https://atatv.az/ ru Siyasət - Atatv.az https://atatv.az/index.php?newsid=526 https://atatv.az/index.php?newsid=526 admin Fri, 25 Sep 2026 17:08:23 +0400 Gündəm / Siyasət

Azərbaycan xarici siyasətində Avropa ölkələri ilə münasibətlərin yüksək səviyyədə olması istiqaməti prioritetdir. Qarşılıqlı maraqların təmin olunması başlıca prinsip sayılır.

Lakin son zamanlar Avropada yenə məqsədli şəkildə anti-Azərbaycan kampaniyası aparılır. Avropanın bir sıra institutları rəsmi Bakıya qarşı fəaliyyətini davam etdirir. Onlar Avropa Şurası Parlament Assambleyasını Azərbaycan qarşı sərt tədbirlər görməyə çağırırlar.

Beynəlxalq arenada yaranan vəziyyəti görməzdən gələnlər qitənin energetika təchizatında Azərbaycanın oynadığı rolun mahiyyətini təhrif edirlər.

Avropa İttifaqının (Aİ) Azərbaycandakı səfiri Mariyana Kuyunziç bu ay Bakıda Beynəlxalq Münasibətlərin Təhlili və Multikulturalizm Mərkəzi tərəfindən "LINKS Europe" Fondu ilə birgə təşkil edilmiş dəyirmi masada münasibətlərin yeni mərhələyə keçdiyini bəyan etdi.

Ayın sonunda isə tərəflər genişmiqyaslı ikitərəfli saziş və 2030-cu ilə qədər Tərəfdaşlıq Prioritetlərinin müzakirəsini davam etdirirlər.Sentyabrda Aİ-nin Cənubi Qafqaz üzrə xüsusi nümayəndəsi Maqdalena Qrono Bakıda səfərdə olub.

Azərbaycanın XİN başçısı Ceyhun Bayramov Nyu-Yorkda BMT Baş Assambleyasının 81-ci sessiyası çərçivəsində Fransa, Macarıstan, Bolqarıstan və İsveçrə xarici işlər nazirləri ilə regionda sabitlik, təbii qaz tədarükünün müzakirəsi üçün görüşləri keçirib.

Sentyabrın ortalarında Azərbaycandan Avropaya Türkiyə və Gürcüstan vasitəsilə "yaşıl enerji" ixracı üzrə yeni layihələr təsdiqlənib.

Sentyabrın 24–25-də Bakıda Almaniya - Azərbaycan əlaqələr konfransı, aparıcı Avropa analitik mərkəzlərinin iştirakı ilə Beynəlxalq İnvestisiya Forumu da daxil olmaqla iqtisadi tədbirlər keçirilir.

Torpaqları işğal altında olanda da Avropada anti-Azərbaycan ünsürlər tapılırdı. Onlar rəsmi Bakıya ərazilərindən imtina etmək üçün təzyiq göstərənləri dəstəkləyirdilər. Belələri ermənilərin Azərbaycan torpaqları ilə bağlı uydurmalarını reallıq kimi təbliğ edirdi. Onlar Avropada həqiqəti qaralamaqla erməni lobbisi və havadarlarına yarınmağa çalışırdılar.

Təhriflər və ənənəvi qərəzli münasibət, regiona siyasi-ideoloji cəhətdən yanlış yanaşma yenə davam edir.

Münaqişənin həllində vasitəçilərin tərəfsiz olması, tərəflərə eyni məsafədən yanaşması başlıca şərtlərdəndir. Əks halda, problemin həllində çətinliklər yaşanar.Azərbaycan beynəlxalq vasitəçilərin münaqişənin həllində Ermənistanın tərəfini saxlaması faktını görüb. Onların belə qərəzli davranışına bir qayda olaraq etiraz edib. Bu tərəfli münasibət nəticəsində Azərbaycan torpaqlarının danışıqlar, dinc yolla işğaldan azad edilməsi 30 ilə yaxın gecikdi.

Azərbaycanla Ermənistan arasında mövcud sülh kövrəkdir. Bu özünü Gəncəsər monastırına münasibətdə bir daha göstərdi. Təcavüzkar konstitusiyasını hələ də dəyişməməsi Ermənistanın əldə edilmiş razılaşmalara münasibətinə kölgə salır. Belə davranış isə sülh prosesinə, normallaşmaya problem yaradır.

Təbii ki, barış, qarşılıqlı əməkdaşlıq kimi məsələlərə belə alayarımçıq münasibət göstərən Ermənistan hökumətinin Avropadan dəstəklənməsi yenə əvvəlki qərəzli dövrləri yada salır.

Ermənistanın Baş naziri Nikol Paşinyana bu günlərdə Hessen Sülh Mükafatı (Albert Osvald alman fondunun regional mükafatı - red.) verilib. O, "Cənubi Qafqazda sülhün bərqərar olması istiqamətində səylərinə görə" bu mükafata layiq görülüb.

Yenə "balıqyaddaşlı"lar və qərəzli siyasilər yaxın tarixdə olanları unudurlar.

2019-cu ilin mayında Nikol Paşinyan Şuşanı işğal etdikləri gün Cıdır düzündə yallı gedib. O, işğal gününü Azərbaycan torpaqlarında qeyd etməklə bu hadisənin iştirakçılarını da təbrik etmişdi. Nikol Paşinyan bununla da məcburi köçkün həyatı yaşamış milyondan çox azərbaycanlını, minlərlə şəhidi, Xocalı soyqırımı və başqa bu kimi hadisələri görməzdən gəlmişdi.


Yaxud 2019-cu ildə Tehranda ermənilərin Ararat idman-kompleksində "Qarabağ Ermənistandır, nöqtə" deməklə o, yenə öz işğalçı mahiyyətini nümayiş etdirmişdi. Paşinyan bu şüarı 2019-cu ilin avqustunda o vaxt işğal altında olan Xankəndi şəhərinə qanunsuz səfəri zamanı, həmin ilin sentyabrında Vanadzor (Qarakilsə) şəhərində keçirdiyi mətbuat konfransında da təkrarlamışdı.

Digər tərəfdən, Azərbaycan torpaqlarında 44 gün müharibə aparan işğalçı ordunun "ali baş komandanı" olmuşdu.

Sirr deyil ki Azərbaycanla Ermənistan arasında sülh və normallaşma prosesinin təşəbbüskarı Prezident İlham Əliyevdir. Müharibə başa çatandan dərhal sonra Ermənistanın baş naziri ilə birbaşa ikitərəfli danışıqlara başlamağı təklif etdi. Bunun ardınca rəsmi Bakı danışıqlar üçün təkliflər paketinin də təşəbbüsçüsü və müəllifidir. Elə hazırda Ermənistanla ABŞ arasında razılaşdırılan TRIPP (Zəngəzur yolu) layihəsinin əsas təşəbbüskarlarından biri Azərbaycandır. 2025-ci ilin avqustunda Vaşinqtonda imzalanmış sülh sazişinin müəllifi rəsmi Bakıdır. Ötən ildən Ermənistana Azərbaycandan keçməklə yükdaşımalarının reallaşması da onun razılığı ilə reallaşır.

Sülh, normallaşma, əməkdaşlıq, bir-birinə etibarın artması, etimad mühitinin yaranması kimi məsələlərin də lokomotivi, aparıcısı rəsmi Bakıdır.

Bu siyahını uzatmaq da olar. Azərbaycanın bu istiqamətdə gördüyü işləri beynəlxalq ictimaiyyət, habelə ATƏT-in keçmiş Minsk qrupu həmsədrləri də bilir.

Azərbaycanın sülhsevərliyinə aid başqa bir örnəyi də deməmək olmur. Prezident İlham Əliyevin İsrail vətəndaşı, bloger Aleksandr Lapşini, bu günlərdə Fransa vətəndaşı Martin Ryanı əfv etməsi Azərbaycanın humanistliyinin çoxsaylı göstəricilərindən sayılır. Humanizm, bağışlamaq daim Azərbaycanın dövlət başçısının başlıca prinsiplərindəndir.

Yeri gəlmişkən, sözügedən Fond Hessen federal torpağının keçmiş baş naziri Albert Osvald və onun ailəsi tərəfindən təsis edilib. Onun sülh mükafatı müharibələrə və zorakılığa son qoyulması, münaqişələrin həlli və qarşısının alınması, həmçinin xalqlar arasında qarşılıqlı anlaşmanın möhkəmləndirilməsi istiqamətində səylərin təşviq edilməsində xidmətləri olan şəxslərə verilir.

Albert Osvald Almaniya Sosial-Demokrat Partiyasının üzvü, aparıcı simalarından olub. Bu partiyanın aparıcı fiqurları anti-Azərbaycan təbliğatı aparırlar. 2025-ci ildən bu siyasi təşkilat Fridrix Mertsin hökumətinə daxildir. Son illər Bundestaqın deputatı və AŞPA-dakı Almaniya nümayəndə heyətinin rəhbəri Frank Şvabenin anti-Azərbaycan çıxışları ilə seçilir. O, Azərbaycan torpaqlarına işğalçı Ermənistan mövqeyindən yanaşmaqla qərəzli olduğunu isbatlayıb.2024-cü ilin yanvarında Şvabenin başçılıq etdiyi AŞPA nümayəndə heyətinin təşəbbüsü Azərbaycan nümayəndə heyətinin Assambleyada səlahiyyətlərinin təsdiqlənməməsinə səbəb olmuşdu.

Partiyanın başqa bir üzvü - 1998-2025-ci illərdə Bundestaqın üzvü olmuş, 2013-2021-ci illərdə Almaniya Xarici İşlər Nazirliyində Avropa məsələləri üzrə dövlət naziri vəzifəsini tutmuş Mixael Rotdur. O da anti-Azərbaycan mövqeyində olan almaniyalı siyasilərdəndir.

Bu iki örnəyi xatırlatmaqda məqsəd Almaniya Sosial Demokratlar Partiyasında anti-Azərbaycan mühitinin olmasına diqqəti yönəltməkdir. Belə bir partiyanın təsis etdiyi mükafatın verilməsində obyektivliyin olmaması da onun siyasi-ideoloji və təbliğati mahiyyətindən irəli gəlir.

Yeri gəlmişkən, əlləri azərbaycanlıların qanına bulaşmış, Azərbaycan torpaqlarının işğalında əsas rolları oynamış Ermənistanın keçmiş prezidentləri Robert Koçaryan və Serj Sarqsyan da Fransa, Yunanıstan kimi ölkələrinin ordenləri ilə təltif olunublar. Həmin dövlətlər bu mükafatları Azərbaycan əraziləri Ermənistanın işğalı altında olduğu illərdə veriblər. Bununla da sanki onların Azərbaycana qarşı etdiyi cinayətləri mükafatlandırıblar.

Odur ki, Nikol Paşinyanı Hessen mükafatına layiq görənlər Koçaryan və Sarqsyana orden verənlərdən o qədər də fərqlənmirlər.(Report)
]]> https://atatv.az/index.php?newsid=525 https://atatv.az/index.php?newsid=525 admin Fri, 25 Sep 2026 16:32:35 +0400 Siyasət ]]> https://atatv.az/index.php?newsid=524 https://atatv.az/index.php?newsid=524 admin Fri, 25 Sep 2026 16:09:00 +0400 Gündəm / Siyasət
Xidməti vəzifələrini yerinə yetirərkən fərqləndiklərinə görə Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin bir qrup hərbi qulluqçusu təltif edilib.

Prezident İlham Əliyev bu barədə Sərəncam imzalayıb.

Sərəncama əsasən, Xidmətin aşağıdakı hərbi qulluqçuları təltif olunublar:

"Vətən uğrunda" medalı ilə

Abbasov Abbas Tofiq oğlu – polkovnik

"Hərbi xidmətlərə görə" medalı ilə

Məmmədov Anar Əliağa oğlu – polkovnik-leytenant

Əliyev Fariz Atabəy oğlu – mayor

Hüseynov Musa Mirzağa oğlu – mayor

Quliyev Vahid Vaqif oğlu – mayor

Şirinov Seymur Kamran oğlu – mayor.]]> https://atatv.az/index.php?newsid=522 https://atatv.az/index.php?newsid=522 admin Fri, 25 Sep 2026 14:58:02 +0400 Gündəm / Siyasət
Azərbaycanın Baş naziri Əli Əsədov sentyabrın 25-də onun dəvəti ilə ölkədə rəsmi səfərdə olan Tacikistan Respublikasının Baş naziri Koxir Rasulzoda ilə görüşüb.

Nazirlər Kabinetindən bildirilib ki, görüşdə Azərbaycan ilə Tacikistan arasında dostluq və qarşılıqlı hörmətə əsaslanan münasibətlərin uğurla inkişaf etdiyi bildirilib, 2024-cü ildə imzalanmış Strateji tərəfdaşlıq haqqında Bəyannamənin ikitərəfli əlaqələrin inkişafında mühüm mərhələ olduğu vurğulanıb.

Dövlət başçıları prezidentlər İlham Əliyevin və Emoməli Rəhmonun siyasi iradəsinin və birgə səylərinin Azərbaycan-Tacikistan münasibətlərinin hazırkı yüksək səviyyəyə çatmasında həlledici rol oynadığı qeyd olunub.

Ölkələrin regional və beynəlxalq təşkilatlar çərçivəsində bir-birinə göstərdiyi qarşılıqlı dəstək yüksək qiymətləndirilib.

Qarşılıqlı ticarətdə müşahidə olunan müsbət dinamika məmnunluqla qeyd edilib. Eyni zamanda ticarət-iqtisadi əməkdaşlığın daha da genişləndirilməsi üçün əhəmiyyətli potensialın olduğu vurğulanıb.

Hökumətlərarası Birgə Komissiyanın fəaliyyətinin, eləcə də Azərbaycan-Tacikistan İşgüzar Şurasının və biznes-forum formatının işgüzar dairələr arasında birbaşa əlaqələrin genişləndirilməsi və yeni birgə təşəbbüslərin reallaşdırılması baxımından əhəmiyyəti diqqətə çatdırılıb.

Nəqliyyat-tranzit sahəsində mövcud olan əlverişli əməkdaşlıq imkanlarından daha səmərəli istifadə olunması məsələləri müzakirə edilib.

Orta Dəhlizin Asiya ilə Avropa arasında mühüm nəqliyyat marşrutlarından biri kimi artan rolu, eləcə də Zəngəzur dəhlizinin regionun yeni nəqliyyat arxitekturasında yaratdığı əlavə imkanlar qeyd olunub.

Energetika sahəsində, xüsusilə bərpa olunan enerji istiqamətində qarşılıqlı faydalı əməkdaşlığın inkişafı üçün yaxşı perspektivlərin olduğu bildirilib.

Həmçinin dövlət xidmətlərinin göstərilməsi sahəsində əməkdaşlıq imkanları ilə bağlı fikir mübadiləsi aparılıb.

Mədəni-humanitar və təhsil sahələrində əlaqələrin inkişafından məmnunluq ifadə olunub. Tərəflər arasında illik təhsil kvotalarının qarşılıqlı ayrılmasına dair Sazişin tələbələr üçün əlavə imkanlar yaratdığı bildirilib.

Hökumət başçıları Azərbaycan ilə Tacikistan arasında strateji tərəfdaşlığın bütün istiqamətlər üzrə daha da dərinləşdirilməsi və qarşılıqlı faydalı əməkdaşlığın genişləndirilməsi ilə bağlı məsələləri müzakirə ediblər.]]> https://atatv.az/index.php?newsid=520 https://atatv.az/index.php?newsid=520 admin Fri, 25 Sep 2026 12:33:40 +0400 Siyasət
1-ci Azərbaycan Beynəlxalq İnvestisiya Forumunun nəticələri Azərbaycana artan marağı aydın şəkildə nümayiş etdirib.

Bunu Prezident İlham Əliyev onun himayəsi altında Bakıda keçirilən II Azərbaycan Beynəlxalq İnvestisiya Forumunun (2nd Azerbaijan International Investment Forum – AIIF 2026) iştirakçılarına müraciətində bildirib.

"Ötən il ümumi dəyəri 10 milyard ABŞ dollarından çox olan investisiya sazişləri imzalanıb, bunun 7 milyarddan çoxu qeyri-neft sektorunun payına düşüb", - deyə o qeyd edib.

Dövlət başçısı həmçinin deyib ki, bu il iştirakçıların coğrafiyası daha da genişlənib, beynəlxalq institutlar, investorlar və aparıcı şirkətlər daha geniş şəkildə təmsil olunub ki, bu da həm Azərbaycana olan etimadı, həm də geniş regionun artan iqtisadi əhəmiyyətini əks etdirir.

"Ümid edirəm ki, 2-ci Azərbaycan Beynəlxalq İnvestisiya Forumu çərçivəsində beynəlxalq investor və tərəfdaş şirkətlərlə mühüm investisiya layihələrinə start veriləcək. Əminəm ki, Bakıdakı müzakirələr konkret təşəbbüslərə və uzunmüddətli əməkdaşlığa təkan verəcək, regionda iqtisadi əlaqələrin möhkəmlənməsinə, əlaqəliliyin artmasına və ümumi rifaha töhfə verəcək. 2-ci Azərbaycan Beynəlxalq İnvestisiya Forumuna uğurlar, bütün iştirakçılara səmərəli müzakirələr, qarşılıqlı faydalı tərəfdaşlıqlar arzulayıram", - deyə İ.Əliyev fikrini tamamlayıb.

]]> https://atatv.az/index.php?newsid=512 https://atatv.az/index.php?newsid=512 admin Thu, 24 Sep 2026 19:00:30 +0400 Gündəm / Siyasət

Rəsmi İrəvan son dövrlər Avropa İttifaqı (Aİ) ilə yaxınlaşmaq istiqamətində atdığı siyasi addımlar fonunda Rusiya ilə münasibətləri qoparma həddinə çatdırıb. Amma son günlər Baş nazir Nikol Paşinyanın Moskva ilə münasibətlərdə tamamilə başqa mənzərə yaradan açıqlamaları sübut edir ki, Ermənistan hələ də Rusiyadan asılı vəziyyətdədir və ölkənin siyasi elitası iki stulda əyləşmək siyasətini davam etdirir.

Bir tərəfdən Aİ-yə üzvlükdən danışan İrəvan eyni zamanda Ermənistanın Rusiya və Avrasiya İqtisadi İttifaqı ilə mövcud əlaqələrinin hüquqi baxımdan ziddiyyət təşkil etmədiyini bildirir. Moskva isə dəfələrlə bildirib ki, bu iki quruma eyni anda üzv olmaq qəti mümkün deyil. Bununla belə, erməni hökuməti əsas siyasi kursunun Avropa İttifaqı olduğunu bildirir. Baş nazir Nikol Paşinyan isə İrəvan metrosunun genişləndirilməsi, yeni Atom Elektrik Stansiyasının (AES) tikintisi kimi strateji məsələlərdə Rusiyanın iştirakını açıq şəkildə əsas variant kimi təqdim edir. Bu ziddiyyət isə göstərir ki, İrəvan üçün Moskva ilə siyasi məsafəni artırmaq hələ Rusiyanın Ermənistanın iqtisadi, enerji və infrastruktur sistemindəki rolundan imtina etmək anlamına gəlmir.

Bu ziddiyyətin ən konkret nümunəsi paytaxt İrəvanın metro şəbəkəsinin genişləndirilməsi ilə bağlı Baş nazirin açıqlaması olub. Paşinyan bildirib ki, "Açapnyak" metro stansiyasının tikintisində ən yaxşı tərəfdaş Rusiya ola bilər. Hökumət başçısı əlavə edib ki, Ermənistanda hazırda belə bir mürəkkəb layihəni həyata keçirə biləcək bir şirkət yoxdur. Bu da sübut edir ki, İrəvan Moskvadan təkcə siyasi və iqtisadi əlaqələrlə yox, həm də infrastruktur və mühəndislik cəhətdən də asılıdır. Bu faktı 2021-ci ildə Rusiyanın "Metrogiprotrans" şirkətinin İrəvan metrosunun inkişafının ilk mərhələsinin layihələndirilməsi üzrə tenderin qalibi olması da təsdiqləyir.

Metrodan başqa daha ciddi məsələ isə enerji sektoru ilə bağlıdır. Uzun müddətdir Ermənistanda yeni AES-in tikintisi üçün bir sıra şirkətlərin nəzərdən keçirildiyi barədə açıqlamalar verilsə də, Paşinyan bildirib ki, Rusiya variantı açıq saxlanılır. Bu fikir də təsadüfi görünmür. Bu gün dünyada, xüsusən də Yaxın Şərqdə baş verən proseslər enerji qiymətlərinə də ciddi təsir göstərib. Uzun müddətdir Rusiyadan ucuz qaz nəql edən Ermənistan Moskva ilə bütün körpüləri yandırmaq niyyətinin olmadığına işarə edir. Həm qışın yaxınlaşması, həm də dünyada təbii qaz qiymətlərindəki kəskin artım Paşinyanın nüvə enerjisi kimi onilliklərə hesablanan strateji layihədə Rusiya seçiminə doğru getməsi diqqətdən yayına bilməz. Görünür, mövcud Rusiya nüvə texnologiyası ilə formalaşmış infrastruktur əlaqələri və strateji enerji əməkdaşlığının davam etməsi Paşinyanın gələcək hədəfləri üçün daha məqbuldur. Çünki yeni AES tikintisi adi layihə deyil, ölkənin uzunmüddətli enerji təhlükəsizliyini müəyyən edəcək strateji seçimdir. Üstəlik, 1 sentyabr tarixində Putinlə görüşdən sonra Paşinyan Rusiya ilə münasibətlərin praktiki məzmununun inventarlaşdırılması barədə danışıb. Həmin dövrdə də "Rosatom"un rəhbərinin İrəvana səfəri təsadüfi sayıla bilməz. Yəni, Qərbə inteqrasiyanı əsas istiqamət kimi seçən Ermənistan strateji sahələrdə Moskvanı alternativsiz tərəfdaş statusundan çıxara bilmir.

Rəsmi İrəvanın Aİ-yə inteqrasiya ilə bağlı atdığı addımlar əslində Avropa İqtisadi İttifaqındakı (Aİİ) öhdəlikləri ilə ziddiyyət təşkil edir. Moskva bunu dəfələrlə vurğulayıb və Ermənistanın seçim etmək məcburiyyətində olduğunu bildirib. Aİİ ölkələri Ermənistanın xarici ticarətində xüsusi paya malik olduğu üçün Ermənistan real iqtisadi maraqlarından da əl çəkə bilmir. Bu iqtisadi dilemma isə kənd təsərrüfatı məhsullarının Avropa bazarlarına çıxarılmasında daha aydın görünür. "Rosselxodnadzor"un qadağaları və Kremlin təzyiq rıçaqından sonra Rusiyadan asılılığı azaltmağa çalışan Ermənistan Avropa bazarlarına çıxışı genişləndirməyə çalısı. Amma burada da ciddi logistika, sertifikatlaşdırma və qiymət rəqabəti kimi ciddi problemlər ortaya çıxır. Buna görə də Ermənistan Aİİ bazarını, daha doğrusu Rusiya bazarını itirməmək üçün Moskvaya yaxınlaşmağa çalışır.

Məhz bu səbəbdən də Paşinyan Bişkek görüşündə Rusiya ilə münasibətlərin inkişafında və dərinləşdirilməsində maraqlı olduğunu bildirmişdi. Ermənistanın Moskvadan və Aİİ-dən iqtisadi asılılığını rəqəmlər də ortaya qoyur. Cari ilin ilk yarısında iki ölkə arasında ticarət dövriyyəsi 2.63 milyard dollar olub. Bu, hələ azalma fonunda qeydə alınan rəqəmdir. Aİ ölkələri ilə isə 1.69 milyard dollarlıq ticarət dövriyyəsi qeydə alınıb. Göründüyü kimi, Rusiya ilə ticarət dövriyyəsi Aİ ölkələri ilə ümumi dövriyyədən təxminən 56 faiz çoxdur. Bu faktorlara görə də Paşinyan hələ də Kremlin ətəyindən yapışmaq, əlaqələri dərinləşdirməkdən dəm vurur. Bunlar isə Ermənistanın xarici siyasətindəki reallıqları üzə çıxarır. İrəvan Qərbə doğru kurs götürsə də, Moskva ilə qurulmuş iqtisadi bağlardan qurtula bilmir.

Ermənistanın Rusiyadan asılılığının daha bir nümunəsi dəmir yolu sisteminin idarəçiliyi ilə bağlıdır. Paşinyan dəfələrlə konsessiya hüququnun Rusiya və Ermənistan üçün məqbul üçüncü ölkəyə verilməsini təklif edib. Hətta iş o həddə çatmışdı ki, Baş nazir Rusiyadan dəmir yollarına görə 2 milyard dolların tələb edilə biləcəyini də bəyan edib. Sentyabrın əvvəlində isə Putinlə görüşdən sonra Baş nazir Moskva ilə bu məsələnin həlli istiqamətində qarşılıqlı anlaşmanın yarandığını bildirib. Qısacası, Ermənistan bu sahədə Rusiyanın rolunu azaltmaq istəsə də, bunu da Moskvanın razılığı və iştirakı ilə həyata keçirmək məcburiyyətindədir. Başqa sözlə, Ermənistanın nəqliyyat sahəsində şaxələndirmə siyasətinin özü belə Rusiyanın iştirakı olmadan həyata keçirilə bilmir.

Yekun olaraq, deyə bilərik ki, son dövrlərdə Aİ-yə inteqrasiyadan gen-bol danışan Nikol Paşinyan Moskvadan asılılığını heç cürə sonlandıra bilmir. Hətta strateji və ciddi məsələlərdə Kremlin ətəyindən yapışmaq, Rusiyanın maraqlarını təmin etmək kimi xəttin izləndiyi də AES, metro və enerji sahələrində özünü açıq şəkildə biruzə verir. Bütün bunlar sübut edir ki, İrəvan üçün əsas məsələ Moskva ilə bağları qoparmaq yox, Aİ illüziyasının ardınca qaçarkən Rusiya ilə mövcud əlaqələri qoruyub saxlamaq əsas prioritetdir. Paşinyan hökuməti Avropadan təhlükəsizlik və siyasi dəstək zəmanəti almağa çalışır, lakin iqtisadi və struktur baxımdan Rusiyadan ciddi şəkildə asılıdır. Moskva isə bu zəifliyi çox yaxşı bilir və İrəvanı Aİİ və ya Aİ arasında seçim etməyə məcbur edərək bu ikiqat oyuna son qoymaq istəyir.(Report)]]> https://atatv.az/index.php?newsid=509 https://atatv.az/index.php?newsid=509 admin Thu, 24 Sep 2026 17:56:28 +0400 Gündəm / Siyasət
Nazirlər Kabineti "2027-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri" və "2027-ci il və gələn üç il üzrə iqtisadi və sosial inkişaf konsepsiyası və proqnoz göstəriciləri"nin bəyənilməsi, layihələrin "Büdcə sistemi haqqında" qanunun 12-ci maddəsində nəzərdə tutulan digər sənədlərlə birlikdə qanuna uyğun olaraq Prezident İlham Əliyevə təqdim edilməsi haqda qərar qəbul edib.

Bu barədə "Report"a hökumətdən bildirilib.

Məlumata görə, bununla bağlı qərar Baş Nazir Əli Əsədovun sədrliyi ilə keçirilmiş iclasda qəbul]]> https://atatv.az/index.php?newsid=491 https://atatv.az/index.php?newsid=491 admin Wed, 23 Sep 2026 18:22:23 +0400 Gündəm / Siyasət
Azərbaycanın təşəbbüsü və təklifləri əsasında Ermənistanla reallaşan sülh prosesi Nyu-Yorkda BMT Baş Assambleyasının 81-ci sessiyasında örnək hadisə olaraq göstərilib.

ABŞ lideri Donald Tramp sessiyada qeyd edib ki, vəzifəyə gəldikdən sonra ümumilikdə səkkiz münaqişənin həllinə nail olub və bunun sayəsində həmin ölkələrin bir çox liderləri ilə dostluq münasibətləri qurub.

ABŞ Prezidenti bildirib ki, ona bunların bitməyəcəyini deyirmişlər: "Siz heç vaxt onları başa çatdıra bilməyəcəksiniz. Bəziləri 31 il davam edirdi. Onlardan ikisi – 31 il! Bir düşünün: 31 il. Biri 36 il davam edirdi. Digəri – 28 il".

Donald Tramp Kamboca və Tailand, Kosovo və Serbiya, Konqo və Ruanda, Pakistan və Hindistan, İsrail və İran, Misir və Efiopiya, Ermənistan və Azərbaycan arasındakı müharibələri sadalayıb. O, indiyədək heç bir prezident və ya baş nazir, ümumiyyətlə heç bir ölkənin dövlət başçısının belə bir iş görmədiyini deyib: "Mən bunu cəmi yeddi ay ərzində etdim. Bunu etmək mənim üçün böyük şərəfdir".

Ağ Evin indiki rəhbəri Azərbaycan Prezidenti İlham Əliyevin sülh istiqamətində onun fəaliyyətinə verdiyi qiyməti BMT-nin tribunasından söyləyib: "Azərbaycan Prezidenti dedi: "Prezident Tramp altı ay ərzində möcüzə yaradıb. Bu, heç kimin mümkün hesab etmədiyi tamamilə möcüzəvi hadisə idi".

Prezident İlham Əliyev bu ifadə ilə ABŞ-nin 1918-ci ildən sonra Azərbaycanla bağlı atdığı ən mühüm addımı vurğulayıb. Çünki həmin dövrdə Ştatlar cümhuriyyəti tanımağı, ordunun təchizatına yardımı gecikdirmiş, bolşeviklərin fəallığının qarşısını almaqda addım atmamışdı.


ABŞ-nin 28-ci Prezidenti Vudro Vilson 1919-cu il mayın 28-də Paris Sülh Konfransında Əlimərdan bəy Topçubaşovun rəhbərlik etdiyi Azərbaycan Xalq Cümhuriyyəti nümayəndə heyəti ilə görüşü zamanı bildirmişdi ki, Amerika dünyanı kiçik hissələrə bölmək istəmir, Qafqaz xalqlarının konfederasiya yaratması məqsədəuyğundur və ən əsası, "Azərbaycan məsələsi rus məsələsindən əvvəl həll edilə bilməz".
Bununla da o illərdə ABŞ-nin irəli sürdüyü bu ideyanı ovaxtkı Moskva bir-bir həyata keçirdi. Belə bir vəziyyət isə minlərlə insanın qətli, sürgünü və başqa milli faciələrlə nəticələnmişdi.

ATƏT-in Minsk qrupu və həmsədrlikdə də ABŞ təmsil olunub. Habelə, Ştatlar Azərbaycan torpaqlarının Ermənistanın işğalından azad edilməsi haqqında BMT Təhlükəsizlik Şurasının dörd qətnaməsinin lehinə səs vermişdi. Ancaq həmin sənədlər reallaşmadı.

Həmsədrlər isə torpaqlarının işğalı ilə razılaşmaq üçün rəsmi Bakıya təzyiqlər ediblər. Başqa bir məqam isə torpaqları işğal olunan, milyona yaxın vətəndaşı məcburi köçkün düşən, müstəqilliyinin yeni bərpa etmiş, demokratik inkişaf və Qərbə inteqrasiya yolunu tutan Azərbaycana qarşı "Azadlığa dəstək aktı" çərçivəsində "907-ci düzəliş"in tətbiq olunması daha acınacaqlı idi. Bu sənədi hazırlayanlardan biri erməni lobbisinin sevimlisi, sonralar prezident olmuş Cozef Bayden idi. ABŞ-Azərbaycan münasibətlərinin korlanmasına ən böyük töhfə də məhz onun prezidentliyi dövründə olub.

Bu ilin yazında isə Donald Tramp "Azadlığa dəstək aktı"nın 907-ci maddəsinin ləğv müddətinin uzadılması haqqında memorandum imzalayıb. Prezident İlham Əliyev buna görə ABŞ liderinə təşəkkür də edib.


Ona görə də Prezident İlham Əliyevin amerikalı həmkarı Donald Trampın fəaliyyətinə verdiyi məlum qiymətin daha geniş məsələni əhatə etdiyi istisna olunmur.

Donald Tramp rəsmi Bakının dəfələrlə tənqidinə məruz qalmış BMT-nin bu kimi məsələlərdə fəaliyyətsizliyini vurğulayıb. O əfsusluqla bildirib ki, sülh yaratmaq missiyasını BMT-nin əvəzinə icra edib. Tramp bütün hallarda Təşkilatın ona heç bir hadisədə kömək etməyə cəhd belə etmədiyini vurğulayıb: "BMT-dən razılaşmaların bağlanmasına kömək etmək təklifi ilə bir telefon zəngi belə almadım".

ABŞ lideri "belə olan halda, Birləşmiş Millətlər Təşkilatı nə üçün mövcuddur?" qənaətinə gəlib. Trampın mövqeyi bu baxımdan da Azərbaycanla oxşardır.


Türkiyə Prezidenti Rəcəb Tayyib Ərdoğan da BMT-nin tədbirində çıxışı zamanı Azərbaycanla Ermənistan arasındakı sülh prosesini dəstəklədiklərini qeyd edib. O, Cənubi Qafqazla bağlı mövqelərinin son dərəcə aydın olduğunu vurğulayıb: "Azərbaycan ilə Ermənistan arasında davamlı sülhün bərqərar olmasını arzulayırıq. Azərbaycan Prezidenti İlham Əliyev və Ermənistan Baş naziri Nikol Paşinyanın ortaya qoyduqları həll iradəsini təqdir edir və dəstəkləyirik".

Rəcəb Tayyib Ərdoğan ölkəsi ilə Ermənistan arasında münasibətlərin nizamlanması prosesində irəliləyişin qeydə alındığını da bəyan edib.

Azərbaycan 44 günlük müharibə nəticəsində Cənubi Qafqazın bütün istiqamətlərdə imicini dəyişib. Onun fəaliyyəti Ermənistanın reallıqla hesablaşmasına, saxta və uydurma ideyalardan əl çəkməsinə də yol açıb. Rəsmi Bakı altı ay ərzində həmsədr dövlətlərə, o cümlədən beynəlxalq ictimaiyyətə də reallığı nümayiş etdirib.

Ermənistanın qondarma soyqırım iddiasının beynəlxalq səviyyədə tanınması iddiasından imtina etməsi Azərbaycan və Türkiyənin regional məsələlərə bir mövqedən yanaşmalarına nümunələrdəndir.

Azərbaycan sülh təşəbbüsü ilə çıxış etməklə yanaşı, həm də münasibətlərin normallaşması istiqamətində təkliflər paketini irəli sürdü. 2025-ci il avqustun 8-də Vaşinqtonda Prezident İlham Əliyevin Prezident Donald Tramp və Baş nazir Nikol Paşinyanla görüş çərçivəsində "Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsinə dair Saziş" layihəsi paraflandı. Bununla da Bakı ilə İrəvan arasında yeni dövrün əsası qoyuldu. ABŞ və Ermənistan arasında Zəngəzur dəhlizi (TRIPP) layihəsi üzrə Çərçivə sazişi imzalanıb.

Azərbaycan ərazisindən Ermənistana tranzit yolla neft məhsulları, taxıl, tikinti materialları və başqa malların ötürülməsi rəsmi Bakının sülh çağırışlarının, əməllərinin real nəticələridir.

Altı aya sülhün əldə edilməsi tərəflər arasında işçi qrupun fəaliyyətinə təkan verir. İki ölkə rəsmilərinin biri-birinin ərazisində görüşlər keçirməsinin adiləşməsi də həmin prosesin bəhrəsidir.


Qeyd edək ki, bir il əvvəl – 2025-ci il sentyabrın 19-21-də Bakıda keçirilən 3-cü Beynəlxalq Təhlükəsizlik Forumuna da Milli Təhlükəsizlik Xidmətinin direktoru Andranik Simonyanın başçılıq etdiyi Ermənistan nümayəndə heyəti qatılmışdı.

Bu kimi tədbirlər tərəflər arasında etimad mühitinin yaranmasına şərait yaradır.

Ötən ilin avqustundakı Vaşinqton görüşündə Donlad Tramp bildirmişdi ki, Azərbaycan və Ermənistan 30 il döyüşüblər, "indi dost olurlar və uzun müddət dost qalacaqlar".

Azərbaycan Prezidenti isə ona təşəkkür edərək demişdi: "Trump olmasaydı, bəlkə də Azərbaycan və Ermənistan hələ də sonsuz danışıqlar aparırdı. Cənab Tramp Qafqaza sülh gətirir".

Dövlət başçısı "altı aya sülh" ifadəsi ilə həm də aparıcı gücləri həqiqəti müdafiə etməyə çağırmışdı. Təəssüf ki, onlar az qala 30 il ərzində bunu etməmişdilər. Bütün hallarda Tramp Azərbaycan-Ermənistan münasibətlərinin normallaşması prosesinin başlaması istiqamətində möcüzəvi addım atıb...(Report)

]]> https://atatv.az/index.php?newsid=483 https://atatv.az/index.php?newsid=483 admin Wed, 23 Sep 2026 11:50:31 +0400 Siyasət
Prezident İlham Əliyev məhkum edilmiş bir sıra şəxslərin əfv olunması haqqında sərəncam imzalayıb.

Sənəd məhkum olunmuş bir sıra şəxslərin, onların ailə üzvlərinin, Azərbaycan Respublikasının İnsan hüquqları üzrə müvəkkilinin Azərbaycan Respublikasının Prezidentinə ünvanlanmış əfv haqqında müraciətlərinə baxaraq, məhkumların şəxsiyyətini, səhhətini, ailə vəziyyətini, törətdikləri cinayətlərin xarakterini və ictimai təhlükəlilik dərəcəsini, cəza çəkdikləri müddəti və həmin müddətdə davranışlarını nəzərə alaraq, humanizm prinsiplərinə əsaslanaraq imzalanıb.

Sərəncama əsasən, azadlıqdan məhrum etmə cəzasına məhkum edilmiş aşağıdakı şəxslər cəzanın çəkilməmiş hissəsindən azad ediliblər:

Aydəmirov Cəsarət Səfərqulu oğlu, 1999-cu ildə anadan olmuş, Azərbaycan Respublikasının vətəndaşı, Tərtər Hərbi Məhkəməsinin 2019-cu il 17 oktyabr tarixli hökmü ilə məhkum edilmişdir;

Bağırov Elşən Malik oğlu, 1992-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2024-cü il 21 iyun tarixli hökmü ilə məhkum edilmişdir;

Balabəyov Fikrət Əlibəy oğlu, 1970-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2024-cü il 7 noyabr tarixli hökmü ilə məhkum edilmişdir;

Bayramov Hikmət Abduləli oğlu, 1985-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2024-cü il 9 sentyabr tarixli hökmü ilə məhkum edilmişdir;

Beybudlu Xəyal Nemət oğlu, 2003-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2024-cü il 24 aprel tarixli hökmü ilə məhkum edilmişdir;

Demir Mehmet, 1990-cı ildə anadan olmuş, Türkiyə Respublikasının vətəndaşı, Naxçıvan Muxtar Respublikası Kəngərli Rayon Məhkəməsinin 2025-ci il 19 iyun tarixli hökmü ilə məhkum edilmişdir;

Əliyev Maarif Eldar oğlu, 2000-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2017-ci il 6 iyul tarixli hökmü ilə məhkum edilmişdir;

Kərimov Sahil Aqil oğlu, 2004-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2022-ci il 18 yanvar tarixli hökmü ilə məhkum edilmişdir;

Qasımov Rəfail Güloğlan oğlu, 1980-ci ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2016-cı il 13 iyun tarixli hökmü ilə məhkum edilmişdir;

Mikhayılov Kirill Vladimiroviç, 1980-ci ildə anadan olmuş, Rusiya Federasiyasının və İsrail Dövlətinin vətəndaşı, Bakı şəhəri Xəzər Rayon Məhkəməsinin 2024-cü il 12 dekabr tarixli hökmü ilə məhkum edilmişdir;

Muradov Qurban Sultan oğlu, 2000-ci ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2025-ci il 27 fevral tarixli hökmü ilə məhkum edilmişdir;

Musayev Cəlal İlham oğlu, 1993-cü ildə anadan olmuş, Azərbaycan Respublikasının vətəndaşı, Bakı şəhəri Sabunçu Rayon Məhkəməsinin 2023-cü il 31 may tarixli hökmü ilə məhkum edilmişdir;

Özdemir Salih, 1981-ci ildə anadan olmuş, Türkiyə Respublikasının vətəndaşı, Naxçıvan Muxtar Respublikası Kəngərli Rayon Məhkəməsinin 2024-cü il 12 iyun tarixli hökmü ilə məhkum edilmişdir;

Rəhimov İqbal Əliabas oğlu, 1969-cu ildə anadan olmuş, Azərbaycan Respublikasının vətəndaşı, Lənkəran Ağır Cinayətlər Məhkəməsinin 2024-cü il 26 aprel tarixli hökmü ilə məhkum edilmişdir;

Rüstəmov Elman Yaşılxan oğlu, 1966-cı ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2020-ci il 26 avqust tarixli hökmü ilə məhkum edilmişdir;

Ryan Martin Riçard, 1988-ci ildə anadan olmuş, Fransa Respublikasının vətəndaşı, Bakı Ağır Cinayətlər Məhkəməsinin 2026-cı il 16 mart tarixli hökmü ilə məhkum edilmişdir;

Sabir Sonia, 1995-ci ildə anadan olmuş, Pakistan İslam Respublikasının vətəndaşı, Bakı Ağır Cinayətlər Məhkəməsinin 2019-cu il 14 noyabr tarixli hökmü ilə məhkum edilmişdir;

Süleymanov Sürət Nemət oğlu, 2003-cü ildə anadan olmuş, Azərbaycan Respublikasının vətəndaşı, Bakı Ağır Cinayətlər Məhkəməsinin 2024-cü il 19 yanvar tarixli hökmü ilə məhkum edilmişdir;

Süleymanzadə İlqar Vüqar oğlu, 1997-ci ildə anadan olmuş, Azərbaycan Respublikasının vətəndaşı, Gəncə Hərbi Məhkəməsinin 2022-ci il 19 aprel tarixli hökmü ilə məhkum edilmişdir.

Eyni zamanda Sərəncamla İmişli Rayon Məhkəməsinin 2026-cı il 10 mart tarixli hökmü ilə azadlığın məhdudlaşdırılması cəzasına məhkum edilmiş, 1995-ci ildə anadan olmuş, Azərbaycan Respublikasının vətəndaşı Dadaşov Əziz İman oğlu cəzasının çəkilməmiş hissəsindən azad edilib.

Sərəncam imzalandığı gündən qüvvəyə minir.]]> https://atatv.az/index.php?newsid=478 https://atatv.az/index.php?newsid=478 admin Tue, 22 Sep 2026 20:45:51 +0400 Gündəm / Araşdırma / Siyasət

]]>