atatv.az
atatv.az

Əliyar Ağayev UEFA-nın Elit Kateqoriyasına doğru

4-07-2019, 12:09

Əliyar Ağayev UEFA-nın Elit Kateqoriyasına doğru

Hakimlərin inkişaf etdirilməsi istiqamətində müxtəlif layihələr reallaşdıran UEFA növbəti addımını atıb.

Qol.az-ın AFFA-nın saytına istinadən yaydığı xəbərə görə, UEFA Hakimlər Komitəsinin sədri Roberto Rosetti tərəfindən AFFA Hakimlər Komitəsinə daxil olmuş məlumatda qurum tərəfindən yeni - İstedad və Mentor proqramı yaradıldığı, hazırda hakimlərin təsnifatında I kateqoriyada yer alan FİFA referisi Əliyar Ağayevin də həmin proqrama daxil edildiyi bildirilib.

Qeyd edək ki, İstedad və Mentor proqramında I kateqoriyadan (ümumilikdə Avropa üzrə 48 hakim) Elit kateqoriyaya namizəd olan 11 hakim yer alıb. Proqram müddətində müxtəlif monitorinqlər aparılacaq və ən istedadlı hakimlər növbəti il Elit kateqoriyada yer alan 26 nəfərdən ən zəif göstəricilərə malik və ya son yaş həddinə çatmış referiləri əvəzləyəcək.

Əlavə edək ki, Elit Kateqoriyada yer alan hakimlər dünya və Avropa çempionatının final mərhələsi, eləcə də Çempionlar Liqasının qrup oyunlarına təyinat alır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930