atatv.az
atatv.az

Köhnə yol təmir olunandan sonra yenisi pullu olacaq

26-09-2018, 15:45

Köhnə yol təmir olunandan sonra yenisi pullu olacaq
Xəbər verdiyimiz kimi, bu ilin sonunadək Ələt-Astara yolunun 31-204-cü kilometrinin ödənişli olacağı gözlənilir. Bu barədə məlumat verən Azərbaycan Avtomobil Yolları Dövlət Agentliyinin sədri Saleh Məmmədov qurumun qiymətlə bağlı təklifi olsa da, son sözü Tarif Şurasının deyəcəyini qeyd edib.

Bəs yol ödənişli olduqdan sonra cənub rayonlarına digər alternativ yolun fəaliyyət göstərməsi nəzərdə tutulurmu? Bununla bağlı hazırda hansı işlər görülür?

Atatv.Az xəbər verir ki, qurumun mətbuat katibi Anar Nəcəfli qafqazinfo-nun suallarına cavab olaraq bildirib ki, artıq mövcud yolun təmirinə başlanılıb:

"Yolun Biləsuvar-Salyan hissəsi çox bərbad vəziyyətdə olduğu üçün ilkin işlər həmin ərazidə başlanılıb. Böyük ehtimal ki, il sonu-gələn ilin əvvəlinə kimi həmin yolda yenidənqurma işləri yekunlaşacaq. Bundan başqa, biz dəqiq deyə bilmərik ki, ilin sonundan etibarən ödənişli yolun tətbiqinə başlanılacaq. Alternativ yolun asfalt örtüyü tam olaraq yenilənməmiş bu, nəzərdə tutulmur. İlkin olaraq ödənişli yolda turnikedlər qoyulacaq, buraxılış məntəqələri tikiləcək ki, bu da bizdən vaxt tələb edir. Təqribi olaraq il sonu nəzərdə tutulub. Bu proses mərhələli formada həyata keçiriləcək".

Bundan başqa, A. Nəcəfli yeni yolun sürücülərə verdiyi imkanlardan da bəhs edib:

"Təzə yolun uzunluğu 173 km, köhnə yolunku isə 214 km-dir. Yəni, hardasa yeni yolun uzunluğu 40 km daha azdır. Belə nəticəyə gəlmək olar ki, o məsafəyə sərf olunan yanacağa qənaət etməklə yeni yoldan istifadə etmək olar. Hətta məbləğ daha az da ola bilər. Sürücülər müvcud yolla getsələr, yanacağa pul veriləcək, məsafə qısalır, tez çatırsa, həm də rahat getmək olar. Sürət həddi daha yüksəkdir. Mövcud yolda sürət 60-90 km/saat nəzərdə tutulubsa, yeni yolda stabil olaraq 120 km/saat sürətlə hərəkət etmək olar".






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    May 2020    »
BeÇaÇCaCŞB
 123
45678910
11121314151617
18192021222324
25262728293031