<?xml version="1.0" encoding="UTF-8"?>
<rss version="2.0" xmlns:content="http://purl.org/rss/1.0/modules/content/" xmlns:dc="http://purl.org/dc/elements/1.1/" xmlns:media="http://search.yahoo.com/mrss/" xmlns:atom="http://www.w3.org/2005/Atom" xmlns:georss="http://www.georss.org/georss">
<channel>
<title>Atatv.az</title>
<link>https://atatv.az/</link>
<language>ru</language><item>
<title>BDYPİ həftəsonu səfərə hazırlaşan sürücülərə müraciət edib</title>
<link>https://atatv.az/index.php?newsid=1581</link>
<pdalink>https://atatv.az/index.php?newsid=1581</pdalink>
<guid>1581</guid>
<pubDate>Sat, 21 Nov 2026 11:48:19 +0400</pubDate>
<category>native-yes</category>

<enclosure url="https://azadmedia.az/uploads/posts/2026-11/1795246020_6b01-vb23a88.png" type="image/png" />
<content:encoded><![CDATA[<div style="text-align:center;"><img src="https://azadmedia.az/uploads/posts/2026-11/1795246020_6b01-vb23a88.png" style="max-width:100%;" alt="BDYPİ həftəsonu səfərə hazırlaşan sürücülərə müraciət edib"></div><br>Baş Dövlət Yol Polisi İdarəsi (BDYPİ) həftəsonu səfərə hazırlaşan sürücülərə müraciət edib.<br><br>Müraciətdə həftəsonları avtomobil yollarında nəqliyyat vasitələrinin sayının artmasının qəza riskini yüksəltdiyi bildirilib.<br><br>Qeyd olunub ki, mövsümə xas qeyri-sabit hava şəraiti bu riski daha da artırır. Bəzi sürücülərin zəruri təhlükəsizlik qaydalarına əməl etməməsi və hərəkət zamanı məsuliyyətsiz davranması ağır nəticəli yol-nəqliyyat hadisələrinə səbəb olur.<br><br>BDYPİ sürücülərə nasaz nəqliyyat vasitələri ilə yola çıxmamağı, yol və hava şəraitini nəzərə almağı, yorğun və yuxusuz halda sükan arxasına əyləşməməyi, sürət həddinə, ötmə və manevr qaydalarına ciddi riayət etməyi tövsiyə edib.<br><br>İdarə bütün hərəkət iştirakçılarını yol hərəkəti qaydalarına əməl etməyə çağıraraq onlara təhlükəsiz səfər arzulayıb.]]></content:encoded>
</item><item>
<title>Azərbaycan neftinin son ticarət qiyməti 97 dollara yaxın olub</title>
<link>https://atatv.az/index.php?newsid=1580</link>
<pdalink>https://atatv.az/index.php?newsid=1580</pdalink>
<guid>1580</guid>
<pubDate>Sat, 21 Nov 2026 10:33:53 +0400</pubDate>
<category>native-yes</category>

<enclosure url="https://azadmedia.az/uploads/posts/2026-11/1795242760_6b01367d3d-v5ae720.png" type="image/png" />
<content:encoded><![CDATA[<div style="text-align:center;"><img src="https://azadmedia.az/uploads/posts/2026-11/1795242760_6b01367d3d-v5ae720.png" style="max-width:100%;" alt="Azərbaycan neftinin son ticarət qiyməti 97 dollara yaxın olub"></div><br>Dünya bazarında Azərbaycan nefti yenidən ucuzlaşıb.<br><br>“Azeri Light” markalı Azərbaycan neftinin bir barelinin qiyməti 1,48 ABŞ dolları və ya 1,50% azalaraq 96,93 ABŞ dollarına düşüb.<br><br>Bundan əvvəl Azərbaycan nefti 98,41 ABŞ dollarına ticarət edilmişdi.<br><br>Qeyd edək ki, Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları səviyyəsində götürülüb.]]></content:encoded>
</item><item>
<title>Azərbaycan Premyer Liqası: XII turun növbəti görüşləri keçiriləcək</title>
<link>https://atatv.az/index.php?newsid=1579</link>
<pdalink>https://atatv.az/index.php?newsid=1579</pdalink>
<guid>1579</guid>
<pubDate>Sat, 21 Nov 2026 09:47:51 +0400</pubDate>
<category>native-yes</category>

<enclosure url="https://azadmedia.az/uploads/posts/2026-11/1795239766_vrp9cupiv-vtkpe12_1200.png" type="image/png" />
<content:encoded><![CDATA[<div style="text-align:center;"><img src="https://azadmedia.az/uploads/posts/2026-11/1795239766_vrp9cupiv-vtkpe12_1200.png" style="max-width:100%;" alt="Azərbaycan Premyer Liqası: XII turun növbəti görüşləri keçiriləcək"></div><br>Misli Premyer Liqasında XII turun növbəti görüşləri bu gün keçiriləcək.<br><br>İkinci oyun günündə iki qarşılaşma baş tutacaq.<br><br>İlk olaraq "Şamaxı" doğma meydanda "Turan Tovuz"la üz-üzə gələcək. Şamaxı şəhər stadionundakı matç saat 14:30-da start götürəcək. Tovuz təmsilçisi 21 xalla üçüncü, ev sahibləri 14 xalla yeddinci pillədə qərarlaşıb.<br><br>Günün ikinci duelində "Şəfa" "Qəbələ"ni qəbul edəcək. "SOCAR Polymer Arena"da təşkil olunacaq görüş saat 17:00-da başlanacaq. Qonaqlar 8 xalla 10-cu sıradadır. "Şəfa" isə 5 xalla 11-ci yerdədir.<br><br>Misli Premyer Liqası<br><br>II dövrə<br><br>XII tur<br><br>21 noyabr (şənbə)<br><br>14:30. "Şamaxı" – "Turan Tovuz"<br><br>Hakimlər: Emin Əliyev, Akif Əmirəli, Eyyub İbrahimov, Tural Qurbanov<br><br>VAR: Nicat İsmayıllı<br><br>AVAR: Gülnurə Əkbərzadə<br><br>Hakim-inspektor: Ceyhun Haşımov<br><br>AFFA nümayəndəsi: Eldəniz Musayev<br><br>Şamaxı şəhər stadionu<br><br>17:00. "Şəfa" – "Qəbələ"<br><br>Hakimlər: Əli Əliyev, Namiq Hüseynov, Orxan İbişov, Kamal Umudlu<br><br>VAR: İnqilab Məmmədov<br><br>AVAR: Cəmil Quliyev<br><br>Hakim-inspektor: Şahin Cəfərov<br><br>AFFA nümayəndəsi: Namiq Əliyev<br><br>"SOCAR Polymer Arena"<br><br>Xatırladaq ki, XII turun ilk oyun günündə "İmişli" "Zirə" ilə heç-heçə (2:2) edib. "Sabah" isə səfərdə "Sumqayıt"a (5:1) qalib gəlib. Azərbaycan Premyer Liqasında tura noyabrın 22-də yekun vurulacaq.]]></content:encoded>
</item><item>
<title>Prezident İlham Əliyev gürcüstanlı həmkarına başsağlığı verib</title>
<link>https://atatv.az/index.php?newsid=1578</link>
<pdalink>https://atatv.az/index.php?newsid=1578</pdalink>
<guid>1578</guid>
<pubDate>Sat, 21 Nov 2026 09:26:40 +0400</pubDate>
<category>native-yes</category>

<enclosure url="https://azadmedia.az/uploads/posts/2026-11/1795238746_c2vuhkuqksyu33fu6-v00.png" type="image/png" />
<content:encoded><![CDATA[<div style="text-align:center;"><img src="https://azadmedia.az/uploads/posts/2026-11/1795238746_c2vuhkuqksyu33fu6-v00.png" style="max-width:100%;" alt="Prezident İlham Əliyev gürcüstanlı həmkarına başsağlığı verib"></div><br>Azərbaycan Respublikasının Prezidenti İlham Əliyev Gürcüstanın Prezidenti Mixeil Kavelaşviliyə başsağlığı verib.<br><br>Dövlət başçısının Gürcüstan Prezidentinə ünvanlandığı məktubda deyilir:<br><br>"Tbilisi şəhərində yaşayış binasında baş vermiş partlayış nəticəsində insanların həlak olması və xəsarət alması xəbəri bizi son dərəcə sarsıtdı.<br><br>Bu faciə ilə əlaqədar Sizə, həlak olanların ailələrinə və yaxınlarına, bütün Gürcüstan xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm".]]></content:encoded>
</item><item>
<title>Qətlə yetirilən qadınlar və şərhlərdə boylanan potensial qatillər</title>
<link>https://atatv.az/index.php?newsid=1577</link>
<pdalink>https://atatv.az/index.php?newsid=1577</pdalink>
<guid>1577</guid>
<pubDate>Fri, 20 Nov 2026 19:32:07 +0400</pubDate>
<category>native-yes</category>

<enclosure url="https://atatv.az/uploads/posts/2026-11/06b36019-4d84-4869-8544-90fd4c996d26.jpg" type="image/jpeg" />
<enclosure url="https://atatv.az/uploads/posts/2026-11/d4599906-481f-4a70-93ca-7e8e4b8b55b3.jpg" type="image/jpeg" />
<enclosure url="https://atatv.az/uploads/posts/2026-11/b42c090a-8104-4a98-958d-723ec65a6852.jpg" type="image/jpeg" />
<enclosure url="https://atatv.az/uploads/posts/2026-11/1795188597_3733c3ce-54c1-48a8-b8e4-0053da171f6f.jpg" type="image/jpeg" />
<content:encoded><![CDATA[<div style="text-align:center;"><img src="https://atatv.az/uploads/posts/2026-11/06b36019-4d84-4869-8544-90fd4c996d26.jpg" style="max-width:100%;" alt="Qətlə yetirilən qadınlar və şərhlərdə boylanan potensial qatillər"></div><br>Gülnarənin qətlindən bir neçə gün keçib, amma yaşanan faciəni unutmaq mümkün deyil. Onun zərifliyi, məsum gülüşü, kədərli baxışları, nakam uşaqlığı, parlaq istedadı və yarımçıq qalmış gənc ömrü insanın yaddaşında ağrılı iz buraxır. Bir gənc qadının həyatının bu qədər amansız şəkildə yarımçıq kəsilməsi təkcə bir ailənin deyil, bütövlükdə cəmiyyətin faciəsidir.<br>Son günlər media Gülnarədən, onun yarımçıq qalmış sənətindən, əl işlərindən, rəssamlıq istedadından yazır. Sosial şəbəkələrdəki paylaşımlarına nəzər salanda onun həyatının sənətlə, yaradıcılıqla, rənglərlə və gözəllik axtarışı ilə dolu olduğunu görürük. Əlində fırça, qarşısında tablo, yaratdığı dekorativ kompozisiyalar... Onun sosial media hesablarında diqqəti çəkən əsas məqam da məhz budur: gənc bir rəssamın öz dünyasını sənət vasitəsilə ifadə etmək cəhdi.<br>Ancaq bütün bu mənzərənin fonunda başqa, daha qorxulu bir reallıqla qarşılaşırıq. Xəbər saytlarının şərh bölmələrində hələ də qadın qətlinə bəraət qazandıran, qatilin əməlini dəstəkləyən, hətta başqa qadınlara qarşı da eyni zorakılığı arzulayan nifrət dolu fikirlər yazılır. Bəzi insanlar heç bir hüquqi araşdırma aparılmadan, hadisənin bütün təfərrüatlarını bilmədən özlərini hakim, ittihamçı və cəllad yerinə qoyurlar. Qadının həyat tərzini, geyimini, sosial şəbəkədə paylaşımını, şəxsi seçimlərini mühakimə edərək onun öldürülməsinə haqq qazandırmağa çalışırlar.<br>Ən təhlükəlisi isə bu fikirlərin yalnız ayrı-ayrı insanların şəxsi mövqeyi kimi qalmamasıdır. Belə şərhlər zorakılığı normallaşdırır, qatil davranışını qəhrəmanlıq kimi təqdim edir, potensial zorakılıq törədənlərə mənəvi dəstək verir. Şərh bölmələri bəzən qadınlara qarşı nifrətin, aqressiyanın və cəzasızlıq düşüncəsinin nümayiş meydanına çevrilir.<br>Burada bir sual yaranır: qadına qarşı bu bitməyən düşmənçilik, nəzarət ehtirası, qısqanclıq və aqressiya hansı sosial-psixoloji mühitdə formalaşır? Niyə bəzi kişilər qadını müstəqil şəxsiyyət kimi qəbul etməkdə çətinlik çəkir? Niyə onun həyatına, seçimlərinə, təhsilinə, yaradıcılığına, hətta sosial şəbəkədə paylaşdığı bir şəklə belə sahiblik hüququ olduğunu düşünürlər?<br>Namus qadın qətlinə bəraət qazandıran hüquqi və mənəvi əsas deyil. Namus adı ilə törədilən qətl də qətldir, zorakılıqdır və cinayətdir.<br>Mülkiyyət mübahisəsi, miras, ailədaxili anlaşılmazlıq, qısqanclıq, şəxsi münasibətlər, qadının təhsil alması, işləməsi, müstəqil qərar verməsi və ya öz həyatını istədiyi kimi yaşaması bəzi hallarda zorakılığın bəhanəsinə çevrilir. Əslində isə bu hadisələrin arxasında çox vaxt nəzarət ehtiyacı, sahiblik düşüncəsi, hakimiyyət arzusu, emosional yetkinlik çatışmazlığı və qadının müstəqilliyini qəbul edə bilməmək dayanır.<br>Qadının həyatına son qoyan şəxs sonradan öz əməlini hansı adla təqdim etməyə çalışırsa-çalışsın, heç bir bəhanə insan həyatının əlindən alınmasını qanuniləşdirə bilməz.<br>Bir ailənin içində böyüyən zorakılıq<br>Gülnarənin qətli ilə bağlı yayılan məlumatlar hadisənin ailədaxili münasibətlər, sosial şəbəkə paylaşımları və mübahisələr fonunda baş verdiyini göstərir. İstintaqın yekun nəticələrini gözləmək, bütün motivləri və məsuliyyəti hüquqi araşdırma əsasında müəyyənləşdirmək vacibdir. Lakin artıq məlum olan faciənin özü ciddi ictimai müzakirə tələb edir.<br>İnsanı düşündürən ən ağrılı məqam isə bir evdə böyüyən, eyni ailənin üzvləri olan iki gəncin həyatının belə faciəvi şəkildə dəyişməsidir. Bir gənc qadın torpağa tapşırılır, digər gənc isə törətdiyi əmələ görə cinayət məsuliyyəti ilə üzləşir. Hər iki ailə üzvünün həyatında geri dönüşü olmayan bir dağıntı baş verir.<br>Əgər hadisə ilə bağlı yayılan məlumatlarda göstərildiyi kimi, münaqişənin səbəblərindən biri sosial şəbəkədə foto paylaşımı və həmin paylaşımlara müdaxilədirsə, bu, daha ciddi psixoloji və sosial problemin göstəricisidir. Bir insanın şəxsi hesabında nə paylaşacağına başqa birinin qərar vermək hüququ yoxdur. Qadının rəqəmsal məkan üzərindəki hüququ da şəxsi azadlığının bir hissəsidir. Hətta atası bu gün açıqlama verib ki, Ayxan Mehdiyev son aylar psixoloji gərginlikdən əziyyət çəkirmiş. Valideynlərin başı digər onkoloji xəstəlikdən əziyyət çəkən oğul övladının müalicəsinə qarışdığından Ayxanla məşğul ola bilmədiyini kədərlə ifadə edir. Bu etiraf da sübut edir ki, ciddi problem Ayxanın özündə olub. <br>Sosial şəbəkə paylaşımını silmək tələbi, telefonun yoxlanılması, yazışmalara nəzarət, dostlarla ünsiyyətin məhdudlaşdırılması, geyimə və davranışa müdaxilə bəzən ailədaxili mübahisə kimi qiymətləndirilir. Halbuki bunlar təkrarlanan və məcburedici xarakter aldıqda psixoloji zorakılığın və nəzarət davranışının əlamətləri ola bilər.<br>Burada vacib bir məqam var: zorakılığın qarşısını almaq üçün yalnız fiziki hücum baş verdikdən sonra tədbir görmək kifayət deyil. Təhdid, qorxutma, təcridetmə, təqib, davamlı alçaltma və məcburi nəzarət də ciddi risk siqnallarıdır.<br>Gülnarənin uşaqlıq həyatına dair yayılan məlumatlar da insanı düşündürür. Onun erkən yaşlarından ailə münasibətlərində çətinliklər yaşadığı, valideyn ayrılığı və mürəkkəb ailə şəraitində böyüdüyü bildirilir. Ancaq bu məlumatlardan çıxış edərək onun qətlinin səbəbini uşaqlıq travmaları, ögey münasibətlər və ya istedad qısqanclığı ilə izah etmək elmi və hüquqi baxımdan düzgün olmaz. Bunlar araşdırılmalı ehtimallar ola bilər, sübut edilmiş motivlər deyil.<br>Bir həqiqət isə dəyişmir: heç bir ailədaxili münaqişə, qısqanclıq və ya şəxsi narazılıq insanın yaşamaq hüququnu əlindən almağa əsas vermir.<br><div style="text-align:center;"><img src="https://atatv.az/uploads/posts/2026-11/d4599906-481f-4a70-93ca-7e8e4b8b55b3.jpg" style="max-width:100%;" alt=""></div><br>Qadının sənəti, istedadı və müstəqilliyi niyə bəzilərini narahat edir?<br>Gülnarənin əl işlərinə baxdım. Dekorativ panolar, yağlı boya ilə işlənmiş tablolar, simvolik qadın portretləri, nöqtəli boyama (dot painting) üslubunda hazırlanmış üçölçülü mandala kompozisiyaları... Bunların hər biri zəhmət, yaradıcılıq, estetik duyum və sənət təfəkkürü tələb edir.<br>Rəssamın yaratdığı əsəri satması, öz əməyindən gəlir əldə etməsi tamamilə normaldır. Sənət əsəri istehsal etmək də əməkdir, onun satışından dolanmaq da peşə fəaliyyətidir. Təəssüf ki, cəmiyyətimizdə hələ də sənətin, yaradıcılığın və yaradıcı əməyin dəyərini anlamayan insanlar var. Bəziləri qadının sənətini, qazanc əldə etmək cəhdini belə kiçiltməyə çalışır.<br>Bir qadının işləməsi, pul qazanması, təhsil alması, öz ayaqları üzərində dayanması niyə kimlərisə narahat etməlidir? Niyə onun müstəqilliyi bəziləri tərəfindən ailəyə, qardaşa, ataya və ya başqa bir kişiyə qarşı itaətsizlik kimi qəbul olunur?<br>Əslində, qadının müstəqilliyi ailə institutuna təhlükə deyil. Təhlükə qadını öz iradəsi olmayan, başqasının qərarları ilə yaşamalı olan bir varlıq kimi görən düşüncə tərzidir.<br>Gülnarənin yarımçıq qalmış sənət dünyası da bu mənada yalnız bir gənc rəssamın itirilmiş gələcəyi deyil. Bu, qadınların yaradıcılıq, təhsil, əmək və şəxsi inkişaf hüquqlarına münasibət haqqında cəmiyyətə ünvanlanan ciddi sualdır.<br>Beş ilin statistikası: Rəqəmlərin arxasında neçə yarımçıq həyat var?<br>Qadın qətllərini ayrı-ayrı faciələr kimi təqdim etmək artıq kifayət deyil. Problemin miqyasını görmək, statistikanı təhlil etmək və səbəbləri araşdırmaq lazımdır.<br>Azərbaycanın rəsmi qurumlarının açıqladığı məlumatlar məişət zorakılığının və qadınlara qarşı zorakılığın nə qədər ciddi problem olduğunu göstərir.<br>Ailə, Qadın və Uşaq Problemləri üzrə Dövlət Komitəsinin illik məlumatlarında əks olunan göstəricilərə əsasən, məişət zorakılığı nəticəsində həyatını itirən qadınların sayı belədir:<br>2021-ci ildə – 46 qadın;<br>2022-ci ildə – 51 qadın;<br>2023-cü ildə – 49 qadın;<br>2024-cü ildə – 29 qadın;<br>2025-ci ildə – 40 qadın.<br>Beləliklə, son beş ildə məişət zorakılığı nəticəsində 215 qadının öldüyü bildirilir. 2025-ci ildə qeydə alınan 40 qadın ölümü əvvəlki ilin göstəricisindən 11 nəfər çoxdur. Bu artım xüsusilə narahatedicidir.<br>2025-ci ildə məişət zorakılığı ilə bağlı cinayət hadisələri üzrə 1413 zərərçəkmiş müəyyən edilib. Onların 1176-sı qadın olub. 2024-cü ildə isə bu kateqoriyada 1471 zərərçəkmişin 1228-i qadın idi.<br>2024-cü ildə məişət zorakılığı nəticəsində ölən 29 qadından fərqli olaraq, 2025-ci ildə bu rəqəmin 40-a yüksəlməsi profilaktik tədbirlərin, erkən müdaxilənin və zərərçəkənlərin müdafiəsinin daha səmərəli qurulmasının vacibliyini göstərir.<br>Qeyd edək ki, burada söhbət məhz məişət zorakılığı ilə əlaqələndirilən ölüm hallarından gedir. Bütün səbəblərdən ölən qadınların və bütün qəsdən adam öldürmə qurbanlarının sayı başqa statistik kateqoriyalardır. Bu rəqəmləri bir-biri ilə qarışdırmaq olmaz. Demək say hələ göründüyü qədər deyil. Müstəqil qadın hüquq araşdırmaçaları isə bu göstəricini iki dəfə artıq rəqəmlərlə göstərir. <br>Dünya üzrə vəziyyət də ürəkaçan deyil. BMT-nin Narkotiklər və Cinayətkarlıq İdarəsi (UNODC) və BMT-nin Qadınlar üzrə qurumunun (UN Women) 2025-ci ildə dərc etdiyi hesabatına əsasən, 2024-cü ildə dünyada təxminən 50 min qadın və qız intim partnyorları və ya digər ailə üzvləri tərəfindən öldürülüb. Bu, həmin il qəsdən öldürülən bütün qadın və qızların təxminən 60 faizini təşkil edir. Başqa sözlə, hər gün orta hesabla 137 qadın və qız ailə üzvünün və ya intim partnyorunun əli ilə həyatını itirib.<br>Hesabatda 2023-cü il üçün bu göstərici təxminən 51 100 nəfər, 2022-ci il üçün isə 48 800 nəfər olub. BMT vurğulayır ki, illər arasındakı fərqlər məlumatların əlçatanlığı və statistik əhatə dairəsi ilə də bağlıdır. Buna görə rəqəmlərdəki dəyişiklikləri avtomatik olaraq zorakılığın artması və ya azalması kimi şərh etmək doğru deyil.<br>Bu göstəricilər bir həqiqəti ortaya qoyur: qadınlar üçün ən təhlükəli məkanlardan biri bəzən elə öz evləri, ən təhlükəli şəxslər isə etibar etməli olduqları yaxınları ola bilir.<br>Qadın qətllərinin psixoloji və sosial kökləri<br>Qadın qətllərini yalnız qısqanclıq, əsəb, ailə münaqişəsi və ya ani emosional partlayışla izah etmək problemin mahiyyətini kiçiltməkdir. Belə hadisələrin arxasında ekspertlərə görə çox vaxt uzun müddət formalaşan nəzarət, təhdid, alçaltma, sahiblik və zorakılıq münasibətləri dayanır.<br>Psixoloji baxımdan bəzi zorakılıq törədən şəxslərdə aşağıdakı davranış xüsusiyyətləri müşahidə olunur:<br>1. Sahiblik və nəzarət ehtiyacı. Qadını müstəqil şəxsiyyət kimi deyil, özünə tabe olmalı biri kimi qəbul etmək. Onun kimlə görüşəcəyini, necə geyinəcəyini, harada işləyəcəyini və nə paylaşacağını müəyyənləşdirmək istəyi.<br>2. Emosional tənzimləmə çətinlikləri. Qəzəbi idarə edə bilməmək, frustrasiyaya dözümsüzlük, rədd edilməni və fikir ayrılığını təhqir kimi qəbul etmək. Lakin emosional problemlər zorakılığa bəraət qazandırmır.<br>3. Gender stereotipləri və patriarxal düşüncə. Kişinin ailədə mütləq hakimiyyət sahibi olması, qadının isə qeyd-şərtsiz itaət etməli olduğu barədə yanlış inanclar. Belə yanaşma zorakılığın sosial baxımdan qəbul edilməsinə şərait yaradır.<br>4. Qısqanclığın sevgi kimi təqdim olunması. Qısqanclıq bəzən qayğı və bağlılıq adı altında normallaşdırılır. Halbuki davamlı şübhə, təqib, telefonun yoxlanılması, sosial çevrənin məhdudlaşdırılması və təhdid sağlam münasibətin deyil, nəzarət davranışının göstəriciləridir.<br>5. Zorakılığın sosial mühitdə normallaşdırılması. Ailədə, dost çevrəsində və sosial şəbəkələrdə qadına qarşı təhqir və zorakılığın adi hal kimi təqdim edilməsi bu davranışların təkrarlanması riskini artırır.<br>Burada psixoloji xəstəliklə zorakılıq arasında da fərq qoymaq lazımdır. Hər qatil psixi xəstə deyil, hər psixi sağlamlıq problemi olan insan da zorakılığa meyilli deyil. Qadın qətllərini ümumiləşdirərək psixi xəstəliklə əlaqələndirmək həm elmi baxımdan yanlış, həm də psixi sağlamlıq problemləri yaşayan insanlara qarşı ayrı-seçkiliyi gücləndirən yanaşmadır.<br>Eyni zamanda, cəmiyyətdə psixoloji yardımın əlçatanlığı və qəbul olunması vacibdir. İnsanların psixoloqa və psixoterapevtə müraciət etməsi zəiflik və ya dəlilik əlaməti deyil. Bu, emosional çətinlikləri anlamaq, davranışları dəyişmək və sağlam münasibətlər qurmaq üçün məsuliyyətli addımdır.<br>Ancaq bir məsələni xüsusi vurğulamaq lazımdır: psixoloji yardım cinayət məsuliyyətinin alternativi deyil. Zorakılıq törədən şəxs həm hüquqi məsuliyyət daşımalı, həm də ehtiyac olduqda peşəkar psixoloji və psixiatrik qiymətləndirmədən keçməlidir.<br>Sosial şəbəkələrdəki şərhlər və rəqəmsal zorakılığın təhlükəsi<br>Bu gün qadınlara qarşı zorakılıq yalnız evdə, küçədə və iş yerlərində baş vermir. Rəqəmsal məkan da bəzən təhdid, şantaj, təqib, alçaltma və psixoloji təzyiq vasitəsinə çevrilir.<br>Bir qadının fotosuna görə mühakimə olunması, şəxsi yazışmalarının icazəsiz yayılması, onun haqqında yalan məlumatların paylaşılması, kütləvi təhqir və təhdid kampaniyalarının aparılması rəqəmsal zorakılığın müxtəlif formalarıdır.<br>BMT-nin 2025-ci il üzrə qadın qətlləri hesabatında da texnologiya vasitəsilə həyata keçirilən zorakılığın, o cümlədən kiberizləmə, məcburedici nəzarət və şəxsi görüntülərin sui-istifadəsinin real həyatda zorakılığın dərinləşməsi üçün risk yarada biləcəyi vurğulanır.<br>Xəbər saytlarının şərh bölmələrində qətlləri tərifləyən, qadınların öldürülməsini arzulayan və zorakılığa çağırış edən şəxslərə də diqqət yetirilməlidir. Belə fikirlər sadəcə xoşagəlməz münasibət deyil. Konkret təhdid və zorakılığa çağırış hüquqi qiymətləndirmə tələb edə bilər.<br>Media qurumları da bu məsələdə məsuliyyət daşıyır. Qətl xəbərlərinin təqdimatında qurbanın geyimini, şəxsi həyatını və sosial media paylaşımlarını ön plana çıxarmaq əvəzinə, zorakılığın səbəbləri, xəbərdarlıq əlamətləri, müdafiə mexanizmləri və hüquqi məsuliyyət barədə məlumat verməlidirlər.<br>Qurbanı mühakimə edən deyil, zorakılığı törədən şəxsin məsuliyyətini araşdıran jurnalistika cəmiyyətə daha çox fayda verir.<br><div style="text-align:center;"><img src="https://atatv.az/uploads/posts/2026-11/b42c090a-8104-4a98-958d-723ec65a6852.jpg" style="max-width:100%;" alt=""></div><br>2020-ci ildən sonrakı sosial-psixoloji dəyişikliklər<br>Pandemiya, müharibə, iqtisadi qeyri-müəyyənlik, itkilər, sosial münasibətlərdə gərginlik və gələcəyə dair narahatlıqlar insanların psixoloji vəziyyətinə təsirsiz ötüşməyib. Xüsusilə pandemiya dövründə sosial təcrid, iş və gəlir itkisi, ailədaxili gərginlik bir çox insanın emosional yükünü artırıb.<br>Lakin qadın qətllərinin artmasını yalnız pandemiya və müharibənin nəticəsi kimi izah etmək olmaz. Bunun üçün uzunmüddətli, müqayisəli sosial-psixoloji tədqiqatlara ehtiyac var.<br>Bununla belə, cəmiyyətdə aqressiya, ümidsizlik, emosional gərginlik və sosial dəstəyin zəifləməsi kimi amillər diqqətdən kənarda qalmamalıdır. İqtisadi çətinliklər, işsizlik, alkoqol və digər asılılıqlar ailədaxili münaqişələri ağırlaşdıra bilər. Amma bunların heç biri zorakılığın qaçılmaz səbəbi və ya bəraəti deyil.<br>Əsas məsələ bu riskləri vaxtında müəyyənləşdirmək, insanlara yardım göstərmək və zorakılığa meyilli davranışlara qarşı erkən müdaxilə etməkdir.<br>Çıxış yolu: Qətldən sonra deyil, qətldən əvvəl hərəkətə keçmək!<br>Qadın qətllərinin qarşısını almaq üçün yalnız cinayət törədildikdən sonra cəza tədbirləri görmək kifayət deyil. Əsas məqsəd zorakılığın baş verməsinə imkan verməyən müdafiə və profilaktika sistemini formalaşdırmaq olmalıdır.<br>Bunun üçün bir neçə istiqamətdə sistemli fəaliyyətə ehtiyac var.<br>Birincisi, psixoloji maarifləndirmə ailədən və məktəbdən başlamalıdır. Uşaqlara kiçik yaşlarından şəxsi sərhədlər, qarşılıqlı hörmət, emosiyaların idarə olunması, münaqişələrin zorakılıqsız həlli və gender bərabərliyi öyrədilməlidir. Oğlan uşaqlarına gücün başqasına hökm etmək deyil, məsuliyyət daşımaq olduğunu aşılamaq vacibdir.<br>İkincisi, psixoloji yardım əlçatan olmalıdır. Məktəblərdə, universitetlərdə, icmalarda və səhiyyə müəssisələrində peşəkar psixoloji dəstək xidmətləri genişləndirilməlidir. Qəzəbə nəzarət, aqressiv davranış, qısqanclıq, məcburedici nəzarət və münasibətlərdə zorakılıqla bağlı xüsusi psixoloji müdaxilə proqramları tətbiq edilməlidir. Bu proqramlar yalnız qadınlara deyil, zorakılıq davranışı göstərən şəxslərə də yönəlməlidir.<br>Üçüncüsü, zorakılığın ilkin əlamətləri ciddi qəbul edilməlidir. Təhdid, təqib, fiziki hücum, ölüm hədəsi, boğmağa cəhd, silahla qorxutma və davamlı nəzarət yüksək risk göstəriciləridir. Belə hallarda tərəfləri sadəcə barışdırmağa çalışmaq təhlükəli ola bilər. Peşəkar risk qiymətləndirilməsi, hüquqi müdafiə və təhlükəsizlik planı hazırlanmalıdır.<br>Dördüncüsü, hüquqi müdafiə mexanizmləri real işləməlidir. Zərərçəkən qadın müraciət etdikdə onun şikayəti formal xarakter daşımamalı, təhlükəsizliyi təmin edilməli, qanunvericilikdə nəzərdə tutulan mühafizə orderləri vaxtında verilməli və həmin qərarların icrasına nəzarət gücləndirilməlidir. Təhlükədə olan qadın üçün sığınacaqlar, hüquqi yardım, psixoloji dəstək və sosial reabilitasiya xidmətləri əlçatan olmalıdır.<br>Beşincisi, sosial şəbəkələrdə zorakılığa çağırış və təhdidlərə qarşı məsuliyyətli münasibət formalaşmalıdır.Media qurumları və platformalar konkret təhdidlərin araşdırılması, nifrət və zorakılıq çağırışlarının yayılmasının qarşısının alınması üçün müvafiq mexanizmlərdən istifadə etməlidirlər. İctimaiyyət də belə hallarla rastlaşdıqda susmamalı, təhlükəsiz və qanuni qaydada məlumat verməlidir.<br>Altıncısı, qadın qətlləri üzrə vahid və şəffaf statistika yaradılmalıdır. Hər il öldürülən qadınların sayı ilə yanaşı, cinayətin ailədaxili münasibətlər, intim partnyor zorakılığı, qısqanclıq, məcburedici nəzarət və digər motivlərlə əlaqəsi də araşdırılmalıdır. Təhdidlər barədə əvvəlki müraciətlər, mühafizə orderləri və risklərin qiymətləndirilməsi ilə bağlı məlumatlar da təhlil edilməlidir. Çünki düzgün statistika düzgün siyasətin əsasını təşkil edir.<br>Yeddincisi, qadınların iqtisadi müstəqilliyi gücləndirilməlidir. Öz gəliri, işi və sosial dəstəyi olmayan qadının zorakı münasibətdən ayrılması daha çətin ola bilər. Buna görə məşğulluq imkanları, peşə hazırlığı, hüquqi yardım və müvəqqəti yaşayış imkanları qadınların təhlükəsiz həyat qurmasına kömək etməlidir.<br>Növbəti Qətl olmasın!<br>Gülnarələr tək deyil. Hər öldürülən qadının arxasında yarımçıq qalan arzular, həyata keçirilməyən planlar, itirilmiş istedad, kədərə qərq olmuş valideynlər və cavabsız suallarla yaşayan doğmalar var.<br>Bir qadın öldürüləndə yalnız bir insanın həyatı bitmir. Onun yaratmaq istədiyi əsərlər, oxumaq istədiyi kitablar, qurmaq istədiyi ailə, görmək istədiyi dünyalar, yaşamaq istədiyi gələcək də onunla birlikdə yarımçıq qalır.<br>Ən dəhşətlisi isə bəzi insanların bu faciələrdən nəticə çıxarmaq əvəzinə, qətllərə haqq qazandırmasıdır. Qadının həyatını, davranışını, geyimini, sosial şəbəkə paylaşımını müzakirə edib qatilin hərəkətini müdafiə etmək zorakılığın mənəvi bəraətini yaratmaq cəhdidir.<br>Bir insanın öldürülməsinə haqq qazandıran düşüncə nə mentalitetdir, nə namusdur, nə də ailə dəyəri. Bu, insan hüquqlarına, yaşamaq haqqına və hüququn aliliyinə zidd olan təhlükəli düşüncədir.<br>Qadının yaşamaq hüququ müzakirə mövzusu deyil. Onun azadlığı kiminsə icazəsindən asılı ola bilməz. Qadın nə qardaşının, nə atasının, nə həyat yoldaşının, nə də cəmiyyətin mülkiyyətidir. O, öz hüquqları, iradəsi, düşüncəsi və həyat seçimi olan müstəqil insandır.<br>Bu gün Gülnarənin faciəsinə ağlayırıq. Sabah başqa bir qadının qətl xəbərini oxumamaq üçün isə bu gün hərəkətə keçməliyik. Ailədə, məktəbdə, universitetdə, mediada, hüquq-mühafizə sistemində və sosial şəbəkələrdə zorakılığa qarşı ortaq mövqe formalaşdırmalıyıq.<br>Qadın qətllərinə münasibətimiz yalnız faciədən sonra yayılan başsağlığı mesajları ilə ölçülməməlidir. Əsl münasibət təhdid edilən qadını qorumaq, zorakılığı vaxtında dayandırmaq, cinayətə bəraət qazandıran düşüncə ilə mübarizə aparmaq və qurbanın hüquqlarını müdafiə etməkdir.<br>Qadınları öldürən əllər qədər, bu qətllərə haqq qazandıran düşüncələr də cəmiyyət üçün təhlükəlidir. Qatilin bıçağı bir insanın həyatına son qoyur, qatil düşüncəsi isə növbəti cinayətlərin mənəvi zəminini hazırlayır.<br>Gülnarənin yarımçıq qalan ömrü bir daha təkrarlanmasın deyə, yalnız qatilləri cəzalandırmaqla kifayətlənməyək. Qadınları öldürən zorakılıq mühitini, saxta namus anlayışını, sahiblik psixologiyasını, nifrəti və cəzasızlıq düşüncəsini də aradan qaldıraq.<br>Çünki məqsəd növbəti qətldən sonra danışmaq deyil, növbəti qətlin baş verməsinə imkan verməməkdir.<br>Növbəti Gülnarə qətli olmasın!<br><div style="text-align:center;"><img src="https://atatv.az/uploads/posts/2026-11/1795188597_3733c3ce-54c1-48a8-b8e4-0053da171f6f.jpg" style="max-width:100%;" alt=""></div><br>Günel Sabirqızı Atatv.az və Azadtv.az saytlarının, İctimai Xəbər Agentliyinin xüsusi müxbiri<br>]]></content:encoded>
</item><item>
<title>MŞ-nin komissiya sədri media müsabiqələri ilə bağlı yenilikləri izah edib</title>
<link>https://atatv.az/index.php?newsid=1576</link>
<pdalink>https://atatv.az/index.php?newsid=1576</pdalink>
<guid>1576</guid>
<pubDate>Fri, 20 Nov 2026 19:00:43 +0400</pubDate>
<category>native-yes</category>

<enclosure url="https://djb.az/uploads/posts/2026-11/medium/1795183997_v1200.png" type="image/png" />
<content:encoded><![CDATA[<div style="text-align:center;"><a href="https://djb.az/uploads/posts/2026-11/1795183997_v1200.png" class="highslide" rel="external noopener"><img src="https://djb.az/uploads/posts/2026-11/medium/1795183997_v1200.png" style="max-width:100%;" alt=""></a></div><br>Onlayn media subyektlərinin qiymətləndirilməsində sosial şəbəkə göstəricilərinin ayrıca meyar kimi nəzərə alınması müasir media reallıqlarına uyğun, müsbət və perspektivli yanaşmadır.<br><br>Bunu Mətbuat Şurası (MŞ) İdarə Heyətinin üzvü, qurumun Sosial media istifadəçiləri ilə əlaqələr komissiyasının sədri Hacıbəy Heydərli Media və Yayım Şurası tərəfindən media subyektləri və media nümayəndələri üçün keçirilən müsabiqələrin qaydalarına yeniliklərlə bağlı açıqlamasında bildirib.<br><br>O vurğulayıb ki, Şura tərəfindən media subyektləri və media nümayəndələri üçün keçirilən müsabiqələrin qaydalarına əhəmiyyətli yeniliklər edilib:<br><br>"Yeni qaydalara əsasən, onlayn media subyektlərinin qiymətləndirilməsində saytların oxunma göstəriciləri, sosial şəbəkələrdəki aktivliyi və texniki vəziyyəti də nəzərə alınacaq. Fərdi jurnalistlərin müsabiqələrində isə şəxsi sosial şəbəkə hesablarında yayımlanan materialların auditoriya ilə qarşılıqlı əlaqəsi qiymətləndiriləcək. Hesab edirəm ki, onlayn media subyektlərinin qiymətləndirilməsində sosial şəbəkə göstəricilərinin ayrıca meyar kimi nəzərə alınması müasir media reallıqlarına uyğun, müsbət və perspektivli yanaşmadır. Çünki bu gün jurnalistika yalnız ənənəvi media platformaları ilə məhdudlaşmır. İnformasiya istehlakının böyük bir hissəsi sosial şəbəkələr üzərindən həyata keçirilir və media qurumlarının bu platformalarda təmsil olunmaları artıq zərurətə çevrilib".<br><br>H.Heydərli bildirib ki, bu qərar peşəkar jurnalistlərin sosial mediada daha da aktivləşməsinə stimul verəcək:<br><br>"Eyni zamanda, peşəkar media subyektlərinin sosial şəbəkələrə inteqrasiyasını sürətləndirəcək, onların daha geniş auditoriyaya çıxış imkanlarını artıracaq. Düşünürəm ki, bu yanaşma jurnalistləri yalnız xəbər hazırlamağa deyil, həm də hazırladıqları keyfiyyətli məzmunu müasir rəqəmsal platformalar vasitəsilə cəmiyyətə daha effektiv çatdırmağa təşviq edəcək".<br><br>O qeyd edib ki, digər mühüm məqam isə sosial media məkanında peşəkarlığın güclənməsidir. Peşəkar jurnalistlərin və etibarlı media qurumlarının sosial şəbəkələrdə fəallığının artması qeyri-peşəkar, qeyri-etik və məsuliyyətsiz informasiya yayımının təsirinin azalmasına, ictimaiyyətin daha etibarlı informasiya mənbələrinə yönəlməsinə şərait yarada bilər.<br><br>"Xüsusilə vurğulamaq istəyirəm ki, burada söhbət ənənəvi jurnalistikanın sosial media ilə əvəzlənməsindən deyil, peşəkar jurnalistikanın rəqəmsal mühitdə daha güclü mövqeyə sahib olmasından gedir. Müasir dövrdə keyfiyyətli jurnalistika auditoriyanın olduğu hər platformada təmsil olunmalıdır. Bu baxımdan, yeni qiymətləndirmə mexanizmini Azərbaycan mediasının rəqəmsal transformasiyası, rəqabət qabiliyyətinin artırılması və peşəkar jurnalistikanın sosial şəbəkələrdə mövqeyinin gücləndirilməsi istiqamətində mühüm addım hesab edirəm", - deyə komissiya sədri vurğulayıb.]]></content:encoded>
</item><item>
<title>Məcnun Məmmədov Culfada vətəndaşları qəbul edəcək</title>
<link>https://atatv.az/index.php?newsid=1575</link>
<pdalink>https://atatv.az/index.php?newsid=1575</pdalink>
<guid>1575</guid>
<pubDate>Fri, 20 Nov 2026 18:30:40 +0400</pubDate>
<category>native-yes</category>

<enclosure url="https://djb.az/uploads/posts/2026-11/medium/1795183631_kihcnlbopuo-gcu_1200.png" type="image/png" />
<content:encoded><![CDATA[<div style="text-align:center;"><a href="https://djb.az/uploads/posts/2026-11/1795183631_kihcnlbopuo-gcu_1200.png" class="highslide" rel="external noopener"><img src="https://djb.az/uploads/posts/2026-11/medium/1795183631_kihcnlbopuo-gcu_1200.png" style="max-width:100%;" alt=""></a></div><br>Noyabrın 25-də saat 10:00-da kənd təsərrüfatı naziri Məcnun Məmmədov Culfa Dövlət Aqrar İnkişaf Mərkəzində Culfa, Babək, Kəngərli, Ordubad, Sədərək, Şahbuz rayonları və Naxçıvan şəhərindən olan vətəndaşları qəbul edəcək.<br><br>Qəbulda iştirak etmək istəyənlər Naxçıvanın Kənd Təsərrüfatı Nazirliyinə (050-770-85-85) müraciət edə bilərlər.<br><br>Qəbula yazılmaq üçün, həmçinin nazirliyin Çağrı Mərkəzinə zəng etməklə (1652) qeydiyyatdan keçmək olar.<br><br>Qəbula gələn vətəndaşlar şəxsiyyətlərini təsdiq edən sənədləri özləri ilə gətirməlidirlər.]]></content:encoded>
</item><item>
<title>Tusk Polşaya düşən Rusiya raketlərindən danışıb: Təxribat kimi görünür, qəzaya oxşamır</title>
<link>https://atatv.az/index.php?newsid=1574</link>
<pdalink>https://atatv.az/index.php?newsid=1574</pdalink>
<guid>1574</guid>
<pubDate>Fri, 20 Nov 2026 17:50:16 +0400</pubDate>
<category>native-yes</category>

<enclosure url="https://djb.az/uploads/posts/2026-11/medium/1795182589_6b0048a98ec62-bb0048a98ec61-1.png" type="image/png" />
<content:encoded><![CDATA[<div style="text-align:center;"><a href="https://djb.az/uploads/posts/2026-11/1795182589_6b0048a98ec62-bb0048a98ec61-1.png" class="highslide" rel="external noopener"><img src="https://djb.az/uploads/posts/2026-11/medium/1795182589_6b0048a98ec62-bb0048a98ec61-1.png" style="max-width:100%;" alt=""></a></div><br><br>Polşada aşkarlanan Rusiya raketlərinin və reaktiv PUA-sı Moskvanın məqsədli təxribatının tərkib hissəsi ola bilər.<br><br>Yenixeberorg.az: Bu barədə Polşa Baş naziri Donald Tusk Rusiya ordusunun Ukraynaya genişmiqyaslı raket və dron hücumu həyata keçirərkən, Polşa hava sahəsinin pozulmasına münasibət bildirərkən deyib.<br><br>Onun sözlərinə görə, Polşada yaşanan insident zamanı raket və ya dronlardan biri partlayıb. Hadisə nəticəsində xəsarət alan olmayıb, dağıntı qeydə alınmayıb.<br><br>“Bu, qəza təsiri bağışlamır”, – Tusk bildirib. O, məsələnin ciddiliyini nəzərə alaraq fikirlərini ehtiyatla ifadə etdiyini vurğulayıb.<br><br>Tusk ABŞ-ın Rusiya ilə bağlı dron və raket insidentləri ilə bağlı mövqeyinə də münasibət bildirib.<br><br>“Yumşaq desək, mən bu insidentlərin qiymətləndirilməsi və şərhi ilə bağlı Amerika tərəfinin mövqeyi ilə hər zaman razılaşmıram”, – Tusk qeyd edib.<br><br>O əlavə edib ki, ABŞ rəsmiləri son insidentlə bağlı qalıqlara çıxış əldə ediblər və bu hadisənin təsadüf olduğunu iddia etmək çətin olacaq.<br><br>Tusk insidentin Polşada keçirilən hərbi təlimlərlə əlaqəli ola biləcəyini də istisna etməyib. Onun sözlərinə görə, Fransanın və Böyük Britaniyanın rəhbərlik etdiyi “İstəklilər koalisiyası”nın 11 ölkənin iştirakı ilə Nowa Deba yaxınlığında keçirdiyi təlimlər mümkün hədəflərdən biri ola bilər.<br><br>Qeyd edək ki, Polşa ərazisinə Rusiyanın Ch-101 qanadlı raketi və bir reaktiv pilotsuz uçuş aparatı düşüb.<br><br>Xatırladaq ki, ABŞ Prezidenti Donald Tramp “Fox News” telekanalına müsahibəsində Rusiya Prezidenti Vladimir Putinin Polşa ərazisinə dron və bir neçə kiçik raketi “səhvən” göndərdiyini deyib.]]></content:encoded>
</item><item>
<title>DYP sürücülərə xəbərdarlıq edib</title>
<link>https://atatv.az/index.php?newsid=1573</link>
<pdalink>https://atatv.az/index.php?newsid=1573</pdalink>
<guid>1573</guid>
<pubDate>Fri, 20 Nov 2026 17:20:02 +0400</pubDate>
<category>native-yes</category>

<enclosure url="https://djb.az/uploads/posts/2026-11/medium/1795180705_6b0042be7f-v907-b.png" type="image/png" />
<content:encoded><![CDATA[<div style="text-align:center;"><a href="https://djb.az/uploads/posts/2026-11/1795180705_6b0042be7f-v907-b.png" class="highslide" rel="external noopener"><img src="https://djb.az/uploads/posts/2026-11/medium/1795180705_6b0042be7f-v907-b.png" style="max-width:100%;" alt=""></a></div><br>DİN-in Baş Dövlət Yol Polisi İdarəsi məcburi dayanma zamanı təhlükəsizlik qaydalarına əməl olunması ilə bağlı sürücülərə xəbərdarlıq edib.<br><br>İdarədən verilən məlumatda bildirilib ki, sürücülərin qəza və ya məcburi dayanma zamanı təhlükəsizlik qaydalarına riayət etməməsi bir sıra hallarda ağır faciələrə səbəb olur:<br><br>"Təəssüf ki, bəzən sürücülər hava və yol şəraitini, hərəkət şiddətini, məhdudiyyətli görünməni, sutkanın işıqlı, yaxud qaranlıq vaxtını nəzərə almadan, avtomobillərini yolun hərəkət hissəsində saxlamaqla təhlükəli vəziyyət yaratdıqlarının fərqinə varmırlar.<br><br>Qanuna əsasən sürücü baş vermiş qəzanın və ya yaranmış texniki nasazlığın növbəti xoşagəlməz hadisəyə səbəb olmaması üçün ilk növbədə qəza işıq siqnalını yandırmalı, qəza dayanma nişanı quraşdırmalı və ən qısa zamanda yolun hərəkət hissəsini boşaltmağa çalışmalıdır.<br><br>Qəza dayanma nişanı nəqliyyat vasitəsindən ən azı 30 metr məsafədə elə quraşdırılmalıdır ki, digər sürücülər onu vaxtında görə bilsin.<br><br>Eləcə də, avtomobil sıradan çıxdıqda, sürücü onu yoldan tamamilə kənara, bu mümkün olmadıqda səki və ya yol çiyninə çəkməli, digər sürücüləri xəbərdar etmək üçün zəruri təhlükəsizlik tədbirləri görməlidir".<br><br>Baş Dövlət Yol Polisi İdarəsi səhlənkarlıq səbəbindən dəfələrlə ağır faciələrin yaşandığını bir daha sürücülərin diqqətinə çatdırır və onları özlərinin və başqalarının həyat və sağlamlığına etinasız yanaşmamağa çağırır.]]></content:encoded>
</item><item>
<title>Bakıda və rayonlarda yağış intensivləşəcək - Xəbərdarlıq</title>
<link>https://atatv.az/index.php?newsid=1572</link>
<pdalink>https://atatv.az/index.php?newsid=1572</pdalink>
<guid>1572</guid>
<pubDate>Fri, 20 Nov 2026 17:04:36 +0400</pubDate>
<category>native-yes</category>

<enclosure url="https://azadmedia.az/uploads/posts/2026-11/1795179904_jwgz-vde0_1200.png" type="image/png" />
<content:encoded><![CDATA[<div style="text-align:center;"><img src="https://azadmedia.az/uploads/posts/2026-11/1795179904_jwgz-vde0_1200.png" style="max-width:100%;" alt="Bakıda və rayonlarda yağış intensivləşəcək - Xəbərdarlıq"></div><br>Bakıda və Abşeron yarımadasında noyabrın 22-si axşamdan 23-ü səhərədək arabir yağış yağacağı gözlənilir.<br><br>Bu barədə Milli Hidrometeorologiya Xidmətindən məlumat verilib.<br><br>Yarımadanın bəzi yerlərində yağışın qısamüddətli intensivləşəcəyi ehtimalı var.<br><br>Noyabrın 21-i axşam Azərbaycanın şimal və qərb rayonlarından başlayaraq 23-ü səhərədək bəzi yerlərdə hava şəraitinin fasilələrlə yağıntılı olacağı gözlənilir. Ayrı-ayrı yerlərdə yağıntının intensivləşəcəyi, şimşək çaxacağı, dağlıq ərazilərdə isə qar yağacağı ehtimal olunur.<br><br>Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur.]]></content:encoded>
</item></channel></rss>