atatv.az
atatv.az

Bakı Kamera Orkestri Qara Qarayevin “İldırımlı yollarla” baletinin musiqisi ilə #senetinledestekle çağırışına qoşulub

30-03-2020, 15:31

Bakı Kamera Orkestri Qara Qarayevin “İldırımlı yollarla” baletinin musiqisi ilə #senetinledestekle çağırışına qoşulub

Mədəniyyət Nazirliyinin dəstəyi ilə Bakı Şəhər Mədəniyyət Baş İdarəsinin nəzdində fəaliyyət göstərən Bakı Kamera Orkestri dünya şöhrətli bəstəkar Qara Qarayevin “İldırımlı yollarla” baletindən bir hissəni ifa edərək #senetinledestekle çağırışına qoşulub.

İdarədən AZƏRTAC-a bildirilib ki, videoçarxın əsas mahiyyəti isə “Güc birlikdədir”, ayrı-ayrı yerdə yaşasaq və yaratsaq da, Vətənimizə, xalqımıza, dünyamıza xidmət edərək bir orkestr halında birləşmək və dövləti dəstəkləməkdir.

Qeyd edək ki, 2011-ci ildən fəaliyyətə başlayan Bakı Kamera Orkestrinin bədii rəhbəri Ü.Hacıbəyli adına Bakı Musiqi Akademiyasının beynəlxalq əlaqələr üzrə prorektoru, Xalq artisti, professor Yeganə Axundova, dirijoru, Əməkdar artist Fuad İbrahimovdur. Orkestrin tərkibinə gənc Beynəlxalq müsabiqə laureatları və istedadlı ifaçılar daxildir.

Orkestr dünyanın bir çox ölkələrində konsert proqramları ilə qastrol səfərlərində olub, Azərbaycanın və dünyanın tanınmış sənətçilərini müşayiət edib.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    İyun 2020    »
BeÇaÇCaCŞB
1234567
891011121314
15161718192021
22232425262728
2930