Azərbaycan-Türk Xalqları Qardaşlığı İctimai Birliyinin təbriki

8 Noyabr Azərbaycan tarixinin ən şərəfli səhifələrindən biri, milli qürurumuzun, mübarizə əzmimizin və tarixi ədalətin təntənəsidir.

Azərbaycan xalqının 44 günlük Vətən müharibəsində qazandığı möhtəşəm Qələbə yalnız hərbi zəfər deyil, həm də milli ruhun, dövlətçilik iradəsinin və xalq-dövlət-ordu birliyinin parlaq təzahürüdür.

Bu Zəfər bir daha sübut etdi ki, Vətən sevgisi ilə birləşən xalqın qarşısında heç bir qüvvə dayana bilməz.

Azərbaycan-Türk Xalqları Qardaşlığı İctimai Birliyi olaraq bu əlamətdar gündə Azərbaycan xalqını ürəkdən təbrik edir, Zəfərimizin yaratdığı qürur və iftixar hissini bütün türk dünyası ilə bölüşürük.

Biz inanırıq ki, Azərbaycan və Türkiyə başda olmaqla, bütün türk xalqlarının qardaşlığı, həmrəyliyi və birliyi bundan sonra da güclənəcək, ortaq tariximiz, milli-mənəvi dəyərlərimiz və gələcəyə dair hədəflərimiz bizi daha sıx birləşdirəcək.

Bu şanlı Qələbənin memarlarını, Vətən uğrunda canından keçən şəhidlərimizi dərin ehtiramla yad edir, qazilərimizə minnətdarlığımızı bildiririk.

Qoy Zəfər ruhu daim yaşasın, Azərbaycan-Türk qardaşlığı əbədi olsun!

Yaşasın qalib Azərbaycan!
Yaşasın Azərbaycan-Türk qardaşlığı!
Zəfər Günümüz mübarək!

Hörmətlə,
Azərbaycan-Türk Xalqları Qardaşlığı İctimai Birliyi