atatv.az
atatv.az

"Devid Moyesi ata kimi görürəm" - Maqaye Qeye

15-04-2020, 13:30

"Devid Moyesi ata kimi görürəm" - Maqaye Qeye
"Həqiqətən Moyes mənə qarşı çox sərt idi. Amma o vaxt səbəbini bilmirdim. İndi başa düşürəm ki, mənə güvəndiyi üçün belə edirmiş. Bununla mənə etimadını göstərirdi”.

Qol.az xəbər verir ki, bu sözləri “Qarabağ”ın futbolçusu Maqaye Qeye Britaniya mətbuatına açıqlamasında deyib.

Fransalı hücumçu İngiltərənin “Everton” klubundakı çıxışı haqda danışarkən o vaxt komandanı çalışdıran Devid Moyes haqda müsbət fikirlər səsləndirib. 30 yaşlı forvard şotlandiyalı mütəxəssisin komandadan ayrılmasına üzüldüyünü bildirib:

“Düşünürəm ki, o, məndə bir istedad görürdü və bu səbəbdən hər zaman arxamda idi. Moyesi ata kimi görürəm, o isə mənə oğlu kimi davranırdı.

Moyes komandadan gedəndə mənim üçün hər şey dəyişdi. Məyus oldum, çünki “Evertona”a onun istəyi ilə gəlmişdim”.

Qeye Moyesi əvəzləyən Roberto Martinesdən və "Everton"dan ayrılmasından da danışıb: “O, yaxşı insan idi. Martinesə qarşı pis nəsə hiss etmirəm. Sadəcə, öz oyunçularını komandaya gətirdi və tamam başqa futbol istədi. Demirəm ki, bu mənim futbolum deyil, amma Devid Moyesin rəhbərliyi altında oynamaqdan daha çox zövq alırdım. Martines tamamilə fəlsəfəni və oyunçuları dəyişdi, dərhal planlarında olmadığımı söylədi”.

Qeyd edək ki, Maqaye Qeye 2010 – 2014-cü illərdə “Everton”da çıxış edib və 24 oyuna 1 qol vurub. O, ötən ilin iyulundan “Qarabağ”da oynayır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    İyun 2020    »
BeÇaÇCaCŞB
1234567
891011121314
15161718192021
22232425262728
2930