atatv.az
atatv.az

“Azərbaycanın ətrafını toz-duman basıb” - Qonşulardakı gərginlik ölkəmizə də təsir edə bilər

21-06-2019, 17:51

“Azərbaycanın ətrafını toz-duman basıb” - Qonşulardakı gərginlik ölkəmizə də təsir edə bilər

Azərbaycanın qonşuları İran və Gürcüstanda vəziyyət gərgindir. Amerikanın İrana sanksiyaları və Gürcüstandakı mitinqlər bölgədə vəziyyətin pisləşməsinə işarədir. Bəs görəsən qonşu ölkələrdə baş verənlərin Azərbaycana hansı təsiri olacaq?



Məsələ ilə bağlı Modern.az-a danışan “Atlas” Araşdırmalar Mərkəzinin rəhbəri Elxan Şahinoğlu deyib ki, Azərbaycanın ətrafı toz-dumandır:
“Ermənistanla müharibə vəziyyətindəyik, İranda gərginlikdir.. Amerikanın cənub qonşumuza sanksiyaları sərtləşdirməsi fonunda müharibə təhlükəsi və Gürcüstanda vəziyyətin gərginləşməsi... Biz bu təhlükələrdən özümü qorumağı bacarmalıyıq. Gürcüstanda əslində mitinqlərin haqlı səbəbləri var, bir ölkə sənin torpaqlarını işğal edə və həmin ölkənin deputatı parlament sədrinin yerində otura... Bu hərəkət Tbilisidə ciddi narazılıqlara səbəb oldu. Oradakı vəziyyət parlament və hökumət böhranı yarada bilər. Təəssüf ki, Gürcüstanın indiki hökuməti Azərbaycana qarşı müəyyən iddialar irəli sürmüşdü. Bu iddiaları getdikcə gücləndirirdi, həmin münasibətlər müsbət bir hadisə kimi yadda qalmadı, gərginlik artdı. İndi görürük ki, özlərində gərginlik var”.



Elxan Şahinoğlu deyib ki, Azərbaycan Gürcüstanda gərginliyin tərəfdarı deyil:
“Gürücüstanda elə hökumətin formalaşmasını istəyirik ki, Azərbaycanla strateji müttəfiqliyə sadiq qalsın. İrana gəldikdə isə bu məsələnin danışıqlar yolu ilə həllinin tərəfdarıyıq. Heç bir zaman bölgədə müharibə istəmirik, çünki bunun Azərbaycana da mənfi fəsadları ola bilər. Ümid edirik ki, Amerika və İran geri addımlar atacaq. İran nə Suriya, nə İraq, nə də Liviya deyil. İrana qarşı müharibə başlasa, bu bütün Avrasiya bölgəsində gərginlik yaradacaq. Bu məsələlər elədir ki, bizdən asılı deyil, biz sadəcə məsələlərə diqqətlə yanaşıb, özümüzü təhlükələrdən qorumalıyıq. Bunun üçün öz sərhədlərimizi gücləndirməliyik, prosesləri yaxından izləməliyik”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    İyun 2020    »
BeÇaÇCaCŞB
1234567
891011121314
15161718192021
22232425262728
2930