Mehriban xanım Əliyeva Azərbaycanın ictimai-siyasi və humanitar həyatında xüsusi yeri olan, xeyirxahlığı, mərhəməti və insanlara qayğısı ilə seçilən yeganə şəxsiyyətlərdən biridir.

Hər birimizə çox yaxşı məlumdur ki Mehriban xanımın fəaliyyəti yalnız dövlət idarəçiliyi və ictimai layihələrlə məhdudlaşmır; Mehriban Əliyevanın adı həm də insanların həyatına toxunan, cəmiyyətə ümid və inam bəxş edən çoxsaylı humanitar təşəbbüslərlə bağlıdır.

Mehriban Əliyevanın fəaliyyətində insan amili hər zaman əsas yer tutur ki, xüsusilə də uşaqların, aztəminatlı ailələrin, şəhid və müharibə iştirakçılarının ailələrinin, sağlamlıq imkanları məhdud insanların qayğısına qalması onun humanist mövqeyinin mühüm göstəricilərindəndir.

Danılmaz həqiqətdir ki, Mehriban Əliyevanın təşəbbüsü və dəstəyi ilə həyata keçirilən layihələr insanların sosial rifahının yaxşılaşdırılmasına, təhsil və səhiyyə imkanlarının genişləndirilməsinə mühüm töhfələr verib.

Mərhəmət insanın sahib olduğu ən böyük mənəvi dəyərlərdən biridir.

Mehriban xanım Əliyevanın ictimai fəaliyyətində bu dəyər zaman-zaman konkret addımlarda özünü göstərir. İnsanların sevincinə şərik olmaq, çətin günündə onların yanında dayanmaq, ehtiyacı olanlara yardım göstərmək və cəmiyyətin həssas təbəqələrinə diqqət ayırmaq onun fəaliyyətinin əsas istiqamətlərindən birinə çevrilib.

Mehriban Əliyevanın rəhbərlik etdiyi Heydər Əliyev Fondu da Azərbaycanın sosial, mədəni, təhsil və səhiyyə sahələrində mühüm layihələr həyata keçirən nadir qurumlardan biridir.

Bu mötəbər fondun fəaliyyəti çərçivəsində Mehriban xanımın təşəbbüsü ilə məktəblərin, uşaq bağçalarınln, ali və orta ixtisas təhsil müəssisələrinin və səhiyyə obyektlərinin yaradılması və yenilənməsi, müxtəlif sosial layihələrin həyata keçirilməsi, mədəni irsin qorunması istiqamətində çoxsaylı mühüm işlər görülüb.

Onu da qeyd edək ki, Mehriban Əliyevanın təşəbbüsləri təkcə ölkəmizdə deyil həmçinin Azərbaycanın hüdudlarından kənarda da ölkəmizin humanizm ənənələrinin tanıdılmasına xidmət edir.

Xüsusilə qeyd etmək lazımdır ki,Azərbaycan mədəniyyətinin və milli-mənəvi dəyərlərinin dünyada təbliği ilə yanaşı, humanitar layihələrə verilən dəstək ölkəmizin beynəlxalq aləmdə mərhəmət və həmrəylik prinsiplərinə sadiq dövlət kimi tanınmasına böyük töhfə verir.

Mehriban xanım Əliyevanın şəxsiyyətini səciyyələndirən ən yüksək xüsusiyyətlərdən biri də onun insanlara münasibətində səmimiyyət və diqqətdir.

Onun üçün böyük layihələrin arxasında dayanan əsas məqsəd insanların həyatını yaxşılaşdırmaq, onlara daha yaxşı gələcək üçün imkan yaratmaqdır.

Bu baxımdan da “Mərhəmət İlahəsi” ifadəsi Mehriban xanım Əliyevanın xeyirxahlıq və humanizm fəaliyyətini poetik şəkildə ifadə edən bir başlıqdır. Çünki mərhəmət yalnız söz deyil, əməl və davranışla özünü göstərən mənəvi keyfiyyətdir. Mehriban Əliyevanın uzun illər ərzində həyata keçirdiyi humanitar təşəbbüslər də məhz bu dəyərin praktik ifadəsi kimi qiymətləndirilməlidir.

Bugün Mehriban xanım Əliyevanın fəaliyyəti Azərbaycan cəmiyyətində xeyirxahlıq, həmrəylik və insanlara qayğı kimi dəyərlərin daha da möhkəmlənməsinə xidmət edir. Onun gördüyü işlər gələcək nəsillərə bir həqiqəti xatırladır: insanlara edilən yaxşılıq yalnız bir şəxsin həyatını dəyişmir, bütövlükdə cəmiyyətə ümid və mərhəmət hissi qazandırır.

Mehriban xanım Əliyevanın adı bu mənada yalnız gördüyü işlərlə deyil, insanlara bəxş etdiyi ümid, qayğı və mərhəmət duyğusu ilə də yadda qalır. Onun fəaliyyəti xeyirxahlığın, insanpərvərliyin və cəmiyyətə xidmətin nümunələrindən biri kimi Azərbaycan tarixində özünəməxsus yer tutur, dəstəklənir və sevilir.

Rasafil Bayramov - Atv.az saytının təsisçisi və rəhbəri