Çin lideri Si Cinpin ABŞ Prezidenti Donald Trampla görüşündə Vaşinqtondan Tayvanın müstəqilliyinə qarşı mövqeyini qorumasını və Tayvan məsələsinə ehtiyatla yanaşmasını istəyib.


Bunu Çinin xarici işlər naziri Van İ sentyabrın 26-da Si Cinpinin ABŞ-a səfərinin yekunları ilə bağlı açıqlamasında bildirib.


“Si Cinpin Çin tərəfinin Tayvan məsələsində prinsipial mövqeyini açıqlayaraq, ölkənin milli birliyini və ərazi bütövlüyünü qətiyyətlə qoruduğunu vurğulayıb, ABŞ tərəfini ‘Tayvanın müstəqilliyinə’ qarşı düzgün mövqeyini qorumağa, Tayvan məsələsinə ehtiyatla yanaşmağa, Çin-ABŞ strateji əməkdaşlığına və iki ölkə münasibətlərinin inkişafına mane olan amilləri aradan qaldırmağa çağırıb”, - Van İ bildirib.


Qeyd edək ki, Si Cinpin sentyabrın 23-25-də ABŞ-a səfəri çərçivəsində ABŞ Prezidenti Donald Trampla görüşüb.