Kanadanın keçmiş Baş naziri Castin Trüdo filmlər, seriallar və digər əyləncəli proqramlar istehsal edən bir şirkət təsis edib.

Bu haqda “Reuters” agentliyi məlumat yayıb.

Yeni şirkət “Hope and Hard Work” (“Ümid və Gərgin Əmək”) adlanır. Bu ifadə siyasətçinin öz çıxışlarında tez-tez istifadə etdiyi bir ifadədir.

Trüdo bu biznesi uzun müddət onun aparat rəhbəri vəzifəsində çalışmış Keti Telfordla birlikdə qurub. Şirkət bildirib ki, o, insanların film, televiziya, audio və canlı layihələr vasitəsilə bir-birini “görməsinə, anlamasına və aralarında bağlılıq hiss etməsinə” kömək edən hekayələr vasitəsilə onları bir araya gətirməyi hədəfləyir.