atatv.az
atatv.az

“Müstəqilliyimizin bərpasının ilk, ən ağır illərinin işıqlandırılması vacib məsələdir...”

1-05-2020, 13:48

“Qarabağla yanaşı, bu mövzunu da gündəmdə saxladığına görə Moderator.az-a təşəkkürümü bildirirəm...”

“Müstəqilliyimizin bərpasının ilk, ən ağır illərinin işıqlandırılması vacib məsələdir...”

“1990-cı illərin əvvəllərində Azərbaycan xalqı müstəqilliyinin bərpası yolunda çox çətin sınaqlardan keçib. Və kimliyindən asılı olmayaraq bu işdə zəhməti, rolu olan insanları unutmaq olmaz”.

Bu sözləri Moderator.az-a açıqlamasında Azərbaycan Respublikasının birinci Prezidenti Ayaz Mütəllibov söyləyib.

“O illər bütün ziddiyyətləri, mürəkkəblikləri və səhvləri ilə birlikdə tariximizin parlaq səhifələridir. Və müstəqilliyimizin ilk, ən ağır illərinin işıqlandırılması da, yaddaşlardan silinməməsi də çox vacib məsələdir. Bu işdə ən böyük yük, təbii ki, mətbuatın, saytların, telekanalların üzərinə düşür. Bu mənada dünyamız, ölkəmiz üçün bu ağır pandemiya, karantin günlərində də Qarabağ mövzusu ilə yanaşı, yaxın tariximizin parlaq səhifələrini də işıqlandıraraq gündəmdə saxladığına görə Moderator.az saytının rəhbəri və əməkdaşlarına dərin təşəkkürümü bildirir, işlərində, yaradıcılıqlarında yeni-yeni uğurlar diləyirəm”- deyə sabiq dövlət başçısı ürək sözlərini çatdırıb.

“Karantin günlərində darıxmırsız ki?” sualını isə Ayaz Mütəllibov belə cavablandırıb:

“Doğrusu, heç səhhətimdəki nasazlıq, qan təzyiqi darıxmağı da bizə unutdurur. Şükür Allaha ki, yaşayırıq. Azərbaycan dövlətinin, xalqının bu ümumdünya bəlasıyla ləyaqətli mübarizəsinin də şahidi oluruq... Təbii, səhhətim imkan verəndə mütaliə də edirəm, saytlara da baxıram. Sizin saytı da mümkün olduqca izləyirəm. İnşallah, dünyamız da, səhhətimiz də qaydasına düşər, yenə daha geniş açıqlamalar, müsahibələr verərik...”

Sultan Laçın






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    May 2020    »
BeÇaÇCaCŞB
 123
45678910
11121314151617
18192021222324
25262728293031