Yasamal bu gün Bakının həm rahatlığı, həm abadlığı, həm də sosial inkişafı ilə seçilən rayonları sırasındadır. Bu uğurun arxasında isə məqsədyönlü idarəetmə və vətəndaş məmnuniyyətini prioritet seçən yanaşma dayanır.

Son illərdə Yasamal Rayon İcra Hakimiyyətinin başçısı Elşad Həsənovun rəhbərliyi dövründə rayonda köklü dəyişikliklər həyata keçirilib. Məqsəd təkcə infrastrukturu yeniləmək deyil, Yasamalı
paytaxtın “yaşamaq üçün ən nümunəvi rayonu”na çevirmək olub.

Rayonun küçə və prospektlərində, məhəllədaxili yollarda geniş abadlıq işləri aparılıb. Sınıq asfaltlar yeniləri ilə əvəz olunub, piyada səkiləri, işıqlandırma sistemi və yaşıllıq zolaqları müasir standartlara uyğunlaşdırılıb. Xüsusilə, həyətlərin “nümunəvi həyət” konsepsiyası ilə yenidən qurulması sakinlər tərəfindən rəğbətlə qarşılanıb. Uşaq meydançaları, idman qurğuları və istirahət guşələri rayonun demək olar ki, bütün məhəllələrini əhatə edib.

Elşad Həsənovun fəaliyyətində ən çox vurğulanan məsələlərdən biri vətəndaş müraciətlərinə operativ baxılmasıdır. Qəbul günləri, səyyar görüşlər və onlayn müraciət kanalları vasitəsilə sakinlərin problemləri yerindəcə həll olunur. Aşağı gəlirli ailələrə, şəhid ailələrinə və qazilərə xüsusi diqqət göstərilir, sosial yardım və məşğulluq proqramları genişləndirilib.

Yasamalda məktəblərin və bağçaların maddi-texniki bazası gücləndirilib. Gənclər üçün müxtəlif klublar, kitabxanalar və mədəni tədbirlər təşkil olunur. Rayon gənclərinin idmana, elmə və könüllülük hərəkatına cəlb olunması üçün mütəmadi layihələr həyata keçirilir. Bu da Yasamalı gənc nəslin fəal olduğu rayona çevirib.

Yaşıllıqların artırılması, qanunsuz tikintilərə qarşı mübarizə və ekoloji təmizlik işləri Yasamalın simasını dəyişib. Parkların və xiyabanların yenidənqurulması, ağacəkmə aksiyaları rayonu daha nəfəsli və yaşıl edib.

Bu gün Yasamal sakinləri rayonda aparılan işləri təkcə asfalt və işıq kimi deyil, həyat keyfiyyətinin yüksəlməsi kimi qiymətləndirirlər. Elşad Həsənovun rəhbərliyi ilə Yasamal paytaxtın ən nümunəvi rayonlarından birinə çevrilərək digər rayonlar üçün də bir model təqdim edir.

Yasamal artıq təkcə Bakının mərkəzi rayonlarından biri deyil. Bu, abad məhəllələri, qayğıkeş idarəçiliyi və xoşbəxt sakinləri ilə seçilən nümunəvi bir məkandır.

Rasafil Bayramov - Atv.az saytının təsisçisi və rəhbəri