Azərbaycan Respublikasının Vitse-prezidenti Mehriban Əliyevaya Azərbaycan-Türk Xalqları Qardaşlığı İctimai Birliyi adından təbrik

Hörmətli Mehriban xanım!

Azərbaycan-Türk Xalqları Qardaşlığı İctimai Birliyinin çoxsaylı üzvləri, fəalları və Azərbaycan-Türk qardaşlığının möhkəmləndirilməsinə töhfə verən soydaşlarımız adından Sizi səmimi-qəlbdən təbrik edir, Sizə möhkəm cansağlığı, uzun ömür, ailə səadəti, şərəfli və məsuliyyətli fəaliyyətinizdə yeni uğurlar arzulayırıq.

Sizin Azərbaycan xalqının ictimai, mədəni, humanitar və sosial həyatında həyata keçirdiyiniz çoxşaxəli fəaliyyət xüsusi hörmət və ehtiramla qarşılanır. Ölkəmizin milli-mənəvi dəyərlərinin qorunması, zəngin mədəni irsimizin dünyada tanıdılması, xeyriyyəçilik ənənələrinin inkişaf etdirilməsi və insan amilinə göstərilən yüksək diqqət Sizin fəaliyyətinizin əsas istiqamətlərindən biri kimi daim diqqət mərkəzində olmuşdur.

Siz öz fəaliyyətinizlə Azərbaycan qadınının cəmiyyətdəki fəal və layiqli mövqeyini nümayiş etdirir, yüksək humanizm, mərhəmət və vətəndaşlıq nümunəsi göstərirsiniz. Uşaqlara, gənclərə, yaşlılara, xüsusi qayğıya ehtiyacı olan insanlara göstərilən diqqət və qayğı cəmiyyətimizdə böyük rəğbətlə qarşılanır. Xalqımızın ənənəvi humanist dəyərlərinin müasir dövrdə yaşadılması və gələcək nəsillərə ötürülməsi istiqamətində gördüyünüz işlər olduqca təqdirəlayiqdir.

Hörmətli Mehriban xanım!

Azərbaycan-Türk Xalqları Qardaşlığı İctimai Birliyi olaraq bizim üçün Azərbaycan ilə Türkiyə arasındakı qardaşlıq və dostluq münasibətlərinin daha da möhkəmləndirilməsi xüsusi əhəmiyyət daşıyır. Azərbaycan və Türkiyə xalqlarını birləşdirən tarixi, milli, mənəvi və mədəni bağlar əsrlərin sınağından keçmiş möhkəm bir təməldir. Bu qardaşlığın daha da inkişaf etdirilməsi, xalqlarımızın bir-birinə daha da yaxınlaşması və ortaq dəyərlərimizin yaşadılması hər birimizin üzərinə mühüm məsuliyyət qoyur.

Sizin Azərbaycan-Türkiyə qardaşlığının daha da möhkəmlənməsinə, xalqlarımız arasında humanitar və mədəni əlaqələrin inkişafına verdiyiniz töhfələr böyük ehtiramla qiymətləndirilir. Azərbaycan və Türkiyə xalqlarının ortaq tarixinin, dilinin, mədəniyyətinin və mənəvi dəyərlərinin qorunması, gələcək nəsillərə çatdırılması istiqamətində görülən işlər ölkələrimiz arasındakı sarsılmaz birliyin daha da güclənməsinə xidmət edir.

Bu gün Azərbaycan-Türkiyə münasibətləri bütün dünyaya nümunə olan qardaşlıq münasibətlərindən biridir. Xalqlarımızın “Bir millət, iki dövlət” prinsipi əsasında bir-birinə olan bağlılığı hər keçən gün daha da möhkəmlənir. Bu tarixi qardaşlığın inkişafında ziyalıların, ictimai xadimlərin, mədəniyyət və incəsənət nümayəndələrinin, eləcə də ictimai birliklərin üzərinə böyük vəzifələr düşür. Azərbaycan-Türk Xalqları Qardaşlığı İctimai Birliyi də öz fəaliyyətində məhz bu ali məqsədlərə sadiq qalaraq xalqlarımızın dostluğuna və qardaşlığına xidmət etməyi özünün əsas missiyalarından biri hesab edir.

Sizin rəhbərliyiniz və təşəbbüslərinizlə həyata keçirilən sosial və humanitar layihələr cəmiyyətimizin müxtəlif təbəqələrinə dəstək olmaqla yanaşı, insanlara ümid və inam bəxş edir. Xeyirxahlıq, mərhəmət, vətənpərvərlik və milli həmrəylik kimi ali dəyərlərin cəmiyyətimizdə daha da möhkəmlənməsi baxımından bu fəaliyyətin əhəmiyyəti olduqca böyükdür.

Siz Azərbaycan xalqının milli-mənəvi dəyərlərinə bağlılığınız, dövlətçilik ənənələrinə sədaqətiniz və xalqımızın rifahına yönəlmiş fəaliyyətinizlə cəmiyyətimizin böyük hörmətini qazanmısınız. Sizin nümunəniz xüsusilə gənc nəsil üçün vətənə, xalqa və milli dəyərlərə xidmət baxımından mühüm örnəkdir.

Azərbaycan-Türk Xalqları Qardaşlığı İctimai Birliyi olaraq inanırıq ki, Azərbaycan və Türkiyə arasında mövcud olan tarixi qardaşlıq münasibətləri bundan sonra da bütün sahələrdə daha böyük uğurlarla davam edəcəkdir. Xalqlarımızı birləşdirən mənəvi bağlar, qarşılıqlı hörmət və etimad gələcək nəsillər üçün də möhkəm dostluq və həmrəylik nümunəsi olacaqdır.

Hörmətli Mehriban xanım!

Sizin simanızda biz yalnız yüksək dövlət və ictimai məsuliyyət daşıyan bir şəxsiyyəti deyil, həm də humanizm, mərhəmət, milli dəyərlərə sədaqət və Azərbaycançılıq ideallarına bağlılığın parlaq nümunəsini görürük. Sizin gördüyünüz işlər Azərbaycanın beynəlxalq aləmdə humanist, mədəni və sivil dövlət kimi tanıdılmasına da öz töhfəsini verir.

Arzu edirik ki, həyatınızın bütün mərhələlərində Uca Allah Sizi qorusun, Sizə və ailənizə möhkəm cansağlığı, firavanlıq və xoşbəxtlik bəxş etsin. Dövlətimizə və xalqımıza xidmət yolunda fəaliyyətiniz daim uğurlu olsun, həyata keçirdiyiniz bütün nəcib təşəbbüslər qarşıya qoyduğunuz məqsədlərə çatsın.

Qoy Azərbaycanımız daim inkişaf etsin, xalqımız sülh və əmin-amanlıq içində yaşasın, Azərbaycan-Türkiyə qardaşlığı əbədi və sarsılmaz olsun! İki qardaş xalqı birləşdirən tarixi və mənəvi bağlar gələcək nəsillərin də həyatında daim yaşasın. Ölkələrimiz arasındakı dostluq və strateji tərəfdaşlıq daha da möhkəmlənsin, xalqlarımızın rifahına və regionda sülhə xidmət etsin.

Sizi bir daha Azərbaycan-Türk Xalqları Qardaşlığı İctimai Birliyi adından ən səmimi arzularımızla təbrik edir, Sizə uzun ömür, möhkəm cansağlığı, ailə səadəti, tükənməz enerji və yeni-yeni nailiyyətlər arzulayırıq.

İnanırıq ki, Sizin nəcib fəaliyyətiniz, humanist təşəbbüsləriniz və Azərbaycan xalqına xidmət əzminiz bundan sonra da böyük rəğbət və ehtiramla qarşılanacaqdır.

Hörmət və ehtiramla,

Azərbaycan-Türk Xalqları Qardaşlığı İctimai Birliyinin həmsədrləri:

F.ü.f.d.,dos.Səkinə Bayramova

F.ü.f.d.,dos.Yeganə Qəhrəmanova

Azərbaycan-Türk Xalqları Qardaşlığı İctimai Birliyinin Mətbuat Xidməti