Abşeron -Xızı Regionla təhsil İdarəsinə aid təhsil ocaqları son illər ölkə təhsil sitemində nizam-intizam qaydalarında, təhsil nəticələrində , müəllim şagird və valideyn münasibətlərinin düzgün qurulması istiqamətində görülən işlər, əldə olunan nəticələr sayəsində xüsusilə seçilir, inam və ümüdlə gələcək nəslin savadlı, tərbiyəli yetişməsində xidmətlərini əsirgəmir.

Hazırda eyni ilham və həvəslə Abşeron-Xızı Regional təhsil İdarəsinin tabeliyindəki ümumi təhsil müəssisələrində yeni tədris ilinə hazırlıq işləri görülür.
Hazırlıq tədbirləri çərçivəsində təhsil müəssisələrində sanitar-gigiyenik və təmizlik işləri həyata keçirilir. Ötən tədris ilinin uğurlarına nəzər salanda aydın olur ki, il səmərəli və uğurlu keçib.

Belə ki, Sumqayıt şəhərində keçirilən Abşeron-Xızı rayonları üzrə təhsil işçilərinin yekun sentyabr konfransında Abşeron-Xızı Regional Təhsil İdarəsinin müdiri İlhamə Abdullayevanın geniş və əhatəli təqdimatı oldu. Təqdimatda 2025–2026-cı tədris ilinin yekunlarına ətraflı nəzər salınıb, görülmüş işlər və əldə olunmuş nəticələr müqayisəli təhlillər əsasında təqdim edilib. Qeyd olunub ki, ötən tədris ilində həyata keçirilən sistemli və məqsədyönlü tədbirlər nəticəsində təhsilin keyfiyyətinin yüksəldilməsi, idarəetmə mexanizmlərinin təkmilləşdirilməsi və şagird nailiyyətlərinin artırılması istiqamətində mühüm irəliləyişlər əldə olunub.
Təqdimatda akademik nəticələrdə müşahidə olunan müsbət dinamika, eləcə də şagirdlərin respublika və beynəlxalq səviyyəli müsabiqə və olimpiadalarda qazandıqları uğurlar xüsusi vurğulanıb. Bu nəticələr aparılan işlərin səmərəliliyinin göstəricisi kimi qiymətləndirilib və ümumi inkişaf dinamikası müqayisəli formada iştirakçıların diqqətinə çatdırılıb.
Bildirilib ki, Abşeron-Xızı Regional Təhsil İdarəsinin tabeliyində olan ümumi təhsil müəssisələrinin XI sinifləri üzrə qızıl və gümüş nişana namizəd məzunların sayı getdikcə artır. Təbiət elmləri təmayüllü gimnaziya xüsusilə yüksək nəticəsi ilə seçilir. Onlardan 15 məzun qızıl, 3 məzun isə gümüş nişana layiq görülüb. Beləliklə, məktəbin 18 məzunu XI sinfi yüksək nəticə ilə başa vuraraq nişan sahibi olub. Ümumilikdə isə 30 nəfər qızıl, 12 nəfər isə gümüş nişana layiq görülüb.
Mayın 6-dan etibarən həyata keçirilən 2026–2027-ci tədris ili üzrə uşaqların I sinfə elektron qəbulu prosesi ərzində 124 mindən artıq uşağın birinci sinfə qəbul prosesi tamamlanıb. Onlar yeni tədris ilində uğurla redional idarəyə tabeli təhsil müəssəslərində başlayacaq , gələcək uğurların təməlini qoyacaqlar.

Regional Təhsil İdarəsi üzrə ən yüksək nəticəni Sumqayıt şəhər Təbiət Elmləri Təmayüllü Gimnaziyanın 11a sinfi göstərib. Bu sinif 2025–2026-cı tədris ili üzrə qəbul nəticələri ilə diqqət çəkib.
Sinfin 17 məzunu 500-dən yüksək, 13 məzunu isə 600-dən yüksək bal toplayıb. Onlardan 13-ü Azərbaycan Tibb Universitetinin “Müalicə işi” ixtisasına qəbul olub.
Sinfin ən yüksək nəticəsini Tağızadə Samir Hikmət göstərib. O, qəbul imtahanında maksimal nəticə olan 700 bal toplayıb.
Yüksək nəticə göstərən məzunlar arasında Mursaquliyeva İnci Rəsul – 690,2, Fərhadova Aysel Elnur – 682,6, Nağıyev Hüseyn Samir – 682, Tahirzadə Amin Pərviz – 679,1 və Səfizadə Rüqiyyəxanım Fərid – 675,4 bal nəticə göstəriblər.

Region üzrə ümumtəhsil ocaqlarında olimpiadalarda yüksək nəticə göstərənlər də çoxdur.
Respublika Fənn Olimpiadalarının qalibləri ali təhsil müəssisələrinə birbaşa qəbul olunublar.
Sumqayıt şəhər 23 nömrəli tam orta ümumtəhsil məktəbinin məzunları yüksək nailiyyətləri ilə fərqlənərək Dövlət İmtahan Mərkəzinin imtahanlarında iştirak etmədən birbaşa ali təhsil müəssisələrinə qəbul olunublar.
Nəsir Bəşirov – ADA Universiteti
RFO İnformatika: 2 qızıl, 2 gümüş medal
İnfo Cup beynəlxalq olimpiadası – bürünc
EJOI – “honourable mention”
Fikrət Əsədzadə – ADA Universiteti
RFO İnformatika: 3 gümüş, 1 bürünc medal
İnfo Cup – iştirakçı
Muhəmmədəli Əhmədzadə – ADA Universiteti
RFO İnformatika: 1 qızıl, 2 gümüş, 1 bürünc medal
EJOI – bürünc
İATİ – bürünc
Eşqin Səfərli – Bakı Ali Neft Məktəbi
RFO Kimya: 2 gümüş, 1 bürünc medal
ICHO – iştirakçı
İstedadlıların hazırlığı beynəlxalq olimpiadası – iştirakçı
Qafar Quluzadə – Bakı Dövlət Universiteti
RFO Azərbaycan dili və ədəbiyyatı: 2 gümüş, 2 bürünc medal
Respublika və beynəlxalq olimpiadalarda qazandıqları bu nailiyyətlər onların yüksək bilik və zəhmətinin göstəricisidir.


Abşeron-Xızı Regional təhsil İdarəsinin təşkil etdiyi panellərdə tez-tez şagirdlərin çətinlik çəkdikləri mövzular, mövcud tədris yanaşmalarının səmərəliliyi, dərsin planlaşdırılması, diferensial tədris, formativ qiymətləndirmə, zəif nəticə göstərən şagirdlərlə iş, eləcə də müəllimlərin metodiki və resurs ehtiyacları ətrafında fikir mübadiləsi aparılır. İştirakçılar tədris prosesində qarşılaşdıqları problemləri və onların səbəblərini izah edib, praktik təcrübələrini bölüşüb, nəticələrin yaxşılaşdırılması üçün təkliflər irəli sürürlər.
Səmərəli və qarşılıqlı müzakirə şəraitində keçirilən görüşlər müəllimlərarası əməkdaşlığın gücləndirilməsi, uğurlu təcrübələrin paylaşılması və növbəti tədris ili üçün konkret metodiki fəaliyyətlərin müəyyənləşdirilməsi baxımından mühüm əhəmiyyət daşıyır və uğurların sayını arırır. Hər fənn qrupu üzrə həyata keçirilməsi nəzərdə tutulan konkret tədbirlər, məsul tərəflər və nəticələrin qiymətləndirilməsi üsulları müəyyənləşdirilir.

Həmçinin müəllimlərin peşəkar inkişafı, innovativ təlim metodlarının tətbiqi, rəqəmsal imkanlardan səmərəli istifadə və nəticəyönümlü idarəetmənin gücləndirilməsi, məktəblərin müasir texniki avadanlıqlarla təminatı, təmiri qarşıdakı dövr üçün əsas istiqamətlər kimi nəzərə alınır.
Gələcək hədəflər kimi isə növbəti mərhələdə məktəblərdə Məktəb İnkişaf Planlarının tətbiqi daha da genişləndiriləcək, akademik nəticələrin məlumatlara əsaslanan təhlili gücləndiriləcək, risk qrupunda olan təhsil müəssisələrinə məqsədyönlü dəstək tədbirləri davam etdiriləcək. Eyni zamanda təhsilin keyfiyyət təminatı sisteminin inkişafı, şagird nailiyyətlərinin artırılması və təlim prosesində müasir yanaşmaların tətbiqi əsas prioritet istiqamətlər kimi müəyyən edilib.

Ümüd edirik ki, Abşeron- Xızı Regional təhsil İdarəsi tabeli müəssisələr uğur və nailiyyətləri, qabaqcıl yenilik və uğurlu təcrübələri, şagird və müəllim kollektivinin əldə olunan nailiyyət və uğurları ilə ölkənin təhsil sistemindəki yerini daha ön sıralara keçirəcək, seçiləcək.
Rasafil Bayramov Atatv.az xəbər saytının təsisçisi və baş redaktor