Azərbaycanın milli geyimləri xalqımızın tarixini, mədəniyyətini, zövqünü və milli kimliyini əks etdirən mənəvi sərvətimizdir. Hər bir naxışında keçmişimizin izlərini, hər bir detalında xalqımızın zəngin ənənələrini yaşadan bu geyimlər yalnız səhnələrdə və milli bayramlarda nümayiş etdirilməklə məhdudlaşmamalıdır.
Bəs niyə milli geyimlərimizi gündəlik həyatımıza qaytarmayaq? Niyə qadın, kişi və uşaq geyimlərində milli üsluba daha çox üstünlük verməyək? Milli geyimlərimizi müasir dəblə uzlaşdırAZƏRBAYCAN MİLLİ GEYİMLƏRİ YALNIZ SƏHNƏDƏ DEYİL, GÜNDƏLİK HƏYATIMIZDA DA YAŞAMALIDIR!
Milli geyimlərimiz yalnız bayramlarda və səhnələrdə nümayiş etdirilən tarixi libaslar deyil. Onlar xalqımızın milli kimliyini, mədəniyyətini və zəngin keçmişini əks etdirən dəyərlərimizdir. Qadın, kişi və uşaq geyimlərində milli üslubun qorunması, müasir dəblə uzlaşdırılması həm ölkəmizdə, həm də beynəlxalq aləmdə Azərbaycan mədəniyyətinin tanıdılmasına töhfə verə bilər.
Bəs niyə milli geyimlərimizi yalnız səhnə ilə məhdudlaşdıraq? Niyə onları müasir həyatımıza qaytarmayaq?
Geyimlərimizi gözəlliyini qorumaq və yeni dizaynlarla zənginləşdirmək mümkündür.
Bu istiqamətdə rəssamların, modelyerlərin, dizaynerlərin və dərzilərin üzərinə mühüm vəzifə düşür. Milli naxışlarımızı, rənglərimizi və ənənəvi geyim elementlərimizi müasir geyim kolleksiyalarında yaşatmaqla həm gənc nəslin marağını artırmaq, həm də Azərbaycan mədəniyyətini dünyada daha geniş tanıtmaq olar.
Milli geyimlərimizin ölkəmizdə və beynəlxalq bazarlarda tanıdılması, istehsalı və satışının genişləndirilməsi də diqqətəlayiq məsələdir. Qoy Azərbaycan milli geyimləri yalnız keçmişimizi xatırladan eksponatlar deyil, müasir həyatımızın, milli qürurumuzun və mədəni təqdimatımızın bir hissəsi olsun.
Axı milli geyim xalqın yalnız libası deyil, onun tarixi, ruhu və kimliyidi

ATA-TV.AZ-ın BAŞ REDAKTORUNUN BİRİNCİ MÜAVİNİ
AYNURƏ ULDUZ TEYMUROVA