Hörmətli Məleykə xanım!
Azərbaycan təhsilinin flaqmanı, xalqımızın milli-mənəvi dəyərlərinin və ziyalı potensialının formalaşmasında misilsiz rolu olan Bakı Dövlət Universitetinin rektoru kimi məsuliyyətli və şərəfli vəzifəyə təyin olunmağınız münasibətilə Sizi İctimai Xəbər Agentliyinin kollektivi adından səmimi-qəlbdən təbrik edirik!
Siz uzun illər ərzində ölkəmizdə təhsil sisteminin təkmilləşdirilməsi, biliyin obyektiv qiymətləndirilməsi və müasir standartların tətbiqi sahəsində əvəzsiz xidmətlər göstərmisiniz. Gənc nəslin elmə olan marağının artırılması, intellektual gəncliyin yetişdirilməsi və Azərbaycan elminin beynəlxalq müstəvidə layiqincə təmsil olunması istiqamətində gördüyünüz işlər hər zaman yüksək qiymətləndirilib.
Bir əsrdən artıq tarixə malik olan Bakı Dövlət Universiteti təkcə ali təhsil ocağı deyil, həm də xalqımızın ictimai-siyasi fikir tarixinin və elm məktəbinin beşiyidir. Əminik ki, Sizin zəngin idarəçilik təcrübəniz, yüksək peşəkarlığınız və elmə olan dərin bağlılığınız sayəsində bu qocaman elm məbədi daha da inkişaf edəcək, yeni elmi nailiyyətlərə imza atacaq və dünya universitetləri arasında öz layiqli yerini daha da möhkəmləndirəcəkdir.
Sizə bu şərəfli yolda möhkəm cansağlığı, tükənməz enerji və Azərbaycan elminin, təhsilinin tərəqqisi naminə yeni-yeni uğurlar arzulayırıq!
Dərin hörmətlə,
Rasafil Bayramov
İctimai Xəbər Agentliyinin, ATA TV və Azad TV-nin təsisçi-baş direktoru,
Yeganə Qəhrəmanova
ADPU-dosenti, filologiya üzrə fəlsəfə doktoru,
Azərbaycan-Türk Xalqları Qardaşlığı İctimai Birliyinin həmsədri,
İctimai Xəbər Agentliyi və ATA TV-nin direktoru