atatv.az
atatv.az

Bakıda obyektlər və torpaqlar kəskin bahalaşdı (QİYMƏTLƏR)

15-05-2020, 13:10

Bakıda obyektlər və torpaqlar kəskin bahalaşdı (QİYMƏTLƏR)
Aprel ayında Bakıda daşınmaz əmlak bazarının bütün seqmentləri üzrə qiymətlərdə artım müşahidə edilib.


Bu barədə «MBA Group» konsaltinq şirkətinin rəhbəri Nüsrət İbrahimov bildirib.


Ekspert bildirib ki, qiymət artımı həm yeni, həm də köhnə tikililərdə müşahidə edilir: «Aprel ayında yeni tikilmiş mənzillərin 1 kvadratının qiyməti 1695 manat olub, 2,05% qiymət artımı müşahidə edilib. Köhnə tikililərdə 1 kvadratının qiyməti 1329 manat olub ki, burada da artım 2,76% olub».


Torpaqlar və obyektlər isə daha sürətli bahalaşıb. Belə ki, aprel ayında torpaqların qiymətində 9,12% artım olub. Biznes obyektlərinin 1 kvadratmetrinin satış qiyməti 8,43% bahalaşaraq 2 953 manata yüksəlib: «Biznes obyektlərinin 1 kvadratmetrinin icarə qiyməti isə 17,83 manat olub ki, burada da artım 7,7% təşkil edib».


Kirayə mənzil bazarında təklif olunan 1 orta mənzilin qiyməti 932 manatdır – əvvəlki ayla müqayisədə 0,36 faiz azalma olub. Amma kvadratmetrlə götürdükdə, 1 kvadrat mənzilin icarə qiyməti 8,16 manat olub ki, bu da 2% artım deməkdir.


Nüsrət İbrahimov hazırda daşınmaz əmlak bazarının passiv vəziyyətdə olduğunu bildirir: «Daşınmaz əmlak bazarında sadəcə təklif var, amma alıcı yoxdur. Hələ ki, bazarda canlanma hiss olunmur. Çox güman ki, vəziyyətin normallaşması bir-iki ay vaxt çəkər».






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    İyun 2020    »
BeÇaÇCaCŞB
1234567
891011121314
15161718192021
22232425262728
2930