Nərimanov rayonuna rəhbərlik edən Elgin Həbibullayev — idarəçilik təcrübəsi və şəhər inkişafına diqqət mərkəzindədir.

Bakı şəhərinin mühüm rayonlarından biri olan Nərimanov rayonuna bu gün Elgin Şirin oğlu Həbibullayev rəhbərlik edir.
7 aprel 1977-ci ildə Bakı şəhərində anadan olan Elgin Həbibullayev Azərbaycan Dövlət İqtisad Universitetinin maliyyə-kredit fakültəsini fərqlənmə diplomu ilə bitirib. Daha sonra Harvard Biznes Məktəbinin idarəetmə proqramında təhsil alıb.
Onun əmək fəaliyyəti dövlət idarəçiliyi sahəsində müxtəlif məsul vəzifələrlə bağlı olub. Nərimanov Rayon İcra Hakimiyyətinə rəhbər təyin olunmazdan əvvəl Bakı Şəhər İcra Hakimiyyəti Aparatının rəhbəri, daha əvvəl isə Sumqayıt Şəhər İcra Hakimiyyəti başçısının müavini vəzifəsində çalışıb.
2022-ci il fevralın 18-də Azərbaycan Respublikasının Prezidenti İlham Əliyevin sərəncamı ilə Elgin Həbibullayev Bakı şəhəri Nərimanov Rayon İcra Hakimiyyətinin başçısı təyin edilib.
Nərimanov rayonu paytaxtın sosial və ictimai həyatında xüsusi əhəmiyyət daşıyan ərazilərdən biridir. Belə bir rayona rəhbərlik etmək böyük məsuliyyət, idarəçilik təcrübəsi və sakinlərin problemlərinə həssas yanaşma tələb edir.
Rayonda abadlıq, yaşıllaşdırma, ictimai məkanların yenilənməsi, sosial və şəhər infrastrukturunun inkişafı istiqamətində həyata keçirilən işlər diqqət çəkir. Son illərdə yaradılan yeni istirahət məkanları və abadlıq layihələri rayonun şəhər mühitinin yenilənməsinə xidmət edir.

Nərimanov rayonunun inkişafı həm paytaxtın ümumi görünüşünə, həm də burada yaşayan insanların gündəlik həyatına təsir edən mühüm istiqamətlərdən dir
İdarəçilikdə əsas məsələ görülən işlərin sakinlərin həyatında real nəticə yaratmasıdır. Bu baxımdan Nərimanov rayonunda aparılan abadlıq və sosial yönümlü layihələrin davam etdirilməsi, vətəndaş müraciətlərinə diqqətin artırılması rayonun gələcək inkişafı üçün də mühüm əhəmiyyət daşıyır.
Nərimanov rayonunun inkişafında əməyi olan hər bir dövlət qulluqçusuna və zəhmət çəkən kollektivə uğurlar arzulayırıq.

Rasafil Bayramov
AtaTv.az saytının təsisçi və baş redaktoru