayğılarını qarşılaya bilməsə, öz başımızın çarəsinə özümüz baxacağıq. İdlibdə rejimin hücumlarını dayandırıb Soçi memorandumu çərçivəsində müəyyən edilən sərhədlərdən geri çəkilməsi üçün son günləri yaşayırıq. Öz ölkəmizdə, Rusiyada və meydanda aparılan müzakirələrdə arzu etdiyimiz nəticələri ala bilmədik. Türkiyə İdlib məsələsində öz hərəkat planlarını tətbiq etmək üzrə hər cür hazırlığını aparıb. Hər əməliyyatda olduğu kimi bu mövzuda da "bir gecə ansız gələ bilərik” deyirik”.

Ərdoğan qeyd edib ki, nə bahasına olursa-olsun, İdlibi həm Türkiyə, həm də bölgə xalqı üçün təhlükəsiz hala gətirməkdə qətiyyətlidirlər.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930