<?xml version="1.0" encoding="UTF-8"?>
<rss version="2.0" xmlns:yandex="http://news.yandex.ru" xmlns:media="http://search.yahoo.com/mrss/" xmlns:turbo="http://turbo.yandex.ru">
<channel>
<title>Atatv.az</title>
<link>https://atatv.az/</link>
<description>Atatv.az</description><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1590</link>
<author>admin</author>
<category>Gündəm / Cəmiyyət</category>
<pubDate>Sun, 22 Nov 2026 12:13:36 +0400</pubDate>
<turbo:content><![CDATA[<div style="text-align:center;"><img src="https://atatv.az/uploads/posts/2026-11/5d575145-12d3-454b-815d-6509ea0a6478.jpg" style="max-width:100%;" alt="&quot;Azərbaycan dili də məhv olacaq, dərsliklər də&quot; -həqiqəti ifşa edən mütəxəssis Könül Aydının həyatı təhlükədədir."></div><br>Atatv.az saytı xəbər verir ki, ARTİ-nin keçmiş şöbə müdiri və fənn mütəxəssisi Könül aydın "Facebook" sosial şəbəkə hesabında dərsliklərlə bağlı problemləri gündəmə gətirdiyindən həyatının ciddi təhlükə altında olduğunu yazıb. Onun sözlərinə görə, çoxluq <br>dərsliklərin bərbad olmasında dərslik müəlliflərini qınasa da, amma o bu işdə təqsirin Elm və Təhsil Nazirliyi və Azərbaycan Respublikası Təhsil İnistutunun rəhbərliyində görür. Onun iradlarına nazir belə əhəmiyyət vermədən subyektiv yanaşma kimi qiymətləndirib. Digər səlahiyyətli şəxs Vəfa Yaqublu isə Azərbaycan dilini və xalqını təhqir etməkdən belə çəkinməyib. <br><br>"Bu gün üzə çıxarılan qüsurları 2021-ci ildən ARTİ-nin şöbə müdiri kimi və fənn mütəxəssisi olaraq, ETN və ARTİ rəhbərliyinin nəzərinə çatdırırdım. <br>Nazirin verdiyi cavab: "Bu sizin subyektiv fikrinizdir". Mən iradlarımı sadaladıqca o söz oyunundan istifadə edərək, mənim dilimdən "mən belə düşünürəm" ifadəsini almağa nail olaraq deyirdi: "Baxın özünüz də deyirsiniz ki, siz belə düşünürsünüz. Bu sizin subyektiv fikrinizdir."<br>Vəfa Yaqubludan aldığım cavab: "Sizin ixtisasınız sıradan çıxır deyə, panikadasınız. Azərbaycan dili də məhv olacaq, dərsliklər də. Dünyada ingilis dili, texnologiya inkişaf edir. Bu millət köçəridir, mədəniyyətsizdir. Müəllimlərimiz də savadsızdırlar. Siz gedin öz canınızı qurtarın." Dərsliklərdəki antimilli yanaşmaları üzə çıxarıb, o zaman ETN-də şöbə müdürü olaraq, tədris resurlsarına məsul olan Vəfa Yaqubluya müraciət edəndə bu cavabı almışdım və iki aylıq məzuniyyətə çıxıb xəstə yatmışdım. Çünki sarsılmışdım. Mənim Təhsil İnstutunda şöbə müdiri işləməyimə vəsilə olan bu xanım iblis çıxmışdı. <br>Yenə Vəfa Yaqublu: "Afət Süleymanova mənim şöbəmdə işləyir, mən onu tənqid edə bilmərəm." Ədəbiyyat fənni üzrə ehtiyat dərslikdəki qüsurlara görə ETN-də şöbə müdiri işləyən Vəfa Yaqubluya müraciət edəndə bu cavabı alıb çox təəccüblənmişdim, çünki bizim institutda direktor olarkən özü mənə tapşırıq verirdi ki, məhz Afət Suleymanovanın dərsliyini ekspertizadan keçirib rəy hazırlayım. Yazdığım rəyi imzalayıb nazirliyə göndərmişdi. <br><div style="text-align:center;"><img src="https://atatv.az/uploads/posts/2026-11/5ca7789f-148f-46df-97d4-97a7ffc7525e.jpg" style="max-width:100%;" alt=""></div><br>Elnur Nəsibov: "Qaldırdığınız məsələlər adi qüsurlar deyil. Antimilli təxribatdır. Amma mən heç kimə heç nə deyə bilmərəm. İşlərinə qarışsam, deyərlər, nə marağın var." Elm və Təhsil Fondunun sabiq direktoru ilə öz otağında uzun söhbətimiz olmuşdu. Narahatlığımı əsaslı hesab etsə də, bunu rəhbərliyin masasına qoymadı. <br>Rüfət Əziziv: "Mən Rafiq İsmayılova inanıram. Çünki sizin bu istiqamətdə data ilə araşdırmanız yoxdur". Adama başa sala bilmədim ki, humanitar elmlərdə nəzəri-müqayisəli metod deyilən araşdırma üsulu var, mən elmi-nəzəri mənbələrdən çıxış edib səhvləri aşkarlayıram. Adamın bunu anlamağa ya savadı çatmadı, ya da işinə yaramadı. <br>ARTİ-nin Tədris resursları şöbəsinin müdiri Zaur İsayev və fənnlət üzrə kurator hesab olunan Əsgər Quliyevlə görüşüb Azərbaycan dili dərsliklərindəki bir neçə antimilli mətni çıxartdırmağa nail oldum.<br>Düzünü deyim, bu iki şəxsin milli heysiyyəti olduğu üçün onlar mənim sübutlarım qarşısında deməyə söz tapa bilmədilər və qəbul etdilər. Amma onlar üçün pul daha şirindir, ona görə çox şeyə göz yumurlar. <br>ARTİ-nin indiki direktoru Elnur Əliyev isə məni görüşə dəvət edib, əvvəlcə töhmətlə hədələdi, sonra məni dinlədi. Eşitdiklərinin qarşısında dedi: "Siz tamamilə haqlı imişsiniz. Mən bunları bilmirdim." Mənə həmin görüşdə Azərbaycan dili dərsliklərin qiymətləndirilməsi üçün layihə yazmağı da təklif etdi. Elə o ərəfədə mənim idarə etdiyim şöbə struktur dəyişikliyi adı altında ləğv edildi və mənə baş mütəxəssis vəzifəsi təklif edildi. Özüm elmi dərəcəli mütəxəssis olduğum üçün hər hansı bir dərəcəsiz mütəxəssisin rəhbərliyi altında işləməmək üçün istefa verməli oldum. Çünki alim olmayan idarəçilərin təhsili necə məhv etdiklərini, alimdən təyinatı üzrə deyil, trol kimi istifadə etmək niyyətlərinin artıq şahidi olmuşdum. <br>ARTİ-nin sabiq şöbə müdiri kimi ETN-in dərsliklərin qiymətləndirilməsinə olan münasibətini bu səviyyədə gördüm. İndi özünüz düşünün: Təkcə dərslik müəlliflərimi məsuliyyət daşıyırlar?<br><div style="text-align:center;"><img src="https://atatv.az/uploads/posts/2026-11/3f1c3ec7-989b-4bbd-b2a7-fc15102b27e6.jpg" style="max-width:100%;" alt=""></div><br>Dövlət orqanlarından xahiş edirəm, həyatımızın təhlükəsizliyi barədə ölçü götürsünlər. Artıq mənə qarşı təhdid, hədə başlayıb", - deyə mütəxəssis işlədiyi qurumdakı özbaşınalıq və tənqiddən dolayı şəxsinə yönələn təhdidi ictimailəşdirməklə aidiyyəti qurumlardan bunun obyektiv araşdırılmasını istəyib.<br><div style="text-align:center;"><img src="https://atatv.az/uploads/posts/2026-11/1795335129_3733c3ce-54c1-48a8-b8e4-0053da171f6f.jpg" style="max-width:100%;" alt=""></div><br>Günel Sabirqızı<br><br>Atatv.az, Azadtv.az saytlarının və İctimai Xəbər Agentliyinin xüsusi müxbiri]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1589</link>
<author>admin</author>
<category>Cəmiyyət / Özəl</category>
<pubDate>Sat, 21 Nov 2026 22:32:04 +0400</pubDate>
<turbo:content><![CDATA[<div style="text-align:center;"><img src="https://atatv.az/uploads/posts/2026-11/06b926cf-6fe3-41ae-b143-f235088f51f8.jpg" style="max-width:100%;" alt="ZƏHMƏTKEŞ HAQQ ADAMI"></div><br>Ömrünü dirilərə də, ölülərə də həsr edən insan<br><br>“İnsanın böyüklüyü tutduğu vəzifə ilə deyil, gördüyü işə verdiyi dəyər və başqalarının qəlbində qazandığı hörmətlə ölçülür.”<br><br>Elə insanlar var ki, onları tanımaq üçün sadəcə adlarını eşitmək kifayət etmir. Onları tanımaq üçün gördükləri işlərə, çəkdikləri zəhmətə, səssizcə daşıdıqları məsuliyyətə nəzər salmaq lazımdır. Çünki bəzi insanların həyat hekayəsi sözlə deyil, əməli ilə yazılır.<br><div style="text-align:center;"><img src="https://atatv.az/uploads/posts/2026-11/2bd654d6-b573-46e5-9add-50edfd2b4195.jpg" style="max-width:100%;" alt=""></div><br>Sözün həqiqi mənasında zəhmət adamı, haqq adamıdır Məhərrəm Tapdıqov. Allahı və bəndəni səmimi qəlbdən sevən, insanlığa hörmətini əməli ilə göstərən bu şəxs ömrünün böyük bir hissəsini həm dirilərə, həm də dünyasını dəyişənlərə xidmətə həsr edib.<br><br>Bir dəfə çəkiliş zamanı yolumuz Zərdab rayonunun Gəlmə kəndinə düşdü. Şəhidlərimizi yad edərkən Məhərrəm Tapdıqovla tanış olduq. İlk tanışlığımız sonradan möhkəm dostluğa çevrildi. Onun gördüyü işlərə, insanlara münasibətinə və şəhidlərin xatirəsinə göstərdiyi ehtirama yaxından şahid olduqca bu insanın nə qədər dəyərli olduğunu daha yaxşı anladıq.<br><div style="text-align:center;"><img src="https://atatv.az/uploads/posts/2026-11/935ca047-19fb-45ce-b42a-82b0586bfffe.jpg" style="max-width:100%;" alt=""></div><br>Tapdıqov Məhərrəm Əhməd oğlu Zərdab rayonunun Gəlmə kənd sakinidir. Onu yalnız kənddə deyil, rayon miqyasında da tanıyır, hörmət və rəğbətlə qarşılayırlar. Çünki onun adı uzun illərdir ki, zəhmət, təmizlik, qayğı və məsuliyyətlə yanaşı çəkilir.<br><br>Məhərrəm Tapdıqov uzun illərdir Gəlmə kənd qəbiristanlığında və Şəhidlər Xiyabanında həm təmənnasız, həm də rəsmi qaydada xidmət göstərir. Əvvəllər bu işi heç bir qarşılıq gözləmədən, sırf vicdanının və insanlıq borcunun səsi ilə həyata keçirən Məhərrəm 2022-ci ildən rayon rəhbəri Mərdan Camalovun göstərişi ilə rəsmi qaydada işə qəbul olunub.<br><div style="text-align:center;"><img src="https://atatv.az/uploads/posts/2026-11/e4b4feb4-b230-4b41-bd40-d03d1afeb6f0.jpg" style="max-width:100%;" alt=""></div><br>Onun zəhmət çəkdiyi ərazi kiçik deyil. Altı hektar yarımdan çox sahəni əhatə edən, 800 mindən çox qəbir olduğu bildirilən bu böyük qəbiristanlıqda Məhərrəm Tapdıqovun xüsusi əməyi və izləri var. İlin bütün fəsillərində təmizlik, abadlıq və mühafizə işlərinə nəzarət edir, təşəbbüs göstərir, özü də işin içində olur. O, sadəcə nəzarətçi deyil, həm də bağban, təmizləyici və bu müqəddəs məkanın qayğıkeş xidmətçisidir.<br><div style="text-align:center;"><img src="https://atatv.az/uploads/posts/2026-11/8c77f63b-bb37-4439-a11f-975cdd5f3c03.jpg" style="max-width:100%;" alt=""></div><br>Dilində dua, əlində təmizlik aləti, qəlbində isə insanlara və mərhumlara sonsuz ehtiram... Bəzən qəbir daşlarını təmizləyərkən elə təsir bağışlayır ki, sanki hər bir mərhum onun üçün bu gün də yaşayan, qorunması və qayğısı bir əmanət olan doğmadır. Onun üçün qəbiristanlıq yalnız məzarların yerləşdiyi bir ərazi deyil, insan ömrünün, xatirələrin və mənəvi dəyərlərin qorunduğu müqəddəs məkandır.<br><div style="text-align:center;"><img src="https://atatv.az/uploads/posts/2026-11/5182aa31-776f-4f4a-b079-7c4a0564fb97.jpg" style="max-width:100%;" alt=""></div><br>Qəbiristanlığın girişində yerləşən Şəhidlər Xiyabanında 16 şəhid uyuyur. Məhərrəm Tapdıqov şəhid məzarlarının səliqəsinə xüsusi diqqət yetirir. Xiyabanın ətrafında güllər, çiçəklər əkir, onları becərir, kol və dibçəklərlə ərazini yaşıllaşdırır. Onun zəhməti nəticəsində bu məkan yalnız xiyaban deyil, həm də şəhidlərin əziz xatirəsinə ehtiramın, mənəvi bağlılığın və təmizliyin nümunəsinə çevrilib.<br><div style="text-align:center;"><img src="https://atatv.az/uploads/posts/2026-11/372da85f-919c-445e-87b3-5af6bc4c841d.jpg" style="max-width:100%;" alt=""></div><br>Ərazinin səliqəsi, yaşıllığı və abadlığı onu parkı xatırladan bir məkana çevirir. Bayramlarda, tarixi və əlamətdar günlərdə kənd sakinləri, eləcə də rəsmi qurumların nümayəndələri buraya gəlir, şəhidlərin məzarları önündə dualar oxuyur, onların xatirəsini yad edirlər. Bu zaman Məhərrəm Tapdıqovun gördüyü işlər də diqqətdən kənarda qalmır, ona təşəkkür və minnətdarlıq bildirilir.<br><br>İnsanın seçilməsi, rəğbət qazanması və halal zəhməti ilə ad-san sahibi olması təsadüf deyil. Bunun arxasında illərin əməyi, səbr, vicdan və məsuliyyət dayanır. Məhərrəm Tapdıqov da məhz bu keyfiyyətləri ilə insanların hörmətini qazanıb. Onun zəhməti hədər getməyib, illər boyu gördüyü işlər öz bəhrəsini verib.<br><div style="text-align:center;"><img src="https://atatv.az/uploads/posts/2026-11/9c6aa550-a4f0-4cd6-a1c1-684dd28b0a92.jpg" style="max-width:100%;" alt=""></div><br>Gəlmə kəndinin qəbiristanlığı və Şəhidlər Xiyabanı bu gün təmizlik, abadlıq və qayğı baxımından rayonun, eləcə də ölkənin nümunəvi məkanlarından biri kimi diqqət çəkir. Bu mənzərənin arxasında isə bir insanın səssiz, lakin böyük zəhməti dayanır. Məhərrəm Tapdıqovun fədakar fəaliyyəti həm kənd sakinlərinin, həm də aidiyyəti qurumların rəğbətini qazanıb.<br><br>Vətənə, şəhidlərin müqəddəs xatirəsinə və cəmiyyətə göstərdiyi nümunəvi xidmətə, uzun illər ərzində nümayiş etdirdiyi zəhmətkeşliyə və yüksək məsuliyyətə görə ona hər kəs minnətdardır. Kənd sakinləri də bu işdə ona dəstək olur, gördüyü zəhməti qiymətləndirirlər. Çünki yaxşılıq və zəhmət insanları bir araya gətirən ən böyük mənəvi bağdır.<br><div style="text-align:center;"><img src="https://atatv.az/uploads/posts/2026-11/53ed06b0-f9d6-481d-895e-e480917b0164.jpg" style="max-width:100%;" alt=""></div><br>Əlbəttə, onun çəkdiyi zəhməti heç bir təltif tam ifadə edə bilməz. Bəzən ən böyük mükafat insanların qəlbində qazanılan hörmət, ən qiymətli fərman isə vicdanın verdiyi rahatlıqdır. Bununla belə, haqqı tanımaq, zəhməti dəyərləndirmək və nümunəvi insanları cəmiyyətə təqdim etmək bizim mənəvi borcumuzdur.<br><div style="text-align:center;"><img src="https://atatv.az/uploads/posts/2026-11/decbd992-9407-43a2-bc5a-4c9d471eddde.jpg" style="max-width:100%;" alt=""></div><br>Bu yazı da Məhərrəm Tapdıqovun fədakar əməyinə verilən dəyərin, onun insanlıq və xidmət nümunəsinin ifadəsidir. Çünki həqiqəti yazmaq, zəhməti görünən etmək və haqq sahibinə haqqını vermək jurnalistikanın da, insanlığın da əsas vəzifələrindəndir.<br><br>“Əsl iz insanın ayaq basdığı yerdə deyil, zəhməti ilə abadlaşdırdığı məkanda və yaxşılığı ilə toxunduğu qəlblərdə qalır.”<br><br>Məhərrəm Tapdıqovun ömrü və fəaliyyəti bu fikrin canlı nümunəsidir.<br><div style="text-align:center;"><img src="https://atatv.az/uploads/posts/2026-11/32651a5c-95eb-4dc4-b3bf-10278b9e8579.jpg" style="max-width:100%;" alt=""></div><br>Rasafil Bayramov<br><br>Atatv.az, Azadtv.az saytlarının, Milli Azərbaycan televiziyasının və İctimai Xəbər Agentliyinin təsisçisi və baş redaktoru<br><div style="text-align:center;"><img src="https://atatv.az/uploads/posts/2026-11/1795285741_91dd3686-9a06-47ec-a84c-48beb144e78e.jpg" style="max-width:100%;" alt=""></div>]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1588</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 18:00:34 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795266558_ekran-kli-2026-11-21-170543.png" style="max-width:100%;" alt="İlham Əliyev: Mən Vyetnama səfərimin nəticələrindən çox məmnunam"></div><br><br>Prezident İlham Əliyevin sosial media hesablarında Hanoyda Vyetnam Sosialist Respublikasının Prezidenti To Lamın və xanımı No Fon Linin adından verilən rəsmi nahar tədbirində çıxışından video paylaşılıb.<br><br>Paylaşımda deyilir:<br><br>"Mən Vyetnama səfərimin nəticələrindən çox məmnunam".<br><br>VİDEO LİNKDƏ: <a href="https://report.az/xarici-siyaset/ilham-eliyev-men-vyetnama-seferimin-neticelerinden-cox-memnunam" target="_blank" rel="noopener external">https://report.az/xarici-siyaset/ilham-eliyev-men-vyetnama-seferimin-neticelerinden-cox-memnunam</a>]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1587</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 16:36:46 +0400</pubDate>
<turbo:content><![CDATA[<img src="https://azadmedia.az/uploads/posts/2026-11/1795264550_kiurh9pa9jhdj1i-vdov_1200-1.png" style="float:left;max-width:100%;" alt="Azərbaycanın və Vyetnamın birinci xanımları Hanoyda İrs Evində olublar"><br>Hanoyda noyabrın 21-də Azərbaycan Respublikasının birinci xanımı Mehriban Əliyevanın Vyetnamın birinci xanımı No Fon Li ilə Hanoydakı İrs Evində görüşü olub.<br><br>Azərbaycanın birinci xanımı Mehriban Əliyevaya, qızları Leyla Əliyevaya və Arzu Əliyevaya Hanoyun Köhnə Məhəlləsindəki (Old Quarter) XIX əsrdə tikilmiş, orijinal yaşayış memarlığını və tacir həyat tərzini əks etdirən İrs Evində Vyetnam irsinə aid əl işləri haqqında məlumat verildi.<br><br>Azərbaycanın birinci xanımı və qızları Vyetnam çay təqdimetmə mərasiminə baxdılar.<br><br>Sonra tarixi XI əsrə gedib çıxan və UNESCO-nun Qeyri-maddi Mədəni İrs siyahısına daxil edilmiş ənənəvi ifa sənəti (Ca Trù) nümayiş etdirildi. Bu, qadın ifaçının poetik ifası ilə üçsimli musiqi alətinin və barabanın müşayiətini özündə birləşdirir.<br><br>Daha sonra Vyetnamın rəmzi milli geyimi (Áo Dài) nümayiş olundu. Ənənəvi ipək parçalardan hazırlanmış, naxış və işləmələrlə bəzədilmiş milli geyimlər Vyetnamın müxtəlif dövrlərini əhatə edir.<br><br>Sonda Azərbaycanın birinci xanımına Vyetnam kalliqrafiya sənəti nümunəsi təqdim olundu.]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1586</link>
<author>admin</author>
<category>Cəmiyyət / Gündəm</category>
<pubDate>Sat, 21 Nov 2026 16:09:18 +0400</pubDate>
<turbo:content><![CDATA[<div style="text-align:center;"><img src="https://atatv.az/uploads/posts/2026-11/whatsapp-image-2026-11-21-at-15_44_39.jpg" style="max-width:100%;" alt="Ölüm xəbərindən reytinq yığan və peşə etikasını pozan MEDİA"></div><br><br><b>Ölüm xəbərdir-şəxsi faciə isə reytinq vasitəsi deyil.Bunu media hamıdan yaxşı bilməlidir. Lakin əksəriyyət saytlarda rastlaşdığımız mənzərə əksini göstərir. <br></b><br>Şəmkirdə baş verən hadisə fonunda media etikası, abort problemi və insanın şəxsi həyatına hörmət məsələsinə toxunmaqla bu kimi çatışmazlıqlara aydınlıq gətirmək istəyirik. <br><br>Şəmkirdə 35 yaşlı qadının abort müdaxiləsindən sonra həyatını itirməsi cəmiyyəti sarsıdan faciədir. Hadisə ilə bağlı yayılan məlumatlara görə, qadın özəl tibb müəssisəsində müdaxilədən sonra ağır vəziyyətə düşüb, daha sonra Şəmkir Rayon Mərkəzi Xəstəxanasına çatdırılıb. Lakin aparılan reanimasiya tədbirlərinə baxmayaraq, onun həyatını xilas etmək mümkün olmayıb. Faktla bağlı araşdırma aparılır, ölümün dəqiq səbəbi isə müvafiq ekspertiza və istintaq nəticəsində müəyyənləşdirilməlidir. Bu xəbərdən dərhal sonra Apa.az və Lent.az saytı mərhumun şəklini taparaq "Şəmkirdə abort zamanı ölən 35 yaşlı qadının fotosu" yazısı ilə təkrar xəbəri qeybət formasında paylaşaraü gündəmə gətirir. <br><br>Bu hadisə bir daha qadın sağlamlığını, abort problemini, ailə planlaşdırılmasını və tibbi xidmətin təhlükəsizliyini gündəmə gətirir. Ancaq təəssüf ki, bəzi media subyektlərinin belə faciələrə yanaşması xəbərin mahiyyətindən uzaqlaşaraq şəxsi həyatın nümayişinə, görüntü və təfərrüatların sensasiyaya çevrilməsinə səbəb olur. Bunun isə xəbər əhəmiyyəti, ictimai rəy doğuracaq tərəfi yoxdur. <br><br><b>Bəs jurnalistikanın məqsədi nədir: cəmiyyətə həqiqəti çatdırmaq, yoxsa insanın ən ağır anını reytinqə çevirmək?<br></b><br> Abort: dini, tibbi və hüquqi məsuliyyət<br><br>Dini baxımdan abort bir çox inanc sistemində, xüsusilə İslamda, ciddi mənəvi məsuliyyət daşıyan məsələ kimi qiymətləndirilir. Hamiləliyin səbəbsiz yerə sonlandırılması günah hesab olunur. Bununla belə, dini hökmlərdə tibbi zərurət, ananın həyatı və sağlamlığı kimi hallar ayrıca dəyərləndirilir.<br><br>Tibbi baxımdan da abort risksiz müdaxilə deyil. Hər bir tibbi prosedur kimi onun da müəyyən fəsad ehtimalları mövcuddur. Buna görə qadının sağlamlığı, hamiləliyin müddəti, tibbi göstərişlər, müdaxilənin ixtisaslı mütəxəssis tərəfindən aparılması və təcili yardım imkanları əsas şərtlərdir.<br><br>Azərbaycan qanunvericiliyinə görə isə abort tam qadağan edilməyib. “Əhalinin sağlamlığının qorunması haqqında” Qanunun 30-cu maddəsinə əsasən, qadının öz arzusu ilə hamiləliyin 12 həftəsinədək süni surətdə pozulmasına icazə verilir. Sosial göstərişlər olduqda bu müddət 22 həftəyədək, tibbi göstərişlər olduqda isə hamiləliyin müddətindən asılı olmayaraq tətbiq oluna bilər. Müdaxilə ixtisaslı həkimlər tərəfindən tibb müəssisələrində aparılmalıdır.<br><br>Deməli, qanuni icazənin mövcudluğu abortun mənəvi, tibbi və sosial baxımdan arzuolunan seçim olması demək deyil. Burada əsas məsələ qadının sağlamlığının qorunması, ailələrin məsuliyyətli qərar verməsi və belə faciələrin qarşısının alınmasıdır.<br><br><b> Abortun arxasında hansı sosial səbəblər dayanır? <br></b><br>Azərbaycanda abort hallarının səbəbləri müxtəlifdir. Bəzi ailələr maddi çətinliklər, yaşayış şəraiti, çoxuşaqlı olmaq istəməməsi və ya sağlamlıq problemləri səbəbindən hamiləliyi sonlandırmaq qərarı verirlər. Digər hallarda isə cəmiyyətdə hələ də mövcud olan oğlan uşağına üstünlük, qız uşağının arzuolunmaz sayılması kimi gender stereotipləri selektiv abort problemini doğurur.<br><br>Azərbaycan bu sahədə uzun illərdir doğulan uşaqların cins nisbətində ciddi disbalansla üzləşən ölkələrdən biri kimi beynəlxalq hesabatlarda qeyd olunur. Bu, yalnız fərdi ailə qərarı deyil, qadının cəmiyyətdəki mövqeyi, gender bərabərliyi və sosial düşüncə ilə bağlı daha geniş problemdir.<br><br>Qız uşağının doğulmasını istəməmək, onu ailə üçün yük hesab etmək və ya yalnız oğlan övladı arzulamaq insanlıq və bərabərlik prinsiplərinə zidd düşüncədir. Uşağın cinsi onun dəyərini müəyyən etmir.<br><br>Şəmkirdə həyatını itirən qadının hamiləliyi hansı səbəbdən sonlandırmaq istədiyi barədə rəsmi məlumat yoxdur. Buna görə onun qərarını mühakimə etmək, ehtimalları fakt kimi təqdim etmək doğru olmaz. Lakin bu faciə ailə planlaşdırılması, tibbi maarifləndirmə və qadınların sağlamlıq hüququ barədə ciddi düşünməyə əsas verir.<br><br><b> Xəbərin əhəmiyyəti mərhumun görüntüsündə deyil <br></b><br>Hadisə ilə bağlı bəzi paylaşımlarda mərhum qadının fotosunun, şəxsi məlumatlarının və intim həyatına aid təfərrüatların təqdim edilməsi jurnalistikanın peşə etikası baxımından müzakirə doğurur.<br><br>Qadının abort etdirməsi, ailəli olması, neçə övladının bulunması və hansı şəxsi qərarı verməsi onun ölüm faktının araşdırılması üçün müəyyən kontekstdə əhəmiyyətli ola bilər. Ancaq bu məlumatların hər biri avtomatik olaraq ictimaiyyətə açıqlanmalı deyil.<br><br><b>Xəbərin əsas mahiyyəti qadının necə göründüyü deyil, onun hansı şəraitdə həyatını itirdiyi, tibbi yardımın necə təşkil olunduğu və bu faciənin qarşısının alınmasının mümkün olub-olmadığıdır.<br></b><br>Jurnalist ölüm faktını işıqlandırarkən hadisənin səbəblərini, məsuliyyət məsələsini, tibbi prosedurun qanuniliyini və aidiyyəti qurumların mövqeyini araşdırmalıdır. Mərhumun fotosunu yaymaq, ailəsinin ağrısını nümayiş etdirmək və şəxsi həyatına dair həssas məlumatları ön plana çəkmək isə xəbərin ictimai əhəmiyyətini artırmır.<br><div style="text-align:center;"><img src="https://atatv.az/uploads/posts/2026-11/whatsapp-image-2026-11-21-at-15_44_39-1.jpg" style="max-width:100%;" alt=""></div><br>Azərbaycan Jurnalistlərinin Etik Davranış Kodeksinin şəxsi həyatın toxunulmazlığına dair prinsipləri jurnalistdən yazdığı şəxsin şərəf və ləyaqətinə hörmət etməyi tələb edir. Qəza və cinayət qurbanlarının ad və görüntülərinin razılıq olmadan yayılması da xüsusi etik məhdudiyyətlərə tabedir.<br><br>Bu prinsiplər yalnız sağ olan insanlara deyil, vəfat etmiş şəxslərin xatirəsinə və onların ailələrinin hüquqlarına münasibətdə də məsuliyyət tələb edir.<br><br><b> Qətl, intihar, abort və digər faciələr: media sərhədi harada olmalıdır? <br></b><br>Qətl, intihar, abort zamanı ölüm və digər bədbəxt hadisələr cəmiyyət üçün xəbər əhəmiyyəti daşıya bilər. Lakin belə xəbərlərin təqdimatında həssaslıq və məsuliyyət xüsusilə vacibdir.<br><br>İntihar xəbərlərində üsulun və detallı təsvirlərin verilməsi, qətl hadisələrində meyit görüntülərinin paylaşılması, abortla bağlı xəbərlərdə qadının şəxsi həyatının nümayiş etdirilməsi həm mərhumun ləyaqətinə, həm də yaxınlarının psixoloji vəziyyətinə zərər verə bilər.<br><br>Media hadisəni işıqlandırmaqla yanaşı, onun ictimai səbəblərini araşdırmalı, profilaktik yanaşmanı təşviq etməli və insan həyatının dəyərini ön plana çıxarmalıdır.<br><br>Reytinq naminə həssas görüntülərdən istifadə etmək, başlıqlarda şişirtməyə yol vermək, şəxsi faciəni tamaşaya çevirmək jurnalistikanın missiyasına uyğun deyil.<br><br><b> Jurnalistika insanı deyil, problemi göstərməlidir <br></b><br>Şəmkirdə baş verən ölüm hadisəsi araşdırılmalıdır. Tibbi müdaxilənin hansı şəraitdə aparıldığı, hansı fəsadların yarandığı, yardımın vaxtında göstərilib-göstərilmədiyi və məsuliyyət məsələləri hüquqi qaydada aydınlaşdırılmalıdır.<br><br>Eyni zamanda, abortun sosial səbəbləri, selektiv abort, qadın sağlamlığının qorunması, ailə planlaşdırılması və tibbi maarifləndirmə mövzuları cəmiyyətin diqqətində olmalıdır.<br><br>Ancaq bu araşdırmalar mərhum qadının şəxsi həyatını nümayiş etdirmədən, onun ləyaqətini qoruyaraq aparılmalıdır.<br><br>Çünki jurnalistikanın gücü insanın faciəsini böyütməkdə deyil, faciənin səbəbini üzə çıxarmaqda, cəmiyyətə düşündürücü suallar verməkdə və gələcəkdə belə hadisələrin qarşısını almağa xidmət etməkdədir.<br><br><b>Bir qadının ölümü xəbərdir. Onun şəxsi həyatı isə reytinq materialı deyil.<br></b><br>İnsan ləyaqəti, şəxsi həyatın toxunulmazlığı və peşə etikası hər bir xəbərin sərhədini müəyyən edən əsas prinsiplər olmalıdır.<br><br><b> Günel Sabirqızı <br>Atatv.az, Azadtv.az saytlarının və İctimai Xəbər Agentliyinin xüsusi müxbiri</b><br><div style="text-align:center;"><a href="https://atatv.az/uploads/posts/2026-11/whatsapp-image-2026-11-21-at-15_44_39-2.jpg" class="highslide" target="_blank"><img src="https://atatv.az/uploads/posts/2026-11/thumbs/whatsapp-image-2026-11-21-at-15_44_39-2.jpg" style="max-width:100%;" alt=""></a></div>]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1585</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 15:55:21 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795262090_oockfr3zfrl-cd7v_1200.png" style="max-width:100%;" alt="To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur"></div><br>Azərbaycan həm Avropanın, həm də Asiyanın bənzərsiz mahiyyətini və mədəni irsini daşıyan inci hesab olunur.<br><br>Bunu Vyetnam Prezidenti To Lam Hanoyda Azərbaycan Prezidenti İlham Əliyevin və birinci xanım Mehriban Əliyevanın şərəfinə verilən rəsmi naharda çıxışı zamanı deyib.<br><br>"Ölkəniz ecazkar Qafqaz dağlarını, geniş Xəzər dənizini, yüz illərlə tarixi olan qala və sarayların müasir memarlıq tikililəri ilə birlikdə harmoniya içində mövcud olduğu qədim, lakin müasir paytaxt şəhəri Bakını yada salır. Bundan da heyrətamizi xalqlarımızı birləşdirən oxşar mənəvi, duyğusal və mədəni dəyərlərdir", - deyə Vyetnam Prezidenti əlavə edib.]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1584</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 15:10:02 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795259226_atvysp3kkpm-v7_1200.png" style="max-width:100%;" alt="Mehriban Əliyeva və qızları Vyetnam mədəniyyətinə hörmət əlaməti olaraq rəsmi nahara bu ölkənin milli geyimlərində qatılıblar"></div><br>Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib.<br><br>Rəsmi nahardan yadda qalan bir məqam da geyim seçimi olub.<br><br>Belə ki, Azərbaycanın birinci xanımı Mehriban Əliyeva və qızları Leyla Əliyeva ilə Arzu Əliyeva Vyetnam mədəniyyətinə hörmət əlaməti olaraq tədbirə bu ölkənin milli geyimlərində qatılıblar.]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1583</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 14:35:37 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795257259_rxpvi3gjd-v2thzm_1200.png" style="max-width:100%;" alt="Bazar günü hava 18 dərəcə isti olacaq"></div><br>Bakıda və Abşeron yarımadasında noyabrın 22-də hava şəraitinin dəyişkən buludlu olacağı, əsasən yağmursuz keçəcəyi, lakin axşam bəzi yerlərdə yağış yağacağı gözlənilir.<br><br>Bu barədə Milli Hidrometeorologiya Xidmətindən məlumat verilib.<br><br>Bildirilib ki, gecəyə doğru yarımadanın ayrı-ayrı yerlərində qısamüddətli intensivləşəcəyi ehtimalı var. Mülayim şimal-qərb küləyi əsəcək.<br><br>Havanın temperaturu gecə 10-13° isti, gündüz 15-18° isti olacaq. Atmosfer təzyiqi 756 mm civə sütunundan 761 mm civə sütununa yüksələcək. Nisbi rütubət 70-75 % təşkil edəcək.<br><br>Azərbaycanın şimal və qərb rayonlarından başlayaraq bəzi yerlərdə havanın arabir yağıntılı olacağı gözlənilir. Ayrı-ayrı yerlərdə yağıntının intensiv olacağı, şimşək çaxacağı, dağlıq ərazilərdə qar yağacağı ehtimalı var. Gecə və səhər bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.<br><br>Havanın temperaturu gecə 6-11° isti, gündüz 14-18° isti, dağlarda gecə 3-8° isti, gündüz 8-13° isti olacaq.]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1582</link>
<author>admin</author>
<category>Hadisə</category>
<pubDate>Sat, 21 Nov 2026 12:47:53 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795250841_cccc.png" style="max-width:100%;" alt="Türkiyədə cənazə daşıyan mikroavtobus aşıb, 31 nəfər yaralanıb -Yenilənib"></div><br><br>Türkiyənin İstanbul şəhərindən Amasyaya cənazə daşıyan mikroavtobusun aşması nəticəsində yaralananların sayı 31-ə çatıb.<br><br>Bu barədə Amasya Valiliyi məlumat yayıb.<br><br>Qeyd olunub ki, qəzaya səbəb hava şəraiti ilə əlaqədar yolun sürüşkən olması olub.<br><br>***<br><br>Türkiyənin İstanbul şəhərindən Amasyaya cənazə daşıyan mikroavtobus aşıb.<br><br>Bu barədə "TRT Haber" məlumat yayıb.<br><br>Qeyd olunub ki, hadisə nəticəsində 14 nəfər müxtəlif dərəcəli bədən xəsarəti alaraq yaxınlıqdakı xəstəxanalara çatdırılıb.<br><br>Əraziyə polis və jandarm qüvvələri, yanğınsöndürən briqadaları cəlb olunub.<br><br><br>]]></turbo:content>
</item><item turbo="true">
<turbo:extendedHtml>true</turbo:extendedHtml>
<link>https://atatv.az/index.php?newsid=1581</link>
<author>admin</author>
<category>Gündəm / Cəmiyyət</category>
<pubDate>Sat, 21 Nov 2026 11:48:19 +0400</pubDate>
<turbo:content><![CDATA[<div style="text-align:center;"><img src="https://azadmedia.az/uploads/posts/2026-11/1795246020_6b01-vb23a88.png" style="max-width:100%;" alt="BDYPİ həftəsonu səfərə hazırlaşan sürücülərə müraciət edib"></div><br>Baş Dövlət Yol Polisi İdarəsi (BDYPİ) həftəsonu səfərə hazırlaşan sürücülərə müraciət edib.<br><br>Müraciətdə həftəsonları avtomobil yollarında nəqliyyat vasitələrinin sayının artmasının qəza riskini yüksəltdiyi bildirilib.<br><br>Qeyd olunub ki, mövsümə xas qeyri-sabit hava şəraiti bu riski daha da artırır. Bəzi sürücülərin zəruri təhlükəsizlik qaydalarına əməl etməməsi və hərəkət zamanı məsuliyyətsiz davranması ağır nəticəli yol-nəqliyyat hadisələrinə səbəb olur.<br><br>BDYPİ sürücülərə nasaz nəqliyyat vasitələri ilə yola çıxmamağı, yol və hava şəraitini nəzərə almağı, yorğun və yuxusuz halda sükan arxasına əyləşməməyi, sürət həddinə, ötmə və manevr qaydalarına ciddi riayət etməyi tövsiyə edib.<br><br>İdarə bütün hərəkət iştirakçılarını yol hərəkəti qaydalarına əməl etməyə çağıraraq onlara təhlükəsiz səfər arzulayıb.]]></turbo:content>
</item></channel></rss>