atatv.az
atatv.az

Əlməmməd Nuriyev: “Məhbuslar arasında koronavirusa yoluxma halı aşkarlanmayıb”

7-04-2020, 11:33

Əlməmməd Nuriyev: “Məhbuslar arasında koronavirusa yoluxma halı aşkarlanmayıb”


Koronavirusla mübarizə çərçivəsində bütün cəzaçəkmə müəssisələrində monitorinqlər aparılıb. Məhbuslar arasında koronavirusa yoluxma halı aşkarlanmayıb.

Atatv.az xəbər verir ki, bu barədə Ədliyyə Nazirliyi yanında cəzaçəkmə müəssisələrinə ictimai nəzarəti həyata keçirən İctimai Komitənin üzvü Əlməmməd Nuriyev məlumat verib.

O bildirib ki, Ədliyyə Nazirliyində koronavirusla bağlı cəzaçəkmə müəssisələrindəki vəziyyəti nəzarətdə saxlamaq üçün Monitorinq Qrupu yaradılıb. Monitorinq çərçivəsində koronavirus infeksiyası ilə bağlı testlər aparılıb:

“Məhkumların vəziyyəti daim nəzarətdə saxlanılır. Müəssisələrdə daxili karantinlər də yaradılıb. Hərarəti olan şəxslər daxili karantinə götürülüb. Mövcud vəziyyətlə bağlı cəzaçəkmə müəssisələrində məhkumlarla görüşlər əvvəlcə məhdudlaşdırıldı, daha sonra tam şəkildə dayandırıldı. Məqsəd məhkumların sağlamlığını qorumaqdır. Onların ailələri ilə telefon əlaqələri yaratmalarına məhdudiyyət yoxdur.

Bu günə qədər məhkumlar arasında koronavirusa yoluxma faktı qeydə alınmayıb”.

Ə.Nuriyev onu da əlavə edib ki, monitorinq qrupları tərəfindən məhkumlara verilən ərzağın keyfiyyətinin monitorinqi mütəmadi olaraq aparılıb:

“Müəssisələrdə sanitar-gigiyenik qaydalar nəzarətdə saxlanılır. Məhbuslara kənardan ərzaq gətirilməsi dayandırılıb. Mütəmadi olaraq müəssisələrdəki vəziyyət barədə məlumat alınır”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    May 2020    »
BeÇaÇCaCŞB
 123
45678910
11121314151617
18192021222324
25262728293031