atatv.az
atatv.az

"Qiymət artımlarından xəbərim yoxdur" - Əməkdar artist

4-08-2018, 14:00

"Qiymət artımlarından xəbərim yoxdur" - Əməkdar artist


Həmişə şeirləri ilə gündəmi zəbt edən əməkdar artist Elza Seyidcahanın adından bəzən şeirlər yazıb saytlarda yayımlayan "işbazlar" da var. Görəsən bu dırnağarası "işzablar" Elza xanımın adından metro və marşurutlarda qiymət artımına şeirlər yazmayıblar ki?!

Əməkdar artist Moderator.az-a açıqlamasında bildirdi ki, bu işlərlə məşğul olanları vaxtilə məhkəməyə verərək cəzalandırıb:

"Belə məsələlərə görə şeirlər yazmıram. Mən həmişə fəlsəfi yazıram. Bəzən isə insanlar mənim adımdan anonim yazıb sosial şəbəkələrdə paylaşırlar. Çox mövzulara görə mənim adımdan şeir yazıblar. Həmin adamları məhkəməyə verib cəzalandırdım. Şeirlərimin hamısı kitabımdadı. Birinci dəfə mənim adımdan Roma Papasına, sonra Metropolitenin sabiq rəisi Tağı Əhmədova şeirlər yazmışdılar. Hətta seçki ərəfəsində və benzin bahalaşanda da mənim adımdan şeir yazmışdılar. O, adamlara deyirəm ki, ay yazıqlar, öz benzinlərinizi özünüzə saxlayın, amma onlar öz benzinlərini Elzaya işlədirlər".

Əməkdar artist qiymət artımına da münasibət bildirib:

"Yəqin belə məsləhətdi ki, qiymətləri qaldırıblar. Biz uşaqlıqdan görmüşük ki, çörəyin, yağın və yumurtanın qiyməti qalxıb. Əgər hər bir insan zəhmətkeşdirsə, acından ölə bilməz. İnanırsınız ki, bu qiymət artımlarından xəbərim yoxdur. Maşınıma benzin alanda da qiymətin soruşmuram, pulumu verirəm ki, benzin vursunlar. Qiymətlər qalxsa da, heç bir narahatçılığım yoxdur, çünki Allahıma inanıram və Allah da ruzimi yetirir. Bütün ailənin qayğıları mənim çiynimdədir. İmkansız insanam, amma elə bilirlər imkanlıyam. Ölkə başçımız xalqını və vətənini canından artıq sevir. Əgər bu günki gündə qiymətlər artırılıbsa, bizim bilmədiyimiz nəsə var. Buna görə də təmkinli olmalıyıq".

Əməkdar artist şeirlərinə el şənliklərində də maraq göstərildiyini bildirib:

"Bu gün tədbirlərə, el şənliklərinə gedirəm, orda qoca nənələr şeirlərimi əzbər oxuyurlar. Deyirlər ki, icazə verin, Elza xanım şeir oxusun. Düzdür, şeirlərim bəzən başqa mənaya yozurlar, amma şeirlərimin fəlsəfi mənası var. Çox heyfslənirəm ki, böyük kişi və qadınlar şeirlərimə maraq göstərmirlər, amma balaca uşaqlar onun fəlsəfi mənasını tapırlar".






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930