Dünən onun doğum günü idi. Müxtəlif ölkə rəhbərləri və onların xanımları ona xüsusi təbrik məktubu göndərir, ya da zəng edərək canlı bu təbriki yerinə yetiridilər. Hər yerdə bununla bağlı tədbir və özəl qeydlər baş tuturdu. Ancaq O, xoşməramlı səfir olaraq doğum gününü də sevdiyi uşaqlar əhatəsində, iş başında keçirdi. Müqəddəs ana missiyasını, xeyirxah qadın obrazını, xoşməramlı şəxsiyyət bütövlüyünü doğma günündə də uşaqlardan, balaca körpələrdən əsirgəmədi.
“Avqustun 26-da Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva, qızları Leyla Əliyeva və Arzu Əliyeva Bakının Nəsimi rayonunda 352 saylı körpələr evi-uşaq bağçasının açılışında iştirak ediblər” xəbər cümləsində biz Mehriban ananın bu xeyirxah addımını, gözəl niyyətini, gələcək qayğısını görməyə bilməzdik. Heydər Əliyev Fondunun icraçı direktoru Anar Ələkbərov körpələr evi-uşaq bağçasında görülən işlər barədə məlumat verəndə məlum oldu ki, bağçada dövlət hesabına xeyli işlər də görülüb, həssas qrup uşaqlar üçün xüsusi şərait yaradılıb. Bu bağça 116 yerlik uşaq bağçası kimi istifadəyə verilən müəssisə 1972-ci ildən eşitmə qabiliyyəti pozulmuş uşaqların respublika ixtisaslaşdırılmış körpələr evi-uşaq bağçası kimi fəaliyyət göstərib. Hazırda isə 352 saylı körpələr evi-uşaq bağçası kimi fəaliyyətini davam etdirir. Məhz Heydər Əliyev Fondunun dəstəyi ilə binada əsaslı təmir işləri aparılıb və yeni korpus inşa olunub. Əslində bütün bağça və körpələr evinin belə qayğı və diqqətə ehtiyyacı var.
Görülən işlərə gələndə, yeni körpələr evi-uşaq bağçasında eşitmə qabiliyyəti pozulmuş uşaqlar üçün xüsusi qrup saxlanılmaqla, uşaqların məktəbəqədər təhsil və tərbiyə almalarına hər cür şərait yaradıldığını, eşitmə qabiliyyəti pozulmuş uşaqlar üçün burada 36 yerlik ikimərtəbəli əlavə korpus inşa olunduğunun canlı şahidi olduq.
Körpələr evi-uşaq bağçasında surdoloq, oyun və yataq otaqları, idman, tədbir, musiqi və rəqs zalları, tibb, geyinib-soyunma və müəllimlər otaqları var ki, surdoloq kabinetləri, dərs, oyun otaqları zəruri avadanlıqlar və mebellərlə təmin olunub.
Uşaqlar üçün açıq havada oyun və idman meydançaları salınıb, söhbətgahlar quraşdırılıb. Əminəm ki, belə şərait gələcəkdə bütün ölkə bağçlarında, körpələr evində yaradılacaq. Bütün körpələrimiz əmin əllərdə, şəraitli təhsil müəsissələrində təhsil alacaq.
Bir məlumatı da öyrəndim ki, Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin reabilitasiya müəssisələrində bu ilin yanvar-iyul aylarında 27345 uşağa xidmətlər göstərilib.Onlardan əlilliyi olan 1317 uşaq stasionar, 16442 uşaq ambulator, digərləri icma əsaslı, onlayn, səyyar reabilitasiya xidmətlərinə cəlb olunub.
Bildirilib ki, bu kateqoriyaya aid uşaqlar Agentliyin Bakıda yerləşən 1 və 2 saylı Uşaq Reabilitasiya Mərkəzlərində, Qəbələ və Şəmkir rayonlarındakı Uşaq Reabilitasiya Mərkəzlərində reabilitasiya xidmətləri ilə təmin edilirlər.
Əslində bu cür xidmətlər bütün ölkəni əhatə etməli, ölkəmizin bütün balaları, övladları təminatlı dövlət dəstəyini görməli, layqili və diqqət içərisində böyüməlidir. Necə ki, Mehriban ananın göstərişi ilə bu istiqamətdə xeyli işlər görülmüş və görülməkdədir. Doğum gününüz bir daha mübarək, Mehriban ANA!

ATATV.AZ saytının təsisçisi, baş redaktor Rasafil Bayramov