8 NOYABR – ZƏFƏR GÜNÜ MÜNASİBƏTİLƏ TƏBRİK
Əziz həmvətənlər!
Sizi Azərbaycan xalqının qəhrəmanlıq salnaməsinə qızıl hərflərlə yazılmış 8 Noyabr – Zəfər Günü münasibətilə ATA TV və İctimai Xəbər Agentliyinin kollektivi adından ürəkdən təbrik edirik!
Bu möhtəşəm Zəfər xalqımızın milli birliyinin, sarsılmaz iradəsinin, Vətən sevgisinin və Azərbaycan Ordusunun misilsiz qəhrəmanlığının təntənəsidir.
44 günlük Vətən müharibəsində Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu tarix yazaraq torpaqlarımızı işğaldan azad etdi, xalqımıza qürur və şərəf dolu günlər yaşatdı.
Bu Zəfər şəhidlərimizin qanı, qazilərimizin fədakarlığı, əsgər və zabitlərimizin igidliyi, bütövlükdə Azərbaycan xalqının həmrəyliyi hesabına qazanıldı.
Bu gün hər bir azərbaycanlının qəlbində qürurla dalğalanan üçrəngli bayrağımız Zəfərimizin, dövlətçiliyimizin və milli birliyimizin rəmzidir.
Bu müqəddəs yolda canından keçən şəhidlərimizin əziz xatirəsini dərin ehtiramla yad edir, qazilərimizə şəfa, veteranlarımıza uzun ömür arzulayırıq.
Zəfərimiz əbədi, birliyimiz sarsılmaz, Azərbaycanımız daim qüdrətli olsun!
8 Noyabr – Zəfər Günümüz mübarək!
Hörmətlə, ATA TV və İctimai Xəbər Agentliyinin kollektivi
Rasafil Bayramov “İctimai Xəbər Agentliyinin” Rəhbəri.
