atatv.az
atatv.az

Koronavirusun ən qorxunc tipinin Avropada yayıldığı üzə çıxdı - ÇİN ALİMLƏRİNİN TƏDQİQATI

21-04-2020, 14:07

Koronavirusun ən qorxunc tipinin Avropada yayıldığı üzə çıxdı - ÇİN ALİMLƏRİNİN TƏDQİQATI


Koronavirusun sürətli mutasiya nəticəsində bir neçə tipi yaranıb və onlardan ən təhlükəlisi Avropa ölkələrində yayılıb.

Virtualaz.org xəbər verir ki, bu fakt Çinin Çjetsyansk universitetinin alimlərinin apardığı tədqiqatın nəticəsində ortaya çıxıb. “Biz SARS-Cov-2 virusunun mutasiya etdiyinə və nəticədə patogenliyini əhəmiyyətli dərəcədə dəyişdiyinə dair birbaşa sübutlar əldə etmişik”,-alimlər bildirir.

Tədqiqata əsasən virusun ştammından asılı olaraq koronavirusa yoluxma nəticəsində yaranan COVİD-19 xəstəliyi yüngül və ya ağır keçə bilər. Tədqiqat zamanı alimlər Çinin Hançjou əyalətindən 11 təsadüfi pasiyentdən nümunələr götürüblər və virusun mutasiyasını araşdırıblar. Onlar müəyyən ediblər ki, virusun bəzi ştammları orqanizmin hüceyrələrinə daha sürətlə hücum edir və onları sıradan çıxarır.

Tədqiqat müəllifləri müəyyən ediblər ki, virusun bəzi ştammları onların zəif ştammlarına nisbətən insan orqanizmində 270 dəfə çox virus yüklənməsi yarada bilir. Lakin alimlər virusun aqressivliyinin ölüm riskinə ciddi təsir etmədiyinə əmindir.

Araşdırmada deyilir ki, koronavirusun ən aqressiv ştammları İtaliya və İspaniyadakı pasiyentlərdə aşkarlanıb. ABŞ-da aşkarlanan ştammlar isə daha zəifdir.

Xatırladaq ki, dünyada koronavirusa təsdiqlənmi yoluxma halları 2.5 milyon nəfəri keçib, ölənlərin sayı isə sürətlə 200 min nəfərə yaxınlaşmaqdadır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    İyun 2020    »
BeÇaÇCaCŞB
1234567
891011121314
15161718192021
22232425262728
2930