Bakı şəhərinin ən böyük və strateji əhəmiyyətli rayonlarından biri olan Qaradağ bu gün yeni bir inkişaf dövrünü yaşayır. Bu dəyişikliklərin arxasında isə öz peşəkarlığı, işgüzarlığı və xalq sevgisi ilə seçilən rəhbər - Qaradağ Rayon İcra Hakimiyyətinin başçısı Natiq Əliyev dayanır.

Natiq Əliyevin Qaradağa gəlişi ilə rayonda sanki yeni bir nəfəs, yeni bir ruh hiss olunmağa başladı. O, Qaradağı sadəcə idarə etmir, onu ürəkdən sevir, onun hər bir məhəlləsinin, hər bir kəndinin, hər bir vətəndaşının qayğısına qalır.

Onun rəhbərliyi dövründə Qaradağda abadlıq və quruculuq işləri sürətləndi. Yolların yenidən qurulması, həyətlərin abadlaşdırılması, yeni parkların salınması, sosial obyektlərin təmiri, sahibkarlığın inkişafına göstərilən dəstək - bütün bunlar Qaradağın simasının gündən-günə yeniləşməsinin bariz göstəricisidir.

Natiq Əliyev vətəndaşla birbaşa ünsiyyət quran, insanların problemini öz problemi kimi qəbul edən rəhbərdir. O, mütəmadi olaraq sakinlərlə görüşür, onların müraciətlərini dinləyir, hər bir məsələnin operativ həllinə çalışır. Şəhid ailələrinə, qazilərə, aztəminatlı ailələrə göstərilən xüsusi diqqət onun insanpərvər və vətənpərvər rəhbər obrazını daha da möhkəmləndirir.

O, dövlət başçısı cənab İlham Əliyevin siyasətini Qaradağda layiqincə həyata keçirən, tapşırıqları məsuliyyətlə yerinə yetirən sadiq və təcrübəli dövlət qulluqçusudur. Onun idarəçilik strategiyası Qaradağı Bakının ən abad, ən inkişaf etmiş və ən yaşana bilən rayonlarından birinə çevirməkdir.

Bu gün Qaradağlılar əmindirlər ki, onların rayonu etibarlı əllərdədir. Çünki Natiq Əliyev kimi rəhbər Qaradağ üçün sadəcə işləmir, Qaradağ üçün yaşayır.

Qaradağın sabahı daha işıqlı, daha abad və daha firavandır. Natiq Əliyevin gəlişi ilə başlayan bu yeniləşmə dalğası davam edəcək və Qaradağ öz inkişafı ilə hər kəsə nümunə olacaq.

Rasafil Bayramov İctimai Xəbər Agentliyi, “Atatv.az” və “Azadtv.az” saytlarının baş təsisçi və direktoru.