Paytaxt Bakının siması ildən-ilə dəyişib müxtəlif istiqamətlərdə inkişaf edən iri rayonlarından biri də Binəqədi rayonudur. Abşeron yarmadasının şimal qərbində yerləşən Binəqədidə hazırda 400 mindən yuxarı sakin yaşayır. 20-25 il öncə Binəqdidə görməli, icrasına ehtiyac duyulan xeyli işlərin görülməsinə ehtiyac var idisə, indi yeniləşən, müasirləşən ölkənin inkişaf strategiyasına uyğun Binəqədi rayonu da seçilir, xüsusi diqqət və qayğı ilə əhatələnir. Təbii ki, bu inkişaf payında xüsusi xidmətləri ilə seçilən Binəqədi Rayon İcra Hakimiyyətinin başçısı Elxan Allahverdiyevin tapşırıq və tövsiyyələri, nəzarət və göstərişləri ildən-ilə rayon daxilində görülən işlərlə özünü göstərir.
Aparılan islahatlar çərçivəsində Bakı şəhəri və onun ətraf qəsəbələri ilə yanaşı Binəqədi rayonunda da abadlıq-quruculuq, yaşıllaşdırma və təmizlik sahəsində işlər mütəmadi və planlı şəkildə davam etdirilir.

Binəqədidə son illərdə bir sıra sistemli, kompleks xarakterli layihələr işlənib hazırlanaraq uğurla reallaşdırılıb. Yaşayış məntəqələrinin təbii qaza, suya, elektrik enerjisinə olan tələbatının ödənilməsi, küçə və məhəllədaxili işıqlandırma sistemlərinin qurulması, ictimai nəqliyyatın fasiləsiz işləməsi, sosial təyinatlı obyektlərin-məktəblərin, uşaq bağçalarının, xəstəxanaların, mədəniyyət evlərinin tikintisi və bərpası, müasir avadanlıqla təchiz edilməsi ilə bağlı qısa müddətdə xeyli iş görülüb.

Bakının dörd böyük mikrorayonunu və beş qəsəbəsini birləşdirən Binəqədi hazırda tikinti-quruculuq işlərinin intensiv getdiyi, iri sənaye potensialının mərkəzləşdiyi bir rayondur. Sürətlə abadlaşan Binəqədi bu gün sanki yenidən qurulur. Burada təkcə ötən illər ərzində öz əhəmiyyətinə görə respublika səviyyəli mühüm layihələr həyata keçirilib və ölkəmizdə gedən artım tempinə uyğun şəkildə bir sıra nailiyyətlər əldə edilib.

Ötən ildən görülən işlər içərisində 34 milyon manat dəyərində güzəştli mənzillərin tikintisini göstərmək olar. Mənzil İnşaatı Dövlət Agentliyinə məxsus “MİDA” MMC Bakı şəhəri, Binəqədi rayonu, Binəqədi qəsəbəsi, Mədən 1, korpus 5 ünvanında yerləşən 9,0 ha torpaq sahəsində çoxmənzilli yaşayış binalarının tikintisini davam etdirir.

Rayon İcra Hakimiyyəti başçısı Elxan Allahverdiyevin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlarla mütəmadi keçirilən görüşlərdə ətraflı məlumatlar verir. Onların təklif və problemlərini dinləyərək həlli istiqamətində göstərişlər verir. Mikrorayon sakinləri bundan öncəki görüşlərdə qaldırılmış problemlərin müsbət həlli ilə ilə bağlı saytımıza verdiyi məlumatlarda müəyyən probemlərin həll olunduğu bildirir. Hazırda görüləcək işlər siyahısıana A.Kunanbayev küçəsi 4/17 saylı binanın liftlərin yenisi ilə əvəzlənməsi və binanın dam örtüyünün təmiri, A.Kunanbayev küçəsi 18a saylı ünvanda ağacların dərmanlanması, İ.Hacıyev 62C ünvanında ADSEA tərəfindən aparılan qazıntı işlərindən sonra asfalt örtüyünün bərpası, A.Kunanbayev küçəsi 7a saylı binanın həyətində qurumuş ağacların götürülməsi, A.Kunanbayev küçəsində sahibsiz heyvanların ərazidən toplanması, S.S.Axundov küçəsi 5/34 saylı binanın həyətində sıradan çıxmış asfalt örtüyünün bərpa edilməsi, oturacaqların qoyulması və işıqların bərpa olunması, Azadlıq prospekti 200 saylı ünvanda yağış sularının fərdi yaşayış evlərinə daxil olmasının aradan qaldırılmasına köməklik göstərilməsi ilə əlaqədar aidiyyəti qurumlara müvafiq tapşırıqlar verilib.

Sakinlər həmçinin bildirir ki, Zahid Qəmbərov küçəsində 99 nömrəli tam orta məktəbə gedən yolda piyada keçid zolaqlarının rənglənməsi, F.Hümbətov parkında su sayğacının bərpa edilməsi, Arif Hüseynov küçəsində bazarın qarşısında kanalizasiya xəttinin tutulması, İncəçay küçəsində sahibsiz heyvanların ərazidən yığışdırılması, Arif Hüseynov küçəsinə bankomatın quraşdırılması, İlham Hacıyev küçəsində asfalt örtüyünün bərpa edilməsi, Ramiz Aboyev adına parkda işıqlandırılmanın təmiri, 8 Mart küçəsi ilə Əli Məmmədov küçəsinin kəsişməsində çökmüş asfaltın bərpa olunmasına köməklik göstərilməsi ilə əlaqədar müraciətlərinin əsasında aidiyyəti qurumlara müvafiq tapşırıqlar verilib

İcra başçısı Elxan Allahverdiyev tərəfindən aşağı gəlirli ailələrə, həssas təbəqə sakinlərinə, şəhid ailələrinə və qazilərə xüsusi diqqət göstərilir, sosial yardım və məşğulluq proqramları genişləndirilir .

Bununla yanaşı, rayonun bir sıra küçə və prospektlərində, məhəllədaxili yollarda geniş abadlıq işləri aparılıb. Sıradan çıxmış asfalt örtüklər yeniləri ilə əvəz olunub, piyada səkiləri, işıqlandırma sistemi və yaşıllıq zolaqları müasir standartlara uyğunlaşdırılıb. Yaşayış binalarının ətrafında salınan uşaq meydançaları, idman qurğuları və istirahət guşələri rayonun demək olar ki, bütün məhəllələrini əhatə edərək vətəndaş məmnunluğu yaradır.
Bundan əlavə, aidiyyəti qurumlar tərəfindən rayon ərazisində qaz, su, kanalizasiya və elektrik təsərrüfatında köhnəlmiş kommunikasiya xətləri mərhələli şəkildə yenilənir. Park və yaşıllıq ərazilərində yararsız vəziyyətə düşmüş oturacaqlar təmir olunur, tamet örtükləri yenilənir, müasir tipli tullantı konteynerləri quraşdırılır, sanitariya-təmizlik işləri aparılır, mövcud yaşıllıqlara aqrotexniki qulluq göstərilir, küçə və məhəllələr asfaltlanır, yaşayış binalarının fasadları və dam örtükləri əsaslı təmir edilir.

Son illər rayonda məktəblərin və bağçaların maddi-texniki bazası gücləndirilib. Gənclərin və uşaqların asudə vaxtının səmərəli təşkili üçün müxtəlif klublar, kitabxanalar və mədəni tədbirlər təşkil olunur. Rayon gənclərinin idmana, elmə və könüllülük hərəkatına cəlb olunması üçün mütəmadi layihələr həyata keçirilir.

Qeyd edək ki, Binəqədi rayonunda abadlıq, yenidənqurma və infrastrukturun müasirləşdirilməsi istiqamətində həyata keçirilən işlər hazırda da planlı şəkildə davam etdirilir. Gələcəkdə də davam etdiriləcək inkişaf prosesinin məqsədi rayonun daha abad, daha rahat və daha inkişaf etmiş modelini yaratmaqdır.


ATATV.AZ saytının təsisçisi və baş redaktoru Rasafil Bayramov