atatv.az
atatv.az

Şəhid ailələri və Qarabağ müharibəsi əlillərinə yeni fərdi evləri verildi - FOTO

24-11-2018, 14:51

Şəhid ailələri və Qarabağ müharibəsi əlillərinə yeni fərdi evləri verildi - FOTO

Əmək və Əhalinin Sosial Müdafiəsi Nazirliyi tərəfindən bu gün Kürdəmir və Ağsu rayonlarında yeni fərdi yaşayış evləri şəhid ailələrinin və Qarabağ müharibəsi əlillərinin istifadəsinə verilib.

Nazirliyin İctimaiyyətlə əlaqələr şöbəsindən Milli.Az-a verilən məlumata görə, yeni evlərlə təmin olunan şəhid ailəsi üzvləri Əsnayə Mütəllimova və Gülaga Musayev, Qarabağ müharibəsi əlilləri Habil Rzayev, Anar Əhmədov, Zaur Məmmədov, Teymur Əliyev göstərilən yüksək diqqət və qayğıya, yeni mənzillərlə təmin edildiklərinə görə Azərbaycan Respublikasının Prezidenti cənab İlham Əliyevə dərin minnətdarlıqlarını bildiriblər. Onlar şəhid ailələrinin və Qarabağ müharibəsi əlillərinin sosial rifahının yaxşılaşdırılması, sosial təminatlarının artırılması üçün aparılan işlərdən, eyni zamanda, dövlət başçısının müvafiq Fərmanı ilə şəhid hərbi qulluqçuların vərəsələrinə birdəfəlik ödəmələrin verilməsindən razılıqla söz açıblar.

Evlərin təqdim olunması zamanı sosial cəhətdən həssas qrupların, o cümlədən şəhid ailələrinin, müharibə əlillərinin etibarlı sosial müdafiə sistemi ilə əhatə olunduqları vurğulanıb, onlara yönələn dövlət qayğısından bəhs olunub.

Bildirilib ki, mühüm sosial proqramlardan biri də Qarabağ müharibəsi əlilləri və şəhid ailələrinin mənzillə təmin edilməsidir və bu istiqamətdə işlər ildən-ilə gücləndirilir. Cari ilin avqust ayında Bakının Qaradağ rayonunda daha 35 mənzil şəhid ailələri və Qarabağ müharibəsi əlillərinə verilib.

Prezident cənab İlham Əliyevin 2 avqust 2018-ci il tarixli sərəncamı ilə Qarabağ müharibəsi əlilləri və şəhid ailələri üçün cari ildə əlavə olaraq minimum 300 mənzilin alınması üçün 20 milyon manat vəsait ayrılıb. Bu da 2018-ci ildə verilməsi nəzərdə tutulan mənzillərin sayının 2,4 dəfə artırılmasına, yəni cari ildə 600-ə yaxın mənzilin həmin insanlara verilməsinə imkan yaradıb.

Şəhid ailələri və Qarabağ müharibəsi əlillərinə yeni fərdi evləri verildi - FOTO
Şəhid ailələri və Qarabağ müharibəsi əlillərinə yeni fərdi evləri verildi - FOTO
Şəhid ailələri və Qarabağ müharibəsi əlillərinə yeni fərdi evləri verildi - FOTO






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Yanvar 2020    »
BeÇaÇCaCŞB
 12345
6789101112
13141516171819
20212223242526
2728293031