Hörmətli Misir müəllim!
Azərbaycan təhsilinin inkişafında uzun illər ərzində göstərdiyiniz çoxşaxəli və səmərəli fəaliyyət, təhsil naziri kimi həyata keçirdiyiniz mühüm işlər, elm və təhsil sahəsinə verdiyiniz dəyərli töhfələr Sizi ölkəmizin tanınmış ziyalılarından və elm-təhsil xadimlərindən birinə çevirib. Alim, pedaqoq və dəyərli ziyalı kimi fəaliyyətiniz boyunca təhsilin keyfiyyətinin yüksəldilməsi, gənc nəslin intellektual və mənəvi inkişafı, elmi potensialın gücləndirilməsi istiqamətində mühüm xidmətlər göstərmisiniz. Sizin uzun illər ərzində formalaşdırdığınız zəngin elmi və pedaqoji irs, təhsil sahəsindəki təcrübəniz və ictimai fəaliyyətiniz hər zaman böyük hörmət və ehtiramla qiymətləndirilir.
Sizi Azərbaycan Respublikasının “Şərəf” ordeni ilə təltif olunmağınız münasibətilə ürəkdən təbrik edirəm! Bu yüksək dövlət təltifi ölkəmizin ictimai, elmi və təhsil həyatında göstərdiyiniz çoxillik xidmətlərə verilən yüksək qiymətin və əməyinizə göstərilən böyük ehtiramın ifadəsidir.
Bu əlamətdar hadisə münasibətilə Sizə möhkəm cansağlığı, uzun ömür, ailə səadəti, firavanlıq və bundan sonrakı fəaliyyətinizdə yeni uğurlar arzulayıram. “Şərəf” ordeni ilə təltif olunmağınız münasibətilə Sizi bir daha səmimi-qəlbdən təbrik edir, xalqımıza və dövlətimizə xidmət yolunda daim uğurlar diləyirəm!

Rasafil Bayramov

Ata Tv.az saytının təsisçi və baş redaktoru