atatv.az
atatv.az

Məmmədyarov: Ermənistanda hökm sürən yoxsulluq insanların ölkəni tərk etməsinə gətirib çıxarır

3-05-2019, 13:54

Məmmədyarov: Ermənistanda hökm sürən yoxsulluq insanların ölkəni tərk etməsinə gətirib çıxarır

"Ötən əsrin 90-ci illərinin əvvəllərində BMT-də gənc diplomat kimi çalışmışam. BMT daim sülh naminə fəaliyyətə üstünlük verib".

Publika.az xəbər verir ki, bu sözləri V Ümümdünya Mədəniyyətlərarası Dialoq Forumu çərçivəsində keçirilən "BMT sistemində sülh naminə çoxtərəflilik və diplomatiyanın gücləndirilməsi" sessiyasında çıxışı zamanı Xarici işlər naziri Elmar Məmmədyarov deyib.

Nazir bildirib ki, sülh naminə təsisatlar yaradılanda çoxtərəflilik prinsipindən istifadə etmək çox vacibdir. Dünya sürətlə dəyişir. BMT-də sülh quruculuğu ilə bağlı çox işlər görülüb: "Ölkəmiz BMT Təhlükəsizlik Şurasının qeyri-daimi üzvü seçilib. Azərbaycan bu üzvlüyü alandan sonra sonra BMT-də fərqli atmosfer hökm sürməyə başlayıb. Əfsus ki, BMT Təhlükəsizlik Şurasında məsələlərin həllində yalnız daimi üzvlər rol oynayır. Bu gün dünya dinamik inkişaf edir. Kiçik və orta ölkələr də bərabərliyə malik olmalıdır".

Elmar Məmmədyarov bildirib ki, əsas məsələ səyləri bir araya gətirib, daha da ucadan səsləndirməkdir: "Çünki BMT bir qətnaməni belə icra edə bilmir. Rəqəmsallaşdırma çərçivəsində təzyiqlərə məruz qalırıq. Çünki sosial şəbəkələrin hər birimizin gündəlik həyatında mühüm rolu var, bu isə beynəlxalq münasibətlərə də təsir edir".

Nazir onu da vurğulayıb ki, sülhdən yaxşı heç nə yoxdur: "Çoxtərəfli prinsipə ehtiyacımız var və bunun ətrafında fikirlər yürüdərək uğur qazana bilərik. Ermənilərlə danışıqlarda iştirak edən tərəf kimi rahat şəkildə deyə bilirik ki, münaqişələr 30 ilə yaxındır hökm sürür. Münaqişə müsbət və davamlı inkişafı təmin edə bilməz. Ermənistanda bu gün böyük miqrasiya dalğaları var. Ölkədə hökm sürən yoxsulluq, insanların ölkənin gələcəyinə inanmaması onların ölkəni tərk etməsinə gətirib çıxarır. Təyyarədə olarkən erməni mətbuatı ilə fikir mübadiləsi apardım. Onlara sual verdikdə dedilər ki, diaspor bizə kömək edir. Ancaq onların diasporu belə ölkənin gələcəyinə inanmır. Əsas ismarıc açıq şəkildə çatdırılmalıdır. Nə qədər güclü mövqe nümayiş etdirsək, səsimiz də daha tez eşidiləcək."






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930