Türkiyə S-400-ün ikinci alayının tədarükü barədə Rusiya ilə danışıqlara davam edir

gundem / cemiyyet
14 yan 2021
17:03
Türkiyə S-400-ün ikinci alayının tədarükü barədə Rusiya ilə danışıqlara davam edirTürkiyə S-400 zenit raket sistemlərinin ikinci komplektinin (alayının) tədarükü barədə Rusiya ilə danışıqlara davam edir.

“A Haber”in məlumatına görə, bu barədə Türkiyənin Milli Müdafiə naziri Hulusi Akar açıqlama verib.

“Ankaranın Rusiyanın S-400 hava hücumundan müdafiə sistemlərinin satın alınmasından imtina etməsi problemli olardı. Bu mövzuda ABŞ ilə fikir ayrılıqlarının dialoq yolu ilə həll olunacağını gözləyirik. Türkiyə ikinci S-400 alayının alınması ilə bağlı Rusiya ilə danışıqlara davam edir”, - deyə o, bildirib.

H.Akar Türkiyədə S-400-ün xüsusi bir dislokasiyasının olmayacağını da qeyd edib. Onun sözlərinə görə, zəruri hallarda sistemlər köçürülə bilər.

Xatırladaq ki, yanvarın 11-də Türkiyənin Müdafiə Sənayesi İdarəsinin rəisi İsmayıl Dəmir, ölkəsinə gətirilən S-400-ün istismara hazır olduğunu bildirib.
16.01.2021
11:48
Metro bağlı olacaq
16.01.2021
11:14
Salonlar açılır
15.01.2021
18:34
ANAMA ləğv edildi