https://atatv.az/ ru Cəmiyyət - Atatv.az https://atatv.az/index.php?newsid=709 https://atatv.az/index.php?newsid=709 admin Tue, 06 Oct 2026 18:29:43 +0400 Gündəm / Cəmiyyət
Azərbaycan xarici işlər naziri Ceyhun Bayramov Gürcüstanın Azərbaycana yeni təyin olunmuş səfiri Qiorqi Zakaraşvilini qəbul edib.

Bu barədə Xarici İşlər Nazirliyi (XİN) məlumat yayıb.

Bildirilib ki, Ceyhun Bayramov səfiri təyinatı münasibətilə təbrik edib, ona iki ölkə arasında münasibətlərin daha da inkişafı istiqamətində diplomatik fəaliyyətində uğurlar arzulayıb.

Görüşdə iki ölkə arasındakı ənənəvi dostluq və mehriban qonşuluq münasibətlərinin, mövcud olan yüksək səviyyəli əlaqələrin ikitərəfli əməkdaşlığın inkişafında mühüm rol oynadığı vurğulanıb.

Görüş zamanı, Azərbaycan-Gürcüstan tərəfdaşlıq münasibətlərinin cari vəziyyəti və inkişaf perspektivləri, iqtisadi-ticarət əlaqələri, enerji təhlükəsizliyi, nəqliyyat-kommunikasiya layihələri, müdafiə, və təhlükəsizlik və digər sahələrdə əməkdaşlıq məsələləri müzakirə olunub. Qarşılıqlı etimada əsaslanan əlaqələrin regionun sabitliyi və inkişafı baxımından xüsusi əhəmiyyət daşıdığı vurğulanıb. Beynəlxalq təşkilatlar çərçivəsində qarşılıqlı dəstəyin önəmi qeyd olunub.

Tərəflər enerji və nəqliyyat sahələrində həyata keçirilən birgə layihələrin, o cümlədən Bakı-Tbilisi-Ceyhan, Cənub Qaz Dəhlizi, Bakı-Tbilisi-Qars dəmir yolu və Orta Dəhlizin, həmçinin Qara dəniz sualtı elektrik enerjisi kabeli kimi "yaşıl enerji" layihələrinin regional və qlobal əhəmiyyətini qeyd ediblər.

Nazir Ceyhun Bayramov post-münaqişə dövründə regionda yaranmış reallıqlar, işğaldan azad edilmiş ərazilərdə həyata keçirilən genişmiqyaslı bərpa-quruculuq işləri, habelə Azərbaycan-Ermənistan sülh və normallaşma prosesi barədə səfirə ətraflı məlumat verib.

Səfir Qiorqi Zakaraşvili səmimi qəbula görə təşəkkürünü bildirərək, bu vəzifədə xidmət etməyin onun üçün böyük şərəf və məsuliyyət olduğunu vurğulayıb. O, fəaliyyəti dövründə Gürcüstan və Azərbaycan arasında strateji tərəfdaşlığın daha da genişləndirilməsi üçün səylərini əsirgəməyəcəyini bildirib.

Görüşdə qarşılıqlı maraq doğuran digər ikitərəfli və regional məsələlər ətrafında da fikir mübadiləsi aparılıb.]]> https://atatv.az/index.php?newsid=708 https://atatv.az/index.php?newsid=708 admin Tue, 06 Oct 2026 18:14:24 +0400 Cəmiyyət ]]> https://atatv.az/index.php?newsid=707 https://atatv.az/index.php?newsid=707 admin Tue, 06 Oct 2026 17:59:47 +0400 Gündəm / Cəmiyyət
Azərbaycan, Özbəkistan və Türkiyə xüsusi təyinatlılarının (XTQ) iştirakı ilə "Sonsuz qardaşlıq – V" çoxmillətli birgə xüsusi təyinatlı qüvvələr təlimi keçirilib.

Bu barədə Müdafiə Nazirliyindən məlumat verilib.

Bildirilib ki, Özbəkistanda keçirilən təlimdə Azərbaycan hərbi qulluqçuları ölkəmizi layiqincə təmsil edərək yüksək döyüş hazırlığı və peşəkarlıq nümayiş etdiriblər.

Regionda təhlükəsizliyin, sabitliyin və hərbi əməkdaşlığın möhkəmləndirilməsi məqsədilə keçirilən təlimdə əsas diqqət qardaş ölkələrin xüsusi təyinatlı bölmələri arasında qarşılıqlı təcrübə mübadiləsinin aparılması, birgə əməliyyatların planlaşdırılması və icrası üzrə uyğunluğun artırılmasına yönəldilib.

Plana əsasən iştirakçılar dağlıq ərazidə və yaşayış məntəqələrində döyüşün aparılması, şərti düşmən arxasına sızma, kəşfiyyat-axtarış tapşırıqlarının icrası, mühüm obyektlərin ələ keçirilməsi, antiterror əməliyyatları zamanı girovların azad edilməsi və strateji obyektlərin mühafizəsi, eləcə də müxtəlif çaplı atıcı silahlardan, snayper tüfənglərindən, xüsusi vasitələrdən gündüz və gecə şəraitində atışlar yerinə yetiriblər.

Təlim rəhbərliyi ilə birlikdə tədbirin yekun mərhələsini izləyən Azərbaycan Xüsusi Təyinatlı Qüvvələrin komandanı general-mayor Ələkbər Cahangirov xüsusi təyinatlılarımızın bacarıqlarını və hazırlıq səviyyəsini yüksək qiymətləndirib.

Sonda birgə təlimdə qarşıya qoyulan tapşırıqların icrası zamanı fərqlənən bir qrup hərbi qulluqçu mükafatlandırılıb, xatirə şəkilləri çəkdirilib.]]> https://atatv.az/index.php?newsid=706 https://atatv.az/index.php?newsid=706 admin Tue, 06 Oct 2026 17:05:07 +0400 Gündəm / Cəmiyyət
Magistral su kəmərində aparılacaq təmir-bərpa işləri ilə bağlı Bakının Binəqədi, Sabunçu, Xəzər, Suraxanı, Pirallahı rayonlarının, eləcə də Abşeron rayonunun bəzi ərazilərinin su təminatında fasilə yaranacaq.

Bu barədə Azərbaycan Dövlət Su Ehtiyatları Agentliyinə məxsus "İri Şəhərlərin Su Təchizatı" QSC məlumat yayıb.

Məlumata görə, sabah səhər saatlarına kimi içməli suyun verilişi bərpa olunacaq.

Qurum müvəqqəti narahatlığa görə abonentlərdən üzr istəyib.]]> https://atatv.az/index.php?newsid=702 https://atatv.az/index.php?newsid=702 admin Tue, 06 Oct 2026 15:36:35 +0400 Gündəm / Cəmiyyət
TƏBİB-in İcraçı direktoru Anar Bayramov oktyabrın 16-da Quba, Qusar, Xaçmaz, Şabran və Siyəzən rayon sakinlərini qəbul edəcək.

Bu barədə TƏBİB-dən məlumat verilib.

Bildirilib ki, qəbul Quba Rayon Mərkəzi Xəstəxanasında keçiriləcək.

Vətəndaşlar info@tabib.gov.az elektron ünvanına müraciət edə və ya "815" Çağrı Mərkəzi ilə əlaqə saxlayaraq qəbula yazıla bilər.]]> https://atatv.az/index.php?newsid=701 https://atatv.az/index.php?newsid=701 admin Tue, 06 Oct 2026 14:57:51 +0400 Gündəm / Cəmiyyət
Azərbaycanın həyata keçirdiyi "yaşıl enerji dəhlizi" layihələri Böyük Britaniya şirkətləri qarşısında yeni perspektivlər açır.

Bunu energetika naziri Pərviz Şahbazov Azərbaycan hökuməti ilə Böyük Britaniya və Şimali İrlandiya Birləşmiş Krallığının hökuməti arasında ticarət və iqtisadi əməkdaşlıq üzrə birgə hökumətlərarası komissiyanın VIII iclasında deyib.

Nazirin sözlərinə görə, dünya miqyasında dəyişən enerji landşaftı elektrik şəbəkələrinin və regional əlaqələrin strateji rolunu daha da artırır:

"Azərbaycan Xəzər hövzəsini və Mərkəzi Asiya regionunu Avropa qitəsi ilə əlaqələndirmək məqsədilə genişmiqyaslı "yaşıl enerji dəhlizi" layihələrini reallaşdırır. Bu layihələrə TRASEKA marşrutu ilə Naxçıvan və Türkiyə üzərindən Şərq bazarlarına qədər uzanan istiqamət də daxildir. Böyük Britaniyadan olan tərəfdaşlarımızı həm bu, həm də digər "yaşıl enerji bağlantısı" layihələrinə qoşulmağa çağırırıq. Britaniyanın "Xlinks" şirkətinin bu prosesə cəlb edilməsi, eləcə də bu gün Yaşıl Dəhliz Alyansı ilə Anlaşma Memorandumunun imzalanması gələcək tərəfdaşlığımız üçün yeni fürsətlər yaradır."]]> https://atatv.az/index.php?newsid=700 https://atatv.az/index.php?newsid=700 admin Tue, 06 Oct 2026 14:26:09 +0400 Gündəm / Cəmiyyət
Bakıda və Abşeron yarımadasında oktyabrın 6-dan 7-nə keçən gecə və səhər saatlarında yağışın intensivləşəcəyi gözlənilir.

Bu barədə Milli Hidrometeorologiya Xidməti məlumat yayıb.

Bildirilib ki, bəzi yerlərdə qısamüddətə güclü olacağı ehtimalı var. Günün ikinci yarısından yağış tədricən kəsiləcək. Cənub-şərq küləyi səhər şimal-qərb küləyi ilə əvəz olunacaq.

Havanın temperaturu gecə 15-17° isti, gündüz 18-22° isti olacaq. Atmosfer təzyiqi 764 mm civə sütunndan 767 mm civə sütununa yüksələcək. Nisbi rütubət 70-80 % təşkil edəcək.

Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə yağışın leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı, gecə və səhər saatlarında bəzi şərq rayonlarında yağıntıların güclənəcəyi ehtimalı var. Axşamdan yağıntılar tədricən kəsiləcək. Gecə və səhər bəzi yerlərdə duman olacaq. Şərq küləyi əsəcək.

Havanın temperaturu gecə 11-16° isti, gündüz 20-25° isti, dağlarda gecə 2-7° isti, gündüz 13-18° isti olacaq.]]> https://atatv.az/index.php?newsid=699 https://atatv.az/index.php?newsid=699 admin Tue, 06 Oct 2026 12:37:31 +0400 Gündəm / Cəmiyyət
Azərbaycan Bələdiyyələrinin Milli Assosiasiyaları tərəfindən hazırlanmış “E-Bələdiyyə” mobil tətbiqi istifadəyə verilib.

Tətbiq Azərbaycan Respublikasında rəqəmsal inkişafın sürətləndirilməsi istiqamətində icra edilən tədbirlər çərçivəsində bələdiyyə xidmətlərinin əlçatanlığının təmin edilməsi məqsədilə yaradılıb.

“E-Bələdiyyə” tətbiqi vətəndaşlara bələdiyyə orqanına getmədən daha çevik, şəffaf bələdiyyə xidmətlərindən istifadə etməyə imkan verir və bələdiyyə­-vətəndaş münasibətlərini yeni müstəviyə keçirir.

Vətəndaşlara yerli vergi öhdəliklərini tətbiq vasitəsilə izləmək, ödəniş etmək və bələdiyyə ilə elektron əlaqə saxlamaq imkanı təqdim edilir.

Tətbiqdən ödəniş əməliyyatının nəticəsinə baxmaq, ödəniş qəbzini əldə etmək və əvvəlki ödənişləri izləmək mümkündür. Əmlak və torpaq vergisi kalkulyatoru isə sahə, zona və obyektin növü üzrə ilkin hesablama aparmağa imkan verir.

Elektron müraciət imkanları da tətbiqin funksiyaları sırasındadır. İstifadəçilər bələdiyyə uçotu üzrə məlumatların dəqiqləşdirilməsi və təsdiqi üçün müraciət göndərə, müraciətin statusunu izləyə bilərlər. Bələdiyyənin sorğularını cavablandırmaq, təklif təqdim etmək və verilən cavabları oxumaq imkanı sakinlərin yerli məsələlərlə bağlı fikirlərini bələdiyyəyə çatdırmasına şərait yaratmaqla elektron alətlər vasitəsilə ictimai iştirakçılığı təmin edir.

“E-Bələdiyyə” tətbiqini həm “App Store”, həm də “Google Play”dən yükləmək mümkündür. İstifadəçilər “mygov İD” sistemi vasitəsilə qeydiyyatdan keçərək elektron kabinetlərinə daxil olmaqla tətbiqdən istifadə edə biləcəklər.

Yaxın gələcəkdə “E-Bələdiyyə” mobil tətbiqində digər bələdiyyə xidmətlərinin dairəsinin genişləndirilməsi və məlumatların “MyGov” platformasına da inteqrasiya edilməsi nəzərdə tutulur.

Aşağıdakı keçidlərdən istifadə etməklə mobil tətbiqi yükləmək olar:

https://play.google.com/store/apps/details?id=com.icisleri.belediyemobileapp&pcampaignid=web_share
https://apps.apple.com/tr/app/e-b%C9%99l%C9%99diyy%C9%99/id6815845101?l=tr]]> https://atatv.az/index.php?newsid=695 https://atatv.az/index.php?newsid=695 admin Tue, 06 Oct 2026 10:50:49 +0400 Cəmiyyət / Gündəm

Azərbaycan İslam Əməkdaşlıq Təşkilatı Parlament İttifaqının (İƏTPİ) sədrliyini qəbul edərkən sülh, ədalət, həmrəylik, tolerantlıq və insan ləyaqətini, həmçinin dayanıqlı və inklüziv inkişafı əsas götürüb.

Bunu Milli Məclisin sədri Sahibə Qafarova Tanzaniyada İƏTPİ-nin koordinasiya iclasında deyib.

Spiker vurğulayıb ki, İƏTPİ Konfransının 20-ci sessiyası bu ilin iyununda Bakıda uğurla baş tutdu və Milli Məclis təşkilata sədrliyi qəbul etdi:

"Bu sədrlik Azərbaycanın İslam dünyasında həmrəyliyi və sıx əlaqələri gücləndirməyə sadiqliyini əks etdirir.

Təcrübə göstərir ki, müxtəlif regionlardan olan və fərqli mövqelərə malik ölkələr məsləhətləşmə, qarşılıqlı hörmət və ortaq maraqlara diqqət yetirərək birlikdə işləyə bilərlər".

Milli Məclisin sədri qeyd edib ki, regional perspektivlər daha geniş beynəlxalq parlament dialoqunda daha güclü yer tutmalıdır.


]]> https://atatv.az/index.php?newsid=694 https://atatv.az/index.php?newsid=694 admin Tue, 06 Oct 2026 10:04:51 +0400 Gündəm / Cəmiyyət
Nazirlər Kabineti "İşğaldan azad edilmiş ərazilərdə istehsal fəaliyyəti ilə məşğul olan sahibkarlara kommunal xidmətlərdən (elektrik enerjisi, təbii qaz, su təchizatı və tullantı sularının axıdılması xidməti) istifadəyə görə maliyyə yardımının ödənilməsi qaydası"nın təsdiq edilməsi haqqında" 2 iyun 2023-cü il tarixli qərarında dəyişiklik edib.

Bununla bağlı Baş nazir Əli Əsədov yeni qərar imzalayıb.

Qərara əsasən, İqtisadiyyat Nazirliyi maliyyə yardımının ödənilməsi ilə əlaqədar növbəti il üzrə tələb olunan vəsaitlə bağlı büdcə layihəsini "Büdcə sistemi haqqında" qanunun 11.8-ci maddəsinə uyğun olaraq iyulun 1-nə qədər Maliyyə Nazirliyinə təqdim edəcək.]]>