Hörmətli Qumru Qasımova!

Siz gəncliyin enerjisini, xanımlara xas zərifliyi, yüksək məsuliyyət hissini və fəal ictimai mövqeyi özündə birləşdirən, gördüyü işlərə dəyər qatan ziyalı xanımlardansınız. Azərbaycan-Türk Xalqları İctimai Birliyinin Beynəlxalq əlaqələr üzrə sədr müavini kimi fəaliyyətiniz, ictimai proseslərdə fəallığınız, milli-mənəvi dəyərlərimizə bağlılığınız və Azərbaycan-Türk dünyasının həmrəyliyinə verdiyiniz töhfələr təqdirəlayiqdir.
Bu gün Azərbaycan cəmiyyətində öz sözü, mövqeyi, təşəbbüsləri və əzmi ilə seçilən fəal xanımlarımızın varlığı böyük qürur doğurur.

Qumru xanım, Siz gənc nəslə nümunə olan, ictimai fəaliyyətində məsuliyyəti və prinsipiallığı ilə seçilən, milli dəyərlərimizi yaşatmağı və təbliğ etməyi özünə mənəvi borc bilən xanımlarımızdansınız. İnanırıq ki, zəngin potensialınız, məqsədyönlülüyünüz və işinizə olan sevginiz bundan sonra da yeni uğurlarınıza yol açacaq, fəaliyyətinizlə daha böyük nailiyyətlərə imza atacaqsınız.Arzu edirik ki, həyatınızın hər yeni yaşı
sizə daha böyük sevinc, yeni imkanlar, uğurlu təşəbbüslər və xoş müjdələr gətirsin. Üzünüzdən təbəssüm, qəlbinizdən sevgi, yolunuzdan uğur əskik olmasın. Hər zaman sağlam, xoşbəxt, sevilən və dəyər görən bir xanım kimi ətrafınıza nur saçın. Gözəl arzularınız gerçəkləşsin, zəhmətiniz bəhrəsini versin, fəaliyyətiniz daim hörmət və rəğbətlə qarşılan­sın!

Sizi Azərbaycan-Türk Xalqları İctimai Birliyinin rəhbərliyi və kollektivi adından doğum gününüz münasibətilə səmimi-qəlbdən təbrik edir, Sizə möhkəm cansağlığı, uzun ömür, ailə səadəti, tükənməz enerji və şərəfli fəaliyyətinizdə yeni-yeni uğurlar arzulayırıq!

Sizə Azərbaycanımızın tərəqqisi, Türk dünyasının birliyi və ictimai fəaliyyətiniz naminə atdığınız hər addımda müvəffəqiyyətlər arzulayırıq. Qoy ömrünüzün hər günü bugünkü təbriklər qədər xoş, qəlbiniz qədər saf, arzularınız qədər işıqlı olsun!

Dərin hörmət və ən xoş arzularımızla,
Azərbaycan-Türk Xalqları İctimai Birliyinin həmsədri, f.ü.f.d.,dos.Yeganə Qəhrəmanova,

Birliyin l müavini Hacı İlham Qurbanoğlu,

ATXQ İB-nin Mətbuat xidmətinin rəhbəri Rasafil Bayramov