Milli Qurtuluş Günü Tbilisidə qeyd edilib

gundem
15 iyun 2024
15:26
Milli Qurtuluş Günü Tbilisidə qeyd edilib

Milli Qurtuluş Günü qonşu Gürcüstanda da təntənəli şəkildə qeyd olunub.

Azərbaycanın Gürcüstandakı səfiri Faiq Quliyev, səfirliyin və SOCAR-ın Gürcüstan nümayəndəliyinin əməkdaşları, iş adamları, Diaspor Komitəsinin nümayəndəsi, Bakıdan gəlmiş qonaqlar, jurnalistlər, ictimaiyyət nümayəndələri iyunun 15-də Tbilisidəki Heydər Əliyev Parkında Ulu Öndərin abidəsini ziyarət edib, xatirəsini ehtiramla anıblar.

Səfir ictimaiyyət nümayəndələri ilə görüşdə Milli Qurtuluş Gününün əhəmiyyətindən danışıb.

Bildirilib ki, 15 İyun - Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ümummilli Lider Heydər Əliyevdir.
14.07.2024
10:24
Bakıda restoran yandı