2026-CI İLİN İLK 9 AYININ NƏTİCƏLƏRİ: 145 763 NƏFƏR İŞLƏ TƏMİN EDİLİB

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyi 2026-cı ilin yanvar–sentyabr ayları üzrə bir sıra statistik göstəricilər açıqlayıb. Rəsmi məlumatlara əsasən, bu müddətdə 145 763 nəfər işlə təmin edilib, 5 383 nəfər özünüməşğulluq proqramına, 13 147 nəfər peşə hazırlığı kurslarına cəlb olunub.

Bəs rəqəmlərin arxasında hansı reallıq dayanır? İşlə təmin olunan vətəndaşların neçəsi daimi iş yeri qazanıb, neçəsi layiqli əməkhaqqı ilə təmin olunub? Müraciət edən hər bir vətəndaş məşğulluq xidmətindən eyni səviyyədə faydalana bilirmi?

Məşğulluq xidməti yalnız statistik göstəricilərlə deyil, insanlara yaratdığı real imkanlarla qiymətləndirilməlidir. Vətəndaşın işsizliyinə son qoyulması, əmək hüquqlarının qorunması və davamlı gəlir əldə etməsi əsas məqsəd olmalıdır.

Əlbəttə, açıqlanan rəqəmlər görülən işlərin miqyasını göstərir. Lakin xidmətlərin keyfiyyəti, vətəndaş məmnuniyyəti, müraciətlərə münasibət və mümkün hüquq pozuntuları barədə də şəffaf məlumatların təqdim edilməsi vacibdir. Bu məsələlərə qiymət vermək üçün konkret faktlar, şikayətlərin araşdırılma nəticələri və müstəqil qiymətləndirmələr əsas götürülməlidir.

ƏSAS MƏSƏLƏ RƏQƏMLƏR DEYİL, VƏTƏNDAŞIN ƏLDƏ ETDİYİ REAL NƏTİCƏDİR!

Məşğulluq xidməti xalqa xidmət etmək üçün yaradılıb. Burada əsas qazanan işsiz vətəndaş, onun ailəsi və cəmiyyət olmalıdır. Əgər vətəndaş iş tapmaq əvəzinə qapılar arasında qalırsa, deməli, xidmətin keyfiyyəti barədə əlavə suallar yaranır.

İctimaiyyətin gözləntisi aydındır: şəffaflıq, ədalət, məsuliyyət və real nəticə. Çünki dövlət xidmətinin uğuru yalnız neçə nəfərin siyahıya daxil edilməsi ilə deyil, neçə insanın həqiqətən işsizliyin çətinliyindən xilas olması ilə ölçülür.

MƏŞĞULLUQ XİDMƏTİ XALQA XİDMƏT ETMƏLİ, STATİSTİKA İSƏ REAL NƏTİCƏLƏRİ ƏKS ETDİRMƏLİDİR!

Mənbələr: Dövlət Məşğulluq Agentliyinin rəsmi statistikası — https://dma.gov.az/fealiyyet/statistics

Əmək və Əhalinin Sosial Müdafiəsi Nazirliyinin məlumatı — https://www.sosial.gov.az/az/media/xeberler/yanvar-sentyabr-aylarinda-410-min-sexs-aktiv-mesgulluq-tedbirleri-ile-ehate-olunub-9917

AYNURƏ ULDUZ TEYMUROVA “Atatv.az” saytının direktorun birinci müavini.