ATATV.AZ xəbər verir ki, “Mərhəmət İlahəsi” adlı jurnalın təqdimat mərasimi keçirilib. "Xudafərin" şadlıq sarayında keçirilən
tədbirdə "Azərbaycan Türk Xalqları Qardaşlığı" İctimai Birliyinin sədri ,filologiya üzrə fəlsəfə doktoru ,pedaqoq Səkinə Bayramova, həmsədr ADPU-nun dosenti ,filologiya üzrə fəlsəfə doktoru, pedaqoq,ATATV.AZ saytının birinci redaktor müavini Yeganə Qəhrəmanova , birinci müavin jurnalist -ziyalı Hacı İlham Qurbanoğlu ,"Vəhdət" partiyasının təşkilati işlər üzrə sədr müavini Zahir İbrahimli, xeyriyyəçi Hacı İntiqam,şair -jurnalist Abil İslam, jurnalist Yeganə Telmanqızı, Almaz Yaşar,eləcə bir sıra ictimai birliklərin rəhbər və üzvləri, media və ictimaiyyət nümayəndələri iştirak ediblər.
Təqdimat mərasimi ATATV.AZ saytının redaktoru Yaşar Şirvani aparıcılığı ilə baş tutdu. Təqdimat zamanı jurnalın nəşrində göstərdiyi dəstəyə görə “ATA TV.AZ” və “İctimai Xəbər Agentliyi”nin təsisçisi və rəhbəri Rəsafil Bayramova təşəkkür ifadə olunub. Nəfis tərtibatlı jurnalın nəşri istiqamətində görülən işlərdən bəhs olunub.
Qeyd edək ki, “Mərhəmət İlahəsi” jurnalında ictimaiyyət nümayəndələrinin, alim və professorların, sənətşünaslıq və fəlsəfə üzrə elmlər doktorlarının, eləcə də media nümayəndələrinin müxtəlif mövzularda yazıları yer alıb.
Jurnal Azərbaycanın Birinci vitse-prezidenti, Heydər Əliyev Fondunun prezidenti, UNESCO-nun xoşməramlı səfiri Mehriban xanım Əliyevanın doğum gününə həsr olunduğundan çıxış edən natiqlər Mehriban xanım Əliyevanın ölkəmizin ictimai-siyasi və mədəni həyatında həyata keçirdiyi çoxşaxəli fəaliyyətindən söz açıblar. Onun mədəniyyət, təhsil, səhiyyə, sosial və humanitar sahələrdə həyata keçirdiyi layihələrin cəmiyyət üçün əhəmiyyətindən bəhs edilib.
Çıxışlarda Heydər Əliyev Fondunun rəhbəri kimi Mehriban xanım Əliyevanın təşəbbüsü və rəhbərliyi ilə həyata keçirilən müxtəlif sosial və humanitar layihələr xüsusi vurğulanıb. Təhsil müəssisələrinin tikilməsi və yenilənməsi, səhiyyə ocaqlarının yaradılması, uşaqlara və aztəminatlı ailələrə dəstək göstərilməsi, xüsusi qayğıya ehtiyacı olan insanların problemlərinə diqqət yetirilməsi onun fəaliyyətinin mühüm istiqamətləri kimi qeyd olunub.
Tədbir iştirakçıları Azərbaycanın zəngin mədəni irsinin qorunması və beynəlxalq səviyyədə təbliği istiqamətində görülən işlərdən də danışıblar. Muğam sənətinin, xalçaçılığın, tarixi-memarlıq abidələrinin və digər milli-mədəni dəyərlərin dünyada tanıdılması istiqamətində həyata keçirilən layihələrin Azərbaycanın mədəni irsinin beynəlxalq aləmdə təqdim olunmasına mühüm töhfə verdiyi vurğulanıb.
Çıxışlarda Mehriban xanım Əliyevanın təşəbbüsü ilə həyata keçirilən xeyriyyə və sosial layihələrin cəmiyyətin müxtəlif təbəqələrinə dəstək göstərilməsində mühüm rol oynadığı bildirilib. Xüsusilə uşaqların, gənclərin, qadınların və sosial müdafiəyə ehtiyacı olan insanların problemlərinə göstərilən diqqətin əhəmiyyəti qeyd olunub.
Tədbirdə Mehriban xanım Əliyevanın fəaliyyətinin Azərbaycan xalqının milli-mənəvi irsinin qorunması, ölkəmizin beynəlxalq nüfuzunun artırılması və sosial-humanitar layihələrin genişləndirilməsi baxımından xüsusi əhəmiyyət daşıdığı vurğulanıb. Həmçinin "Vəhdət" partiyasının təşkilatı işlər üzrə sədr müavini Zahir İbrahimli sədr Adəm İsmayıl Bakuvinin xüsusi salam və təbrikini çatdırdı. Həmçinin jurnalist və əməkdaşlardan Günel Sabir qızı ,Natavan Arifqızı və Ədalət Arazlı da tədbirə canlı qoşularaq görülən və görüləcək işlərlə bağlı şəxsi təbrik və təkliflərini bildiriblər.
Təqdimat ziyafət məclisi ilə davam edib, sonda iştirakçılarla xatirə şəkilləri çəkdirilib.
Qeyd edək ki, "Mərhəmət İlahəsi" jurnalının ilk sayı ötən il çap edilib.

ATATV.AZ saytının təsisçisi ,baş redaktor Rəsafil Bayramov