atatv.az
atatv.az

Nazir Əbu Dabiyə getdi: Qlobal İqlim Sammitinə hazırlıq üçün

3-07-2019, 14:07

Nazir Əbu Dabiyə getdi: Qlobal İqlim Sammitinə hazırlıq üçün

Birləşmiş Ərəb Əmirliklərinin paytaxtı Əbu Dabi şəhərində Qlobal İqlim Sammitinə hazırlıqla bağlı iclas keçirilib. Qeyd edək ki, Qlobal İqlim Sammiti 23 sentyabr 2019-cu il tarixində BMT-nin Baş Katibinin təşəbbüsü ilə Nyu York şəhərində keçiriləcək.

Ekologiya və Təbii Sərvətlər Nazirliyinin mətbuat xidmətindən Unikal.org-a verilən məlumata görə, Sammitdən əvvəl iclasın keçirilməsində məqsəd Qlobal İqlim Sammitinin bütün fəaliyyət sahələri üzrə tərəqqinin əldə edilməsi, Sammitdə elan olunması nəzərdə tutulan təşəbbüslərin təkmilləşdirilməsi, nailiyyətlərin və öhdəliklərin qiymətləndirilməsi olub.

Toplantıda Azərbaycan Respublikasını Ekologiya və Təbii Sərvətlər naziri təmsil edib.
İclasda 2020-ci ilədək töhfələrin yüksəldilməsi, Milli Səviyyədə Müəyyən Olunan Töhfələrin (NDC) təkmilləşdirilməsi, 2050-ci ilədək karbon emissiyalarının sıfır səviyyəsinə endirilməsi məsələləri müzakirə olunub, enerji səmərəliliyinə keçid üzrə paralel iclaslar və görüşlər keçirilib.
Tədbir çərçivəsində Azərbaycanın Ekologiya və Təbii Sərvətlər naziri ilə Serbiyanın Ətraf mühitin mühafizəsi naziri və Ümumdünya Meteorologiya Təşkilatının baş katibi arasında yeni əməkdaşlıq əlaqələrinin qurulması və mövcud əlaqələrin inkişaf etdirilməsi məqsədilə ikitərəfli görüşlər də təşkil olunub.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930